Lajme Online Shqip » SHBA

Zgjedhjet, SHBA sjell 34 vezhgues per procesin

Mimoza A — Wed, 24 Jun 2009 07:59:03 +0000

Komisioni Qendror i Zgjedhjeve nis sot shperndarjen e materialit zgjedhor ne te gjithe vendin. Fletet e votimit per 3 milione e 84 mije e 67 zgjedhes, kutite e votimit, procesverbalet, boja matrikuluese dhe gjithe materialet e tjera te nevojshme do te nisen sot nga Tirana per ne 66 Komisionet Zonale te Administrimit te Zgjedhjeve.

Me pas, sipas udhezimeve, KZAZ do te shperndajne gjithe materialin e nevojshem ne te gjithe komisionet e qendrave te votimit, si dhe ne grupet e numerimit te votave.

Nderkohe, Komisioni Qendror i Zgjedhjeve miratoi ne mbledhjen e pasdites vezhgues te SHBA-ve dhe te OSBE-ODIHR. Do te jene 34 vezhgues te Shteteve te Bashkuara, shoqeruar nga 23 perkthyes. Sakaq, pritet nje takim qe do te zhvillohet sot mes kreut te KQZ-se, Arben Ristani, dhe ambasadorit amerikan, Xhon Uidhers.

Keto jane pergatitjet e fundit te Komisionit Qendror te Zgjedhjeve per daten e zgjedhjeve, por probleme shqetesuese vijojne te mbeten ende konstituimet e Komisioneve te Qendrave te Votimit.

Burimet zyrtare te KQZ konfirmuan se vetem 40% e propozimeve te subjekteve politike kane mberritur prane komisionit, ndersa afati eshte tejkaluar prej shume ditesh.

Shqetesimi eshte ngritur here pas here nga kryetari i Komisionit Qendror te Zgjedhjeve, Ristani, cili ne komunikimet e tij me mediat ka bere thirrje qe subjektet te respektojne afatet, pasi ne kete menyre cenohen standardet zgjedhore per shkak te deshtimit te trajnimeve.

Po shkon drejt fundit nje prej ngerçeve te pergatitjeve zgjedhore. Nga 4751 qendra votimi, vetem 4 vijojne ende te shfaqin probleme, por qe KQZ pritet t’u jape shume shpejt zgjidhje, nderkohe qe nga 506 qendra qe u propozuan te ngrihen ne objekte private, KQZ ka miratuar 481, pasi te tjerat jane konsideruar si te papershtatshme per shkak te pronesise se godinave dhe vendndodhjes se tyre.

Percaktimi i ketyre 506 qendrave te votimit ka shkaktuar mjaft debate. Sipas Partise Socialiste, ne baze te verifikimeve qe ajo ka mundur te beje ne terren, jane 55 objekte ku eshte propozuar ngritja e ketyre komisioneve, pronare te te cilave jane militante apo mbeshtetes te Partise Demokratike.

Per kete shqetesim qe eshte shprehur edhe ne KQZ, PS-ja ka vene ne dijeni edhe organizmat nderkombetare, si kreun e misionit te ODIHR-it, Glover.

Nje tjeter problem shqetesues eshte nderrimi i adresave te qendrave te votimit. Per kete, KQZ fajesoi kreret e njesive vendore, te cilet kane bere ndryshimin e tyre pa u konsultuar me kete institucion. Per kete çeshtje, nenkryetarja e Komisionit Qendror te Zgjedhjeve deklaroi se procesi eshte mjaft i cenuar.

“KQZ-ja, me nje informacion qe mund ta vleresoje skandaloz nga njesite e qeverisjes vendore, eshte detyruar te beje nje vendimmarrje, e cila per nga natyra e te funksionarit nuk ka pasur elementet minimale te sigurise. Uroj qe politika vete ta menaxhoje kete situate, sepse ne fund te fundit jane perfaqesuesit politike ata qe jane kryetare bashkish e komunash”, u shpreh Subashi disa dite me pare.

Senati miraton projektligjin për barazinë e pagave

DashiC — Fri, 23 Jan 2009 12:20:46 +0000

Senati amerikan miratoi dje në mbrëmje projektligjin për barazinë e pagave, që u hodh poshtë nga një vendim i Gjykatës së Lartë në vitin 2007.Teksi që u miratua me 61 vota pro dhe 36 kundër do të lehtësojë procedurat gjyqësore në rastet diskriminuese lidhur me pkënaqësitë për pagat duke marrë parasysh moshën, seksin, racën, rajonin ose vendin e origjinës. Pas miratimit nga Senati ai duhet të aprovohet sërish nga Dhoma e Ulët sepse senatorët ekzaminuan projektligjin lidhur me barazinë e pagave.

PEKINI I BËN THIRRJE SHBA-SË PËR FORCIMIN E BASHKËPUNIMIT USHTARAK

DashiC — Tue, 20 Jan 2009 11:14:58 +0000

Kina i bëri thirrje presidentit amerikan Barak Obama, i cili do të bëjë betimin sot, për forcimin e bashkëpunimit ushtarak dypalësh.
“Në këtë epokë të re, shpresojmë që Kina dhe Shtetet e Bashkuara do të përpiqen për krijimin e një atmosfere të favorshme për të përmirësuar dhe nxitur marrëdhëniet mes dy ushtrive”, deklaroi sot zëdhënësi i Ministrisë së Mbrojtjes, koloneli Hu Changming, në një konferencë shtypi.

Volcker:Kriza është më komplekse

Mimoza A — Tue, 13 Jan 2009 08:32:58 +0000

Kriza finaciare që ka zhytur Shtetet e Bashkuara dhe pjesën më të madhe të vendeve të zhvilluara të botës në recesion është më e madhe dhe më komplekse se periudhat e mëparshme të trazirave, bëri të ditiur dje ish-kreu i Rezervës Federale, Paul Volcker. Megjithatë Volcker, të cilin presidenti i zgjedhur Barack Obama e ka emëruar për të drejtuar Bordin e Këshilltarëve për Rimëkëmbjen e Ekonomisë pranë presidentit, tha gjithashtu se kriza paraqit mundësi për të bërë gjëra që nuk do të ishin të mundshme gjatë kohërave nornale. Volcker foli në Muzeumin e Financës Amerikane, ku ai mori një çmin për shërbime të shquara ndaj publikut për udhëheqje financiare.

PRESIDENTI BUSH DO TË ZHVILLOJË SOT KONFERENCËN E TIJ TË FUNDIT TË SHTYPIT

Andi Bega — Mon, 12 Jan 2009 15:18:23 +0000

Presidenti George W. Bush do të zhvillojë sot konferencën e tij të fundit të shtypit në orën 09:15 (14:15 GMT), bëri të ditur Shtëpia e Bardhë.
“Presidenti do të mbajë një fjalim të shkurtër, duke komentuar rolin e rëndësishëm që shtypi i Shtëpisë së Bardhë ka dhënë në mbulimin e aktivitetit të presidentit dhe të Shtëpisë së Bardhë”

SHBA-ja refuzoi planin për sulm ndaj Iranit

Mimoza A — Mon, 12 Jan 2009 09:39:39 +0000

SHBA-ja refuzoi planin për sulm ndaj Iranit

Presidenti George W. Bush shmangu kërkesën sekrete të Izraelit, vitin e kaluar, për bomba kundër bunkerëve, të cilat do të përdoreshin kundër kompleksit kryesor nuklear të Iranit, duke thënë se në vend të kësaj kishte autorizuar aksion të mbuluar që të sabotohet zhvillimi i armëve nukleare nga Teherani, tha The New York Times.

Duke cituar zyrtarë të punëve të Jashtme të SHBA-së, The Times raportoi se Shtëpia e Bardhë nuk ishte në gjendje të thoshte nëse Izraeli kishte vendosur të sulmonte para kundërshtimit të Washingtonit, apo nëse kryeministri Ehud Olmert po përpiqej të shtynte Bushin të veprojë më me vendosmëri para se të ikë nga posti këtë muaj.

Zyrtarët e Qeverisë së Izraelit nuk deshën të komentonin mbi këtë raport.

Një zyrtar i SHBA-së i tha Reutersit në shtator se Pentagoni kishte refuzuar një kërkesë të Izraelit për pajisje të paspecifikuara “ofensive”, të cilat mund të përdoreshin kundër Iranit. Në vend të kësaj, Washingtoni iu dha radarë të avancuar për diktimin e lansimeve të raketave.

Detajet e programit të mbuluar të SHBA-së dhe përpjekjeve të administratës së Bushit që t’ia ndërrojë mendjen Izraelit, dolën nga 15 muaj të intervistave me zyrtarë të tashëm dhe të kaluar të SHBA-së, inspektorë ndërkombëtarë nuklearë, ekspertë nga jashtë dhe zyrtarë nga Evropa dhe Izraeli, njofton Times.

Asnjë nga të intervistuarit nuk deshën të emëroheshin, njofton gazeta, që nuk ka publikuar shumë detaje të këtij raporti për shkak të kërkesës së zyrtarëve të inteligjencës dhe administratës së SHBA-së.

Sipas gazetës, Bush në vend të këtij sulmi propozoi veprime më intensive të fshehta, duke shtuar se këto operacione dhe çështja nëse Izraeli do të pajohej me çka do më pak se sa një sulm konvencional mbi Iranin, paraqisnin probleme të ndërlikuara për Obamën.

BUSH I ATI KA NDËRMEND TË HIDHET ME PARASHUTË NË MOSHËN 84 VJEÇ

Andi Bega — Sun, 11 Jan 2009 20:55:00 +0000

Ish-presidenti amerikan, George H. W. Bush siguroi sot se ka ndërmend të hidhet sërish me parashutë, megjithë 84 vitet e tij.
“Kjo nuk kërkon asgjë më shumë se sa të ngjitesh i varur pas një Kavalieri të madh të Artë. Është shumë eksituese”, tha George H. W. Bush për kanalin Fox News.
Ai u referohej anëtarëve të ekipit të parashutizimit të ushtrisë, Kavalierët e Artë. Ai do të hidhet me sa duket i lidhur pas barkut të dikujt prej tyre, ashtu siç bëri në vititn 2004, për 80-vjetorin e tij.
George H. W. Bush, që ecën me shkop për arsye të një operacioni në shpinë, shpjegoi se mendonte të jepte gjithashtu një mesazh lidhur me pleqërinë.
“Nuk do të qëndrojmë ulur pa bërë asgjë sepse jemi të moshuar e të harruar në një qoshe”, tha babai i presidentit të deritanishëm në një bisedë të rrallë me të birin.
“Mund të jesh plak dhe të bësh ende gjëra, të përfshihesh për të bërë gjëra”, tha George H. W. Bush, që drejtoi vendin nga 1989-1993.
“Mendoj se është e denjë të hidhesh nga një avion në moshën 70, 75, 80 dhe 85 vjeç”, tha i biri i tij George W. Bush duke bërë shaka, përpara se të shtonte. “Kjo më duket ide e mirë”. Por shtoi ai, “do ta kesh të vështirë të bindësh nënën”.

ZËVENDËSPRESIDENTI I ZGJEDHUR AMERIKAN MBËRRIN NË AFGANISTAN PËR NJË VIZITË

admin — Sat, 10 Jan 2009 13:24:10 +0000

Zëvendëspresidenti i zgjedhur i SHBA-së, Joe Biden mbërriti sot në Afganistan në kuadër të një turneu rajonal, bëri të ditur ushtria amerikane.
”Biden do të zhvillojë takime me presidentin afgan, Hamid Karzai dhe zyrtarë të lartë ushtarakë”, deklaruan të njëjtat burime.

GJEORGJIA DHE SHBA-JA NËNSHKRUAJNË NJË MARRËVESHJE STRATEGJIKE

admin — Fri, 09 Jan 2009 21:36:45 +0000

Gjeorgjia dhe Shtetet e Bashkuara nënshkruan sot në Uashington një marrëveshje partneriteti strategjik që forcon bashkëpunimin mes dy vendeve, sidomos në fushën e mbrojtjes.
Kjo marrëveshje është nënshkruar përpara shtypit nga sekretarja amerikane e Shtetit, Condoleezza Rice dhe ministri i Jashtëm gjeorgjian, Grigol Vashaxe.
“Shtetet e Bashkuara do të mbështesin sovranitetin dhe integritetin territorial të Gjeorgjisë dhe do ta bëjnë këtë gjithmonë”, deklaroi Rice.
“Kjo kartë thekson parimet dhe tregon rrugën për t’i çuar më tej marrëdhëniet dhe bashkëpunimin tonë në fushën e Mbrojtjes, të tregtisë, të sigurisë energjetike, të forcimit të institucioneve demokratike, të kontakteve mes popujve dhe të shkëmbimeve kulturore”, shtoi ajo

SHBA – CHENEY: JEMI SHUMË PRANË PËRMBUSHJES SË OBJEKTIVAVE NË IRAK

admin — Sun, 04 Jan 2009 19:39:25 +0000

UASHINGTON Reuters - Zëvendëspresidenti amerikan, Dick Cheney deklaroi sot se SHBA-ja ishte shumë pranë përmbushjes së objektivave dhe qëllimeve të saj në Irak.
Gjatë një interviste për rrjetin televiziv CBS, Cheney ripërsëriti një mbrojtje të fuqishme të arsyeve për hyrjen e trupave amerikane në Irak gjatë vitit 2003, operacion në të cilin ai vetë ishte një element thelbësor.
“Jemi shumë pranë përmbushjes së pjesës më të madhe të objektivave si dhe kemi aritur një ulje të ndjeshme të niveleve të përgjithshme të dhunës në vend”, deklaroi Cheney, i cili largohet nga detyra e tij më 20 janar, kur do të marrë detyrën administrata e presidentit të zgjedhur Barack Obama.
Ai përmendi edhe rrëzimin nga pushteti të ish-liderit irakian Saddam Hussein, kushtetutën e re irakiane, zgjedhejt në Irak, si dhe marrëveshjen e realizuar kohët e fundit për qëndrimin e trupave amerikane në vend, por që saknsionon edhe tërheqjen e tyre në vitin 2011, gjë që Cheney e quajti një sukses.
“Të gjitha këto arritje do të konsiderohen si një sukses sipas të gjitha standarteve të të gjitha niveleve”, theksoi Cheney.