Lajme Online Shqip » PS

“Djegia e flamurit të NATO-s”, reagon PS

Andi Bega — Sun, 02 May 2010 15:35:06 +0000

Partia Socialiste reagoi para pak minutash lidhur me akuzën e lëshuar pasdreken e sotme nga Partia Demokratike se militantë të opozitës dogjën dje flamurin e NATO-s gjatë protestës.

“Hedhim poshtë me neveri shpifjen e ulët se në protestën tonë është djegur flamuri i NATO-s dhe akuzojmë drejtpërdrejtë televizionet e Sali Berishës për manipulim të qartë grafik me imazhe filmike që s’kanë asnjë lidhje me protestën që pa tërë bota në mbrëmjen e 30 prillit”, – deklaroi Zëdhënësja e PS, Armela Imeraj.

Duke theksuar se “ky është pushteti i gënjeshtrës”, – Imeraj nënvizoi se “ne jemi fuqia e vetëdijes qytetare se pa transparencë ka vetëm vjedhje e gënjeshtra në pushtet, të cilat populli shqiptar po i paguan me rrënimin e ekonomisë së tij”.

Kurse në fund ka ardhur edhe paralajmërimi: “S’na ndal asnjë gënjeshtër e presion. Beteja vazhdon”.

PS: Berisha te pergjigjet per shpifjet

Andi Bega — Mon, 21 Dec 2009 15:49:45 +0000

Partia Socialiste i kerkoi serish kryeministrit Sali Berisha te paraqitet perpara organeve te drejtesise per t’u pergjigjur per te gjitha shpifjet qe ka bere kundrejt drejtuesve me te larte te kesaj force politike dhe per te cilat jane depozituar dhjetera padi ne dem te tij.

Duke e quajtur kryeministrin si mashtruesin me te madhe te epokes se pas diktatures, deputeti Taulant Balla mori shembull deklaratat e Berishes per Meten tashme aleat ne qeveri.

“Ne historine e vendit, ky mbeti njeriu qe me bandat e tij ngjiti Shqiperine ne krye te listes se vendeve te planetit, te trafiqeve e sklleverve te seksit, te femijeve, te droges dhe armeve. Perseri per Ilir Meten dhe bashkeshorten e tij, Sali Berisha akuzon keta te dy se mbi ta rendojne dy vrasje dhe dy varre te fshehura pas malit te Dajtit. Dhe e mbyll duke e thene qe nuk do te jete e larget dita kur krimet makabre te Ilir Metes, do te zbardhen dhe Ilir Meta do te mbylle jeten ne burg”, tha Balla.

Por deputeti Balla citoi edhe rastin e te ndjerit ish deputetit Azem Hajdari.

PS: Barazia gjinore, Shqipëria shënon rënie

Andi Bega — Mon, 02 Nov 2009 16:24:13 +0000

Partia Socialiste shprehu dje shqetësimin e saj për pabarazinë gjinore në vend. Deputetja socialiste, Eglantina Gjermeni, vuri në dukje raportin global të hendekut gjinor, përgatitur nga Forumi Ekonomik Botëror. Nga 134 vende të paraqitura në këtë raport, Shqipëria është listuar e 92-ta, nga vendi 87 që ishte në vitin 2008. “Kriza në të cilën është zhytur Shqipëria po thellohet dita-ditës. Fatkeqësisht, këtë krizë e ndiejnë më shumë se kush gratë dhe vajzat shqiptare. Varfëria, papunësia, sistemi i çalë shëndetësor dhe arsimor, dhuna në familje, diskriminimi social, janë vetëm disa nga plagët me të cilat përballen çdo ditë vajzat, nënat, motrat shqiptare”, tha Gjermeni ndërsa përmendi edhe progresi-raportin e Bashkimit Europian për Shqipërinë 2009, ku thuhet se barazia gjinore është e garantuar me ligj, por zbatimi i këtij kuadri ligjor dhe politikave është i pamjaftueshëm.

PS, padi për Ristanin dhe ankimim në Kolegjin Zgjedhor

Andi Bega — Tue, 14 Jul 2009 13:47:19 +0000

Qendror i Zgjedhjeve. Menjëherë pas vendimit të këtij institucioni për të mos pranuar kërkesat e dy partive të së majtës për Qarkun e Beratit, Partia Socialiste bëri të ditur se po përgatitet dosja për të ankimuar vendimin në Kolegjin Zgjedhor, ndërsa shumica në KQZ dhe kreu Arben Ristani do të përballen me padi penale për këtë vendim. Për këtë vendim të saj, PS i mbështet argumentet ligjore në dy nene të Kodit Zgjedhor, në nenin 136 dhe 138. Në nenin 136 pika 3 thuhet se me kërkesë të dy anëtarëve të saj, KQZ-ja është e detyruar të marrë provat e kërkuara nga dy anëtarët që kanë paraqitur kërkesën. Kërkesa mund të paraqitet me shkrim ose verbalisht në seancën publike të shqyrtimit të ankimimit. Ndërsa në pikën 4 të po këtij neni thuhet se KQZ-ja nuk mund të refuzojë kërkesën për prova, të bërë sipas pikës 3 të këtij neni. PS i mbështet gjithashtu argumentet e saj ligjore kur thotë se do t‘i drejtohet Kolegjit Zgjedhor dhe se do të bëjë kallëzim penal për shpërdorim detyre për anëtarët e KQZ që rrëzuan kërkesën edhe në nenin 138 pika 3, ku thuhet se
në rast se kërkesa për rinumërimin dhe/ose rivlerësimin e votave të caktuara bëhet nga dy anëtarë të KQZ-së, ajo është e detyruar të bëjë rinumërimin dhe/ose rivlerësimin e votave të kërkuara”.
Ky është ankimimi i parë i Partisë Socialiste në Kolegjin Zgjedhor pas zgjedhjeve. Para zhvillimit të procesit zgjedhor, PS ankimoi në Kolegjin Zgjedhor vendimin e KQZ për të miratuar listën shumemërore të kandidatëve të PAA.

Policia bllokon përgatitjet për mitingun e PS, Islami: Ndërhyrja me urdhër politik

Andi Bega — Thu, 25 Jun 2009 21:56:16 +0000

Partia Socialiste denoncon bllokimin e punimeve për mitingun e nesërm nga ana e policisë. Dhjetëra forca policore nuk lejojnë ngritjen e skenës së mitingut përpara selisë së Kryeministrisë me pretendimin se leja për ngritjen e saj është dhënë për datën 26 qershor. Sipas përfaqësuesve të selisë rozë, ky është presion i qeverisë për të mos lejuar mitingun përmbyllës të Partisë Socialiste. Islami: Ky është incidenti i radhë si fushatës, policia ndërhyri me urdhër politik. Gjoni: Qeveria po njollos policinë duke e përdorur atë. Policia anulon lejen e PS, vendos kufij për mitingun.

TIRANE-
Policia anulon lejen e PS, vendos kufij për mitingun

Ora: 22:17- Policia ka rrëzuar kërkesën e bërë nga Partia Socialiste për zhvillimin e mitingut përpara kryeministrisë me pretendimin se për shkak të mitingut të PD në të njëjtën orë është e pamundur ruajtja e rendit nga ana e policisë.

“Nisur nga njoftimi i datës 17 qershor i Partisë Socialsite dhe me qënë se në këtë njoftim nuk saktësohej vendi i vendosjes së tribunës, me datë 24.06.2009, Drejtori i Policise Qarkut Tirane ka kërkuar takim me krytarin e Partisë Socialiste për Tiranën, Zotin Besnik Bare, të cilit i është kërkuar saktësimi me shkrim i vendit të vendosjes së tribunës. Gjithashtu i është sugjeruar që për shkak edhe të mitingut përmbyllës që do të zhvillojë Partia Demokratike në sheshin “Skenderbej”, mitingu i Partisë Socialiste të zhvillohej në Bulevardin “Dëshmorët e Kombit”, pas kryqezimit të këtij bulevardi me rrugën Ismail Qemali, me qëllim formimin e një distance të domosdoshme për policinë që të bëjë të mundur menaxhimin e të dy mitingjeve” thuhet në deklaratën e policisë.

Gjoni: Qeveria po njollos policinë duke e përdorur atë

Ora: 21:13- Kandidati për deputet i Partisë Socialiste, Ilir Gjoni thekson se përfaqësuesit dhe simpatizantë të PS-së do të vazhdojnë të qëndrojnë në bulevardin “Dëshmorët e kombit” deri sa të vendoset platforma për mitingun e mbrëmjes së nesërme. Gjoni bën të ditur se vetë ambasadori Bosch ka qënë i pranishëm në vendin e ngjarjes dhe shtë informuar për incidentin e sotëm.
“Kemi bërë njoftimin zyrtar për mitingun, sic e kërkon ligji. Na vjen keq që qeveria në ikje përdor në mënyrë të padenjë policinë dhe e njollos atë duke e përdorur. Kjo është një betejë e humbur për Sali Berishën” theksoi Gjoni për “News24”.
Ndërkohë mësohet se situata është e qetë dhe nuk ka ndëryrje nga ana e policisë për të prishur dy skelat e ngritura gjatë orëve të pasdites. Në vendngjarje ka edhe forca të policisë bashkiake.

Islami: Ky është incidenti i radhë si fushatës, policia ndërhyri me urdhër politik

Ora: 20:02- Gazetarë të News24 informojnë nga vendi i ngjarjes se me anë të një furgoni të policisë është marrë një pjesë e mirë e bazës materiale për ngritjen e skenës së Partisë Socialsite për mitingun e nesërm në bulevardin “Dëshmorët e kombit”. Në vendngjarje ka mbërritur edhe zv.drejtori i policisë së Tiranës i cili është përfshirë në një konfrontim verbal me anëtarin e kryesisë së PS-së, Fatmir Xhafaj. Vocaj ka këmbëngulur se platforma duhet të ngrihet nesër, ndërsa Xhafaj ka ritheksuar se PS do të ruajë skelat gjatë gjithë natës.

Përmes një interviste në “News24”, Kastriot Islami ka bërë një përmbledhje të situatës së incidentit, duke theksuar se gjithçka është bërë në zbatim me ligjin.
“Partia Socialiste ka bërë kërkesë në datën 17 për të bërë manifestimin në bulevardin “Dëshmorët e Kombit”. Policia duhet të jepte vërejtjet e saj brenda 24 orëve nga data e depozitimit të kërkesës dhe nuk e bëri këtë gjë. Arsyetimet e sotme janë të papranueshme. Forat e policisë kanë filluar të kërcënojnë punëtorët dhe arsyeja është politike, ata kanë marrë një urdhër politik, vetë policët shpehen se janë viktima” theksoi Islami.
Sipas Islamit, kjo ngjarje ka cenuar ndjeshëm imazhin e policisë duke theksuar se “policia e vendit është diskredituar në nivelin e shefave të saj”.
“Urdhëri poltik dëmton imazhin e Shqipërisë si vend i NATO-s. Policia ndërhyn me urdhër politik të fuqishëm. Urdhëri politik vjen nga kryeministri Berish. Ministri Nishani nuk u përgjigjet telefonatave tona” u shpreh Islami për News24.

Partia Socialiste e konsideron incidentin e sotëm si incidentin e radhës të kësaj fushatë të tensionuar. “Shënohet një incident tjetër në këtë klime të tensionuar, duke filluar nga vrasja e deputetit Xhindi deri tek vrasja e kreut të PDK në Malësine e Madhe”.

Përfaqësues të ODIHR interesohen për incidentin

Ora: 19:19- Deri në këto momente polica nuk ka përdorur asnjë ndërhyrje fizike për të larguar punonjësit, ndërkohë që forcat policore në vendngjarje vazhdojnë të shtohen nga momenti në moment. Mësohet se përplasjet kanë nisur prej rreth një ore dhe oficerët e policisë janë munduar disa herë të futen në skenë për të penguar ndërimin e saj.
Përfaqësuesit e ODIHR janë interesuar për incidentin duke kontaktuar me përfaqësues të PS-së dhe disa prej tyre kanë mberritur në vendngjarje.

Policia bllokon përgatitjet për mitingun e Partisë Socialiste

Ora: 19:03- Policia bllokon përgatitjet për mitingun përmbyllës të Partisë Socialiste ditën e nesërme. Dhjetëra forca policore nuk lejojnë ngritjen e skenës së mitingut përpara selisë së Kryeministrisë. Partia Socialiste denoncon skandalin si presion të qeverisë për të mos lejuar mitingun ndërsa policia pretendon se skela për mitingun duhet të ngrihet vetëm gjatë ditës së nesërme. Sipas PS-së leja për ngritjen e skenës është marrë që në datën 17 qershor dhe theksojnë se veprimet e policisë janë përpjekje për të bllokuar pregatitjet e mitingut përmbyllës të socialsitëve , mbrëmjen e nesërme.
Mësohet se në vendngjarje ka patur debate të shumta mes forcave të policisë dhe anëtarëve të Partisë Socialsite të cilët janë detyruar të dnërpresin punimet për ngritjen e skelës. Sipas policisë leja për fillimin e pregatitjeve për mitingun e madh përmbyllës të fushatës është dhënë për në datën 26 qershor.
Ndërkaq në bulevardin “Dëshmorët e Kombit” ku është planifikuar mitingu i Partisë Socialsite kanë mbërritur shumë përfaqësues të selisë rozë.
Përfaqësuseit e PS-së kanë bërë të ditur se policia ka ushtruar presion ndaj punonjësve të ngritjes së skelave duke i kërcënuar se do të shoqërohen në komisariat nëse nuk zbatojnë urdhërin.

Pogradec, Edi Rama: Nuk do jem Kryeministri i nje qeverie qe ben biznes per nje familje të vetme

Andi Bega — Mon, 08 Jun 2009 22:00:17 +0000

Sali Berisha ua kërkon votën e vetme që keni, pasi ka një biznes për të mbajtur me qeverinë. Të tjerë ish- kryeministra ua kërkojnë votën e vetme që keni, për të qëndruar në opozitën e opozitës, për një deputet të vetëm, që ta nxjerrë pastaj mandatin e marrë nga ju, në pazarin e vjetër të numrave dhe interesave personale, për të mbajtur peng qeverinë tuaj edhe 4 vite të tjera, si këto 18 vjet, në duart e një grushti kryetarësh, që bashkë me një grusht shërbëtorësh kanë vetëm në themel interesin e oborreve të tyre familjare dhe klanore, me kurrizin e kthyer nga ju.

Qytetarët e Pogradecit i kanë ofruar një pritje masive dhe entuziaste Kryetarit të Partisë Socialiste Edi Rama dhe ekipit të deputetëve që garojnë në qarkun e Korçës. Në këtë takim Edi Rama u shpreh se Berisha e kërkon votën për të garantuar biznesin e tij, ndërkohë që të tjerë që janë në opozitën e opozitës e kërkojnë këtë votë për vazhduar pazaret e vjetra në dëm të qytetarëve.

Rama ka premtuar se ai në qeverisje do jetë një kryeministër i një lloji të ri, një kryeministër ndryshe nga këto 18 vjet, duke qeverisur për njerëzit dhe me njerëzit:

“Sali Berisha ua kërkon votën e vetme që keni, pasi ka një biznes për të mbajtur me qeverinë. Të tjerë ish- kryeministra ua kërkojnë votën e vetme që keni, për të qëndruar në opozitën e opozitës, për një deputet të vetëm, që ta nxjerrë pastaj mandatin e marrë nga ju, në pazarin e vjetër të numrave dhe interesave personale, për të mbajtur peng qeverinë tuaj edhe 4 vite të tjera, si këto 18 vjet, në duart e një grushti kryetarësh, që bashkë me një grusht shërbëtorësh kanë vetëm në themel interesin e oborreve të tyre familjare dhe klanore, me kurrizin e kthyer nga ju.

Kurse unë ua kërkoj votën për programin e ri për Shqipërinë, që shkruam së bashku dhe për skuadrën e re të Partisë Socialiste, e cila do të garantojë programin tonë.

Unë nuk do të jem Kryeministri i një qeverie që bën biznes për një familje të vetme dhe ndan pasuritë e vendit me klientët e pushtetit të Kryeministrit, por do të jem thjesht Kryeministri juaj.

Unë do të jem një Kryeministër për ju, për t’u dhënë bashkë me ju zgjidhje të reja problemeve të vjetra, për të qenë bashkë me ju kudo që janë sfidat dhe duhen përballuar vështirësitë, për të bërë bashkë me ju gjëra që për 18 vjet me radhë, na i kanë bërë padrejtësisht të pamundura.

Karrigia e deputetit pas 28 qershorit, do t’i duhet atij, Sali Berishës, që të ulet kur të jetë në opozitë. Ndërsa mua nuk më duhet një tjetër karrige, por një tjetër mandat për të qenë në këmbë, në krye të punëve, në çdo qytet e në çdo fshat, ku do ta çoj qeverinë pas 28 qershorit, për të realizuar programin që realizuam së bashku dhe për të ndërtuar së bashku Shqipërinë si gjithë Evropa.

Vota e 28 qershorit, është një votë më e rëndë se sa asnjëherë tjetër në historinë e këtyre viteve. Është një votë që peshon më shumë se kurdoherë tjetër, sepse ka peshën e barrës së madhe, që kemi përsipër për të bërë Shqipërinë si gjithë Evropa. Këtë barrë ju mund ta ngarkoni vetëm mbi supet e Partisë Socialiste, duke e shtatëfishuar fuqinë e votës tuaj për deputetët e Partisë Socialiste.”

PD si PS, lista e kandidateve, 10 dite para fushates

Andi Bega — Thu, 05 Mar 2009 14:38:33 +0000

Partia Demokratike pritet te publikoje vetem ne mesin e muajit maj, kandidaturat e saj per deputete, ne kuader te zgjedhjeve te ardhshme parlamentare. Burime prane partise me te madhe te mazhorances, deklarojne per gazeten se publikimi vetem pak dite perpara nisjes se fushates zgjedhore eshte strategjia qe ka vendosur te ndjeke PD, ne lidhje me publikimin e emrave te kandidateve per deputete ne listen shumeemerore. Sipas po ketij burimi, mesohet se nje ide e tille per shtyrjen ne limitet e fundit ligjore te berjes publike te listes se kandidaturave per deputete, nuk eshte vetem fenomen shqiptar, por eshte nje praktike e njohur nga te gjitha partite e djathta, por dhe te majta ne Evrope. Por duket se kjo strategji perkon edhe me ate te partise me te madhe te opozites, Partise Socialiste, kreu i te ciles eshte shprehur disa here se listat me kandidaturat per deputete do te publikohen vetem pak dite perpara fillimit te fushates zgjedhore. Ne menyre te perseritur, ne mbledhjet e mbyllura te grupit parlamentar, kreu i Partise Socialiste, Edi Rama ka deklaruar se publikimi i kandidaturave per deputete nuk mund te behet i parakohshem. Ne kete menyre te dyja partite e medha duket se do te jene ne te njejten gjatesi vale, per sa i perket kohes kur do te nxjerrin emrat e kandidaturave te tyre per deputet. Kjo edhe per faktin se cdo njera nga partite e medha, per efekt taktike zgjedhore, nuk do te pranonte te bente publik emrat, duke pritur qe partia kundershtare ta ndermarre kete hap. Nisur nga kjo, mesi i muajit maj do te jete koha me e pershtatshme per nxjerrjen e kandidaturave zyrtare per deputete, ndonese pergatitjet organizative te partive per keto zgjedhje kane nisur qe tani. Nje strategji te kundert po luajne partite e vogla parlamentare ne te dyja krahet e politikes. Keshtu aleatet me te ngushte te Partise Demokratike, republikanet ne fundin e kesaj jave nxjerrin ne menyre perfundimtare edhe listen e kandidaturave te tyre per deputet. Pas mbledhje se kryesise se PR-se qe do te zhvillohet ne fund te javes, te gjitha kandidaturat e PR-se ne te gjitha qarqet do te behen publike. Po keshtu ne te njejten rruge po ecen edhe Levizja Socialiste per Integrim, e cila ka prezantuar kandidaturat ne qytetet kryesore ku pretendon te marre deputete, ndersa ne ditet ne vazhdim do te nxjerre kandidaturat per deputete ne te gjitha qarqet e vendit. Ne kete menyre duket se partite e vogla te majta dhe te djathta, po japin nje shembull me te mire transparence sesa partite kryesore ne vend, per sa i perket berjes publike te kandidaturave per deputete, per zgjedhjet e ardhshme elektorale qe do te mbahen ne 28 qershor te ketij viti. Kete vit per here te pare, ne vend do te perdoret sistemi zgjedhor proporcional-rajonal, ndryshe nga sistemi i meparshem elektoral i cili ishte nje sistem zgjedhor miks, ku 100 deputete zgjidheshin ne menyre mazhoritare dhe 40 te tjere sipas menyres proporcionale.

28 Qershori Eshte caktuar edhe si data ne te cilen do te mbahen zgjedhjet e reja parlamentare. Ne keto zgjedhje partite do te kandidojne si pjese e koalicioneve te perbera, ne nje sistem proporcional rajonal, ndryshe nga sistemi miks, i zgjedhjeve te kaluara.

28 Maj Eshte data ne te cilen do te nise fushata elektorale. Dy partite e medha ne vend, Partia Demokratike dhe Partia Socialiste do te bejne publike kandidaturat e tyre, vetem pak dite perpara se te nis fushata, nje ide per te shmangur pakenaqesite.

Proporcionali

Duke qene se sistemi aktual zgjedhor eshte nje proporcional rajonal deputetet nuk do te kene mundesi te kene nje zone te caktuar elektorale. Ne kete menyre, do te jene ne listat proporcionale rajonale, ku lideret e partive do te kene me shume akses perzgjedhjeje.

PS premton hapjen e vendeve të punës

Andi Bega — Mon, 02 Mar 2009 14:13:25 +0000

Partia Socialiste është ndalur sërish dje te kriza ekonomike që po kap çdo ditë dhe më shumë vendin tonë. Nënsekretari për programin në selinë rozë, Ervin Bushati, gjatë një komunikimi me mediat, është shprehur se “pagat minimale në Shqipëri nuk janë të mjaftueshme për të garantuar një standard të pranueshëm jetese për një punëtor dhe familjen që i duhet të mbajë me këto të ardhura, kjo sipas raportit të fundit të DASH-it”. Sipas tij, niveli i jetesës në vend është në kushte tërësisht të papranueshme për të mbajtur gjallë familjen shqiptare. Jetesa e vështirë, tha ai, i shtyn njerëzit të dëshpëruar të pranojnë paga shumë të ulëta, ashtu si dhe kushte pune tepër të rrezikshme. Kushtet e punës në Shqipëri janë shpesh shumë të mangëta dhe tepër të rrezikshme për të punësuarit. Bushati u shpreh se gjatë vitit janë raportuar mjaft aksidente në punë, me pasojë vdekjen, veçanërisht në sektorin e ndërtimit dhe në industrinë e minierave, sipas raportit në fjalë. Në nëntokën e Bulqizës, prej vitesh këto kushte përtej njerëzores u kushtojnë jetën minatorëve me ritmin një vdekje në muaj. Është ky nivel tragjik jetese që i shtyn sot shqiptarët të pranojnë punë jashtë kushteve njerëzore. PS-ja premton se me ardhjen e saj në pushtet do të krijojë vende të reja pune, me kushte njerëzore dhe me paga dinjitoze për familjet shqiptare.

PS: Qeveria, pengese per kartat

Andi Bega — Wed, 18 Feb 2009 21:48:09 +0000

Partia Socialiste vijoi edhe dje shqetesimin per procesin e kartave te identitetit. Nensekretari per ceshtjet ligjore, Gjiknuri akuzoi mazhorancen se me refuzimin qe po i ben komisionit Ad-Hoc per zgjedhjet, po perpiqet te sabotoje nismen e opozites. Teksa ka paraqitur detaje ne lidhje me menyren e bllokimit te procesit, te monitorimit te pajisjes me leternjoftimet biometrike, Partia Socialiste ka hedhur akuza mbi qeverine per pengese te qellimshme te procesit. Gjiknuri, ka deklaruar se mazhoranca po refuzon ngritjen e nje komisioni Ad-Hoc duke u perpjekur te pengoje procesin dhe transparencen e tij. “Mungesa e transparences dhe mos berja publike, e nje grafiku te qarte te shperndarjes ne territor, po shoqerohet edhe me refuzimin sistematik te mazhorances per ngritjen e nje komisioni monitorues parlamentar, te perfaqesuar ne shumice nga opozita. Pikerisht kjo vendosmeri ne refuzimin e ngritjes dhe krijimit te aksesit te nevojshem te opoziten ne kete proces, te ben te mendosh qe vonesat me teper se paaftesi, jane nje proces i miremenduar per te sabotuar kete ndermarrje”, ka thene Gjiknuri gjate nje deklarate nga selia roze. Partia Socialiste eshte shprehur e shqetesuar per pajisjen e shqiptareve me leternjoftime dhe per pergatitjen e infrastruktures zgjedhore. “Ka kaluar mbi 1 muaj nga fillimi i procesit te aplikimit dhe akoma asnje shtetas nuk eshte pajisur me nje te tille, pervec shtetasit fatlum qe e mori nga dora e kryeministrit”, u shpreh Gjiknuri per gazetaret. Nderkohe PS i ka bere thirrje qeverise per transparence dhe per informim te vazhdueshem, ne lidhje me shperndarjen e sistemit te aplikimit ne te gjithe territorin e vendit. “Detyra jone si opozite na ben qe cdo dite, t’i bejme thirrje qytetareve te aplikojne per karta, t’i kerkojme qeverise qe te mos pengoje kete proces gjoja per shkaqe objektive, qe lidhem me koncesionarin dhe jo me te”, eshte shprehur zyrtari socialist. Sipas tij, pertej deklarimit zyrtar se brenda shkurtit procesi do te shtrihej ne te gjithe vendin, vetem 10 dite nga fundi i shkurtit, procesi akoma nuk ka filluar, ne pjesen me te madhe te bashkive te vendit, pa le me ne komunat e vendit. Nje konstatim ky, qe sipas Gjiknurit tregon shkallen e ngadalesimit te procesit. S.P

KQZ, sot shorti per anetarin e shtate ne komisione

Komisioni Qendror i Zgjedhjeve do te hedhe sot shortin per zgjedhjen se kujt partie, do t’i takoje anetari i shtate i Komisioneve Zonale Zgjedhore. Keto komisione, ne baze te Kodit Zgjedhor, do te perbehen nga shtate anetare. Konkretisht dy anetar te PD, dy te PS, nje anetar do t’i takoje PR dhe anetari i gjashte PSD. Shorti do te percaktoje sot, se kujt partie PD apo PS, do t’i takoje anetari i shtate ne keto komisione. Ne zgjedhjet per pushtetin vendor, ishin socialistet ata, qe me short fituan anetarin e shtate. I cili ne 50 per qind te komisioneve do t’i takoje PS dhe ne 50 per qind te tjerave PD. Sot percaktohen qarqet.

“Brenda shkurtit, aplikimet ne cdo qark”

Drejtori i pergjithshem i gjendjes civile, Armand Teliti ka bere te ditur se shume shpejt do te filloje procesi i shperndarjes se leternjoftimeve. Sipas tij, procesi i aplikimit per kartat e identitetit, vazhdon te shtrihet ne qytetet e vendit dhe brenda muajit shkurt do te kete filluar ne te gjithe qarqet. Teliti u ka bere thirrje qytetareve dhe ne vecanti atyre qe jane pa pasaporte, te bejne aplikimet per kartat. Nderkohe ai ka bere te ditur, se shume shpejt do te filloje edhe procesi i shperndarjes se leternjoftimeve. “E rendesishme eshte qe qytetaret, vecanerisht ata pa pasaporte, te paraqiten per te aplikuar ne zyrat e aplikimit duke ndihmuar keshtu ne realizimin e qellimit madhor te pajisjes se tyre me leternjoftime”, eshte shprehur drejtori i Gjendjes Civile ne nje konference per mediat. Nderkaq, nuk eshte bere e ditur nje date e sakte, kur do te filloje procesi i shperndarjes se kartave. Teliti theksoi se procesi i pajisjes se qytetareve me leternjoftime, po ecen sipas parashikimeve dhe ne zbatim te nje kalendari te qarte. Nder te tjera ai i ka bere thirrje opozites, te mos beje deklarata spekulative per mungese transparence ne lidhje me kete proces.

Rudnap dhe Fazllic, PS: Perfituan 106 mln euro

Andi Bega — Sat, 10 Jan 2009 20:36:25 +0000

Partia Socialiste rikthen ne fokusin e saj ceshtjen Fazllic, por kete here duke perllogaritur perfitimet e padrejta nga shitja e energjise.

Nenkryetari kuvendor socialist, Erjon Brace, tha se kompania Rudnap me pronar Damir Fazllic ka qene perfituesja me e madhe ne kete fushe per vitin 2008.
“Ne me pak se dy vjet, “Rudnap” ka marre nga parate tona publike, 106.189.000 euro. Nese per 2008 “Rudnap”, eshte perfituesja e pare e parave, ne çmimin e ofruar rezulton e 5 nder 8 kompanite. Pra, e shtrenjte 2.13 euro/mgeh ne 8.79 euro/mgeh se kompanite e renditura poshte saj si perfituese. Shqiptaret me fat, qe sot kane drita, duhet te dine se ne çmimin e çdo kilovati qe paguajne, paguajne edhe koston e interesave te familjes Berisha ne energji”, u shpreh Brace.
Brace tha se kompania Rudnap eshte perfituesja me e madhe e parave te energjise nderkohe qe ne vitin 2007 hyri ne treg ndersa ne vitin 2006 nuk ekzistonte ne liste-pagesat e KESH.