Brenda 15 ditësh, klubi Tirana do të mbledhë asamblenë e saj. Ky është verdikti i mbledhjes së grupit iniciator të kësaj ideje, i cili përbëhej nga më shumë se 1/3 anëtarë të asamblesë. Lajmi është konfirmuar nga Riza Icka, anëtar i asamblesë dhe anëtar i kryesisë së klubit. “Kërkesën për thirrjen e asamblesë e kanë firmosur 37 anëtarë të saj, ndërsa në mbledhjen e sotme u vendos që kjo asamble të mblidhet brenda 15 ditëve të ardhshme”. Tashmë duket se gjithçka është vendosur, pasi, sipas statutit të klubit, për të mbledhur asamblenë vendos vetë klubi, ose kjo bëhet pas kërkesës së të paktën 1/3 të 71 anëtarëve të saj. Në rastin konkret janë plot 37 anëtarë, të cilët kanë firmosur kërkesën për thirrjen e asamblesë, çka është brenda rregullores. Po ashtu, në mbledhjen e djeshme është përcaktuar edhe motoja e kësaj asambleje, e cila sipas zotit Icka është: “Donatorë bashkohuni për të mirën e Tiranës”. Thirrja e asamblesë, sipas anëtarit të kryesisë së klubit bardheblu, bëhet pasi kishte përfunduar afati i asamblesë së parë. Kjo do të jetë një asamble zgjedhore, ku pritet të ketë edhe një rinovim të anëtarëve të saj, sepse në listën aktuale të asamblesë figurojnë ende 7 persona të cilët janë të vdekur, mes të cilëve ish-presidenti El Sajedi, Bari Ishka etj., por edhe disa të tjerë që janë të sëmurë (disa nuk lëvizin, ose lëvizin shumë pak). Po ashtu, në këtë asamble do të miratohen vendimet, të cilat do të jetë të vlefshme deri në momentin kur edhe do të bëhet kthimi i klubit në shoqëri aksionere. Por jo gjithçka ka shkuar vaj. Kjo, pasi një pjesë e anëtarëve të asamblesë janë kundër thirrjes së saj. Gjithçka mbetet për t‘u verifikuar në ditët e ardhshme. Menjëherë pas përcaktimit të afatit kohor të thirrjes së asamblesë ka reaguar edhe donatori Refik Halili (që nuk ka qenë pjesë e mbledhjes së djeshme, por është “pro”), i cili thekson se kjo “nuk i sjell asnjë të keqe askujt, por do të shërbejë për të rregulluar punët te Tirana, e cila prej disa kohësh nuk funksion si në anën administrative dhe ku problemet vazhdojnë të jenë ekzistente”. Vetë Halili thekson se dëshira e tij është që në këtë asamble të zgjidhen të gjitha problemet dhe donatorët të vazhdojnë të bashkuar përpara. “Unë jam për bashkëpunim. Por jo për këtë lloj bashkëpunimi, ku disa punojnë dhe të tjerët (Papuli dhe Nuri) prishin punë, nuk respektojnë kontratat me klubin”. Gjithsesi, ditët në vazhdim priten të jenë të zhurmshme, ndërsa asambleja shpresohet të zgjidhë situatën kaotike në drejtim administrativ të klubit Tirana.

Ne kampionatin kombetar qe behet per te dytin vit radhazi ne Dardhe te Korces, Tirana ka mundur te grumbulloje 28 pike, ndersa ekipi i Shishtavecit 30 pike.

Ne nje piste me gjatesi prej 200 metrash kane startuar garen 50 sportiste skiatore nga i gjithe vendi nga te cilet 18 kane qene femra, nje pjesemarrje e larte kjo per kete sezon dimeror.

Skipista e rinovuar ne Bigell te Dardhes ka sjelle edhe nje nivel me te larte per garat e sivjetshme, pasi ka plotesuar te gjitha kushtet teknike.

Ne kete kampionat morren pjese ekipet e Pukes, Shishtavecit, Korces, Kukesit, Tiranes, Durresit, Elbasanit, Voskopojes, Vikthuqit, Borjes dhe shkolla e Shishtavecit.

Skipista eshte ndertuar ne nje lartesi prej 1735 metra mbi nivelin e detit, e vetmja ne vend me kushtet optimale per organizimin e nje kampionati me permasa kombetare.

Kryeqyteti shqiptar ka nisur me ngadalë t‘i futet normalitetit pas ditëve të “gjata” të festimeve të Vitit të Ri. Pas netëve frenetike të 31 dhjetorit, duke u gdhirë 1 janari, por edhe mbrëmjen e ditës së parë të 2009-ës, Tirana i është futur rrjedhës së jetës me një ngadalësi, pasi thuajse të gjitha dyqanet, që nga furrat e bukës kanë qenë të mbyllura në tri ditët e para të vitit që sapo hyri. Tashmë është kthyer një traditë, pak më ndryshe nga shumë vende, ku Shqipëria “zgjohet” me vonesë pas një “dehjeje” të gjatë ditëve të festave.

Festimet

Ata që patën pjesë të “programit” daljen pas orës 00:00 natën e ndërrimit të viteve, frikën më të madhe kanë pasur fishekzjarrët. Në qendër, në periferi, në lagje, nga dritaret, nga makina, madje dhe brenda në shtëpi, janë hedhur, dëgjuar e parë gjithfarëlloj ngjyrash dhe “specie” lëndësh plasëse. Më të pasionuarit pas këtij “sporti” kanë qenë fëmijët, bashkë me prindërit. Më të frikësuarit ishin të rriturit. Natën e ndërrimit të viteve, por edhe më datë 1, fishekzjarrët e kanë mbushur qiellin, tokën, parvazet e dritareve me dritë dhe ngjyra. Për më shumë, më të lumturit kanë qenë fëmijët, por më të fituarit tregtarët e këtyre produkteve. Ndezëset më të bukura janë hedhur në qendër të kryeqytetit, ku festimet ishin edhe më të zjarrta.

Nata e ndërrimit të viteve, ashtu si në të gjithë botën, ka mbushur rrugët e kryeqytetit jo vetëm me njerëz, por me urime, me dhurata e përqafime. Nata e ndërrimit të viteve është gdhirë me festë, muzikë, këngë, kërcim dhe shumë pije.

Lokalet, baret, pubet, diskotekat, restorantet, klubet kanë qenë të tejmbushura njësoj si rrugët kryesore të Tiranës. Ofertat e tyre kanë qenë të shtrenjta, por përfshinin shumë pije brenda, prandaj shumica e klientëve janë kthyer në shtëpi jo vetëm me marrje mendsh, por me energji totalisht të konsumuara. Një natë e zhurmshme, e mbipopulluar dhe me shumë rrëmujë ishte ajo e Vitit të Ri. Të rinjtë, në mënyrë të veçantë kanë festuar deri në orët e para të mëngjesit, duke lënë më pas një qytet komplet të shkretë, duke zëvendësuar zhurmën me qetësinë dhe muzikën me qetësinë e shtratit. Shumë urime, “Gëzuar Vitin e Ri”, “Vit i mbarë”, “Shëndet dhe para”, “Harmoni dhe suksese”, “Për shumë vjet gëzuar”, kanë qenë më të përdorurat. Shumë urime janë thënë gojarisht, të tjera me emaile, me mesazhe telefonike, me thirrje dhe me vizita. Vitet e fundit pak më rrallë, por mbeten ende pjesë e traditës shqiptare vizitat e urimit. Data 1 ka nisur me vizita, me urime, duke festuar bashkë. Madje për shumë nga ata të cilët kanë festuar Vitin e Ri në punë ka qenë data 1 më festive se 31. Shumica e shërbimeve për qytetarët ka munguar në ditët e para të janarit, por datat 3 dhe 4 kanë qenë rikthimi në normalitet për një pjesë të mirë të të punësuarve. Administrata pritet të fillojë nga puna sot. Ndërkohë që për një pjesë të madhe të shkollave në Veri të vendit, ku ka pasur dhe reshje të shumta bore, do të shtyhet hapja e shkollave për disa ditë.

Deri në mbylljen e takimeve, vizitave do të shkëmbehen urimet për një vit të mbarë, për shkollë, punë, shëndet, harmoni dhe gëzime.

“Kemi bërë përmirësime në aspektin psikologjik”. Kështu ka thënë dje trajneri i Tiranës, Agustin Kola, i cili pas afro dy javësh nën drejtimin e skuadrës, tashmë ka ndryshuar mendje: Nëse ditën e parë theksonte se nuk i nevojitej merkato, tashmë dritaren e transferimeve e shikon si një mundësi të domosdoshme. “Do të ndërhyjnë në merkato, për të përforcuar ekipin në disa reparte. Do të bëjmë disa blerje, të cilat do të mund të na shërbenin për pjesën tjetër të sezonit drejt arritjes së objektivave që kemi. Por ende nuk janë përcaktuar se cilët do të jenë kandidatët, që do të synohen të afrohen gjatë periudhës së transferimeve të lojtarëve”. Po ashtu trajneri Kola ka premtuar se, fytyrën e vërtetë të skuadrës së tij do ta shikojmë në pjesën e dytë të sezonit. “Tirana e vërtetë do të duket pas muajit janar. Do të bëj të pamundurën për këtë ekip dhe premtoj se nuk do t‘i zhgënjej tifozët e Tiranës”, shtoi trajneri bardheblu. Abrahami e Lila nuk do të aktivizohen këtë javë, për shkak se rezultojnë të skualifikuar pas kartonëve të marrë. Ndërsa pjesa tjetër e ekipit është e disponueshme për trajnerin Kola në prag të ndeshjes së fundit të këtij viti. Agolli do të luajë për herë të parë në mbrojtje, pasi mungon Abrahami i skualifikuar. Vendin e zakonshëm të Agollit në mesfushë do ta zërë Sefa. Do të mungojë edhe Lila dhe në pozicionin e tij do të jetë Arapi.