Lajme Online Shqip » Partia Socialiste

PS: Qeveri ilegjitime për shkak të rezultatit të manipuluar

Andi Bega — Fri, 18 Sep 2009 15:51:07 +0000

Pak orë pasi qeveria “Berisha” bëri betimin para Presidentit të Republikës, Partia Socialiste deklaroi se kjo qeveri është ilegjitimi pasi është produkt i një rezultati të manipuluar. Deputetja e kësaj partie, Olta Xhaçka, vuri në dukje se kjo qeveri është shëmbëlltyra e deformimit të rëndë të moralit të politikës e të qeverisjes në Shqipëri dhe pushteti i saj, i prodhuar me manipulime e korrupsion elektoral nga Sali Berisha si edhe me vota të trafikuara nga e majta në të djathtë nga Ilir Meta. “Kjo qeveri është një pushtet që do të thellojë krizën e demokracisë, të shtetit të së drejtës e të ekonomisë së vendit, do të rrisë varfërinë e papunësinë, por pa dyshim do të rrisë edhe përfitimet e paligjshme të këtij grupi interesash familjare e klanore që do të ndeshë në rezistencën e palëkundur të opozitës”, tha Xhaçka. PS përshkallëzoi tonet e qëndrimit të saj për të bojkotuar Parlamentin, duke theksuar se nëse nuk plotësohen kushtet që garantojnë transparencën e procesit zgjedhor do të thellohet qëndrimi. “Sali Berisha kërkon që opozita të hyjë në Kuvend, ne jemi gati ta bëjmë që nesër në qoftë se na jepet e drejta legjitime e demokratike të bëjmë transparencë të plotë për zgjedhjet e 28 qershorit duke hapur kutitë e votimit përpara popullit shqiptar.

Rama: Berisha, pa mandat të dytë për të qeverisur

Andi Bega — Tue, 14 Jul 2009 13:55:57 +0000

Pas vendimit të KQZ-së për Fierin, kreu i PS-së këmbëngul: Do vijojmë betejën për Beratin, Shkodrën e Tiranën

Partia Socialiste vijon të mos e njohë mandatin e dytë qeverisës për Partinë Demokratike. Kreu i selisë rozë, Edi Rama, në një dalje të menjëhershme pas vendimit të Komisionit Qendror të Zgjedhjeve për Fierin, deklaroi se hetimi për procesin zgjedhor vijon, ndaj, sipas tij, 28 qershori nuk e ka mandatuar Sali Berishën për një tjetër qeveri. Pas rezultatit për Fierin, PS do t‘i shkojë më tej betejës ligjore për Beratin, Shkodrën dhe Tiranën, duke kërkuar rinumërim të votave. “28 qershori nuk ka sjellë mandat të ri qeverisës për Sali Berishën, kjo tanimë është përfundimisht e qartë”, tha Rama. Sipas tij, një gjë shumë më e madhe jetike jo vetëm për Parlamentin e ri, por në radhë të parë për demokracinë tonë, është të sqarohet deri në fund e vërteta e 28 qershorit dhe të hetohet deri në fund qoftë shpërndarja e votave në Berat, Shkodër e Tiranë. “Qoftë edhe dokumentacioni zgjedhor, nga listat deri tek identitetet e zgjedhësve në të gjitha kutitë e dyshuara, gjë të cilën jemi të vendosur ta bëjmë pas daljes së rezultatit në rrugët që parasheh ligji”, tha Rama. Dalja e Ramës për mediat ishte pak orë para vendimmarrjes së KQZ për Qarkun e Beratit, ndaj i pyetur për këtë çështje, në rast se ankimi rrëzohej, kreu i PS-së, bëri të ditur se PS është e vendosur të mos njohë një rezultat zgjedhor të imponuar nga shkeljet e ligjit. “Në mënyrën më absolute, ne nuk do të pranojmë rezultat të imponuar në rrugën e shkeljes së ligjit, që tanimë është bërë rruga ku shkel orë pas ore KQZ e Sali Berishës”, tha ai. Kryesocialisti bëri të ditur se beteja ligjore, hetimi i procesit zgjedhor për Beratin, Shkodrën dhe Tiranën mbi të gjitha është një kontribut i jashtëzakonshëm për demokracinë ndaj si populli i Fierit edhe ai i Beratit, Shkodrës dhe Tiranës duhet të shohin se si lexohet vota e tyre. “Hetimi i Beratit, Shkodrës, e Tiranës bazuar në të drejtën e padiskutueshme që na jep ligji, është sot detyrimi ynë elementar ndaj një populli të tërë që nuk mund të shkelet në sovranitetin e tij dhe kontributi ynë i pashmangshëm për demokracinë në këtë moment shumë delikat kur duhet të vendoset nëse vota është e drejta themelore e qytetarëve apo prona e patundshme e pushtetarëve”, shtoi kreu i PS-së. Rama paralajmëroi KQZ-në e Sali Berishës, siç e konsideroi ai, se nuk duhet të guxojë t‘i mohojë Partisë Socialiste të drejtën ligjore për të kërkuar mandatin e 5-të përmes rivlerësimit të të gjitha votave të pavlefshme, numri i të cilave në atë qark është më i madhi në të gjithë Shqipërinë për qendër votimi dhe rinumërimit të një sërë kutish të dyshuara. Sa i përket Qarkut të Fierit, një çështje e mbyllur tashmë për KQZ, por pritet të hapet në Kolegjin Zgjedhor, kreu socialist vuri në dukje se përmes numërimit të kutive më në fund gjithë Shqipëria e pa me sytë e saj se çfarë fshihej në këto kuti, pikërisht mandati i 9-të për PS-në. Leximi deri në fund i verdiktit të popullit të Fierit, vijoi ai, i dha Partisë Socialiste mandatin e 9-të dhe provoi katërcipërisht drejtësinë e qëndrimit tonë të prerë në këtë proces, duke nxjerrë në dritën e diellit të vërtetën se, edhe pa bërë transparencë mbi Beratin, Shkodrën e Tiranën, Sali Berisha nuk e ka marrë mandatin për të qeverisur edhe 4 vjet të tjera Shqipërinë. Në mbylljes të fjalës së tij, kreu i PS gjeti rastin që të falënderojë të gjithë qytetarët e Fierit, të cilët jo vetëm e votuan, siç tha ai, si asnjëherë më parë Partinë Socialiste, por edhe e mbështetën pa asnjë lëkundje në përpjekjen për të mbrojtur votat e tyre.

Rama: Shqiperia s’eshte vendi per exit poll

Andi Bega — Sun, 28 Jun 2009 22:01:55 +0000

“Ky eshte nje moment historik, ku populli shqiptar po kerkon te marre vesh vendimin per zgjedhjet e sotme”.

Keshtu u shpreh kreu i Partise Socialiste, Edi Rama ne daljen e dyte te tij ne nje konference per shtyp,duke i kerkuar mediave qe te ndjekin procesin e transportimit te kutive te votimit dhe te mos perqendrohen te exit poll-et.

“Procesi vazhdon dhe askush nuk mund te na krijoje nje situate te pafavorshme duke nisur festimet pa u numeruar zyrtarisht votat”, u shpreh Rama.

Kreu socialist theksoi se eshte me interes perfundimi i fazes se dyte, ai i transportimit te plote te kutive te votimit.

“Shqiperia nuk eshte vend per exit poll-e. Rezultati i tyre sot nuk vlen”, tha Rama, duke i bere thirrje personave pergjegjes qe te vazhdojne te numerojne votat, pasi misioni i tyre eshte historik.

Blushi: Zgjedhjet pas 19:00, ne dore te policise

Andi Bega — Sun, 28 Jun 2009 15:52:42 +0000

Kandidati socialist per deputet, Ben Blushi, deklaron se deri ne oren 19:00 procesi i votimit do te shkoje normalisht, nderkohe qe pas kesaj zgjedhjet i ka ne dore policia. Ne nje interviste per Top Channel, Blushi theksoi se monitoruesit socialiste do te ndjekin cdo makine qe vjen nga fshatrat e Shqiperise drejt qendrave te medha per te vezhguar me kujdes cdo manipulim te mundshem.

“Policia duhet te garantoje transportimin e kutive nga zonat e thella”, tha Blushi.

Kandidati socialist shprehu optimizmin e tij per pjesemarrjen e votuesve, numri i te cileve pritet te rritet ne oret e mbetura.

Incidente me komisionerin dhe vezhguesin e PS, ne Peqin e Elbasan‏

Andi Bega — Sat, 27 Jun 2009 17:29:28 +0000

Partia Socialiste e Shqipërisë, është vënë në dijeni për dy raste incidentesh të ndodhura në qytetet e Peqinit dhe Elbasanit. Sipas informacioneve të marra nga strukturat socialiste në Peqin e Elbasan, bëhet me dije se është shoqëruar në komisariatin e policisë njëri prej komisionerëve socialist, Shkelzen Faiku, pa asnjë lloj arsyeje. Ndërkohë, në Elbasan, është goditur vëzhguesi i PS, Kujtim Shinkolla, nga punonjësi i zyrës së Tatim Taksave, Zyber Troku.

Me anë të këtij informacioni, dëshirojmë t’ju njoftojmë se në qytetin e Peqinit, policia e shtetit ka ndaluar dhe shoqëruar për në komisariatin e qytetit te Peqinit, njërin nga komisionerët e subjektit zgjedhor Partia Socialiste Shqipërisë, Shkelzen Faiku, duke mos dhënë asnjë motivacion për arsyen dhe shkakun e ndalimit të tij.

Para dyerve të komisariatit të Peqinit ndodhet dhe kandidati për deputet për Partinë Socialiste z. Skënder Hasa, i cili po kërkon informacion për ndalimin e komisionerit, por deri tani nga policia e shtetit nuk është dhënë asnjë informacion. Situata në qytetin e Peqinit është tensionuar, pasi policia e shtetit po bën presion të hapur ndaj komisionerëve të subjektit zgjedhor të Partise Socialiste.

Një veprim tjetër i pa precedent ka ndodhur në komunën Shalës të rrethit Elbasan, ku punonjësi i zyrës se Tatim-taksave z. Zyber Troku bashkë me vëllain e tij, i udhëhequr nga kryetari I komunës z.Vasil Mëhilli kanë goditur dhe keqtrajtuar banorin z.Kujtim Shinkolla, i cili mban satatusin e vëzhguesit të Partisë Socialiste dhe kanë kërcënuar me jetë kryetarin e komisionit z.Albert Rama të subjektit zgjedhor të Partisë Socialiste.

Këto janë incidente që tregojnë se qeveria po përjeton me ankth orët e fundit dhe po mundohet të përdorë çdo mjet anti-ligjor për të rezistuar

Rama: Erdhi dita e ndryshimit historik

Andi Bega — Fri, 26 Jun 2009 22:03:39 +0000

“Pak ore na ndajne nga dita per ndryshuar faqen e historise me voten tone”.

Keshtu u shpreh ne fillim te fjalimit te tij per te pranishmit ne mitingun e fundit ne kete fushate zgjedhore, lideri socialist, Edi Rama, i shoqeruar mes ovacionesh te shumta.

Kreu socialist, theksoi se u deshen kater vjet qe te vinte dita, kur do te ndodhte ndryshimi i madh.

“Erdhi dita kur secili prej jush ne te ardhmen te thote; ‘po’ votova per ndryshimin historik,per Shqiperine pa kufinj me Evropen, ishte 28 qershor 2009″, u shpreh Rama.

Duke premtuar liberalizim vizash, tekste shkollore per femijet, zgjatjen e lejes se lindjes per nenat e reja dhe sigurim te tyre, sherbim shendetesor te mirefillte me te gjitha kushtet e standartet evropiane, Rama theksoi se vota me 28 qershor do te sherbeje per nje Shqiperi ku fshati jeton denjesisht, ku uji nuk mungon dhe ku shteti nuk eshte me i pushtetareve po i qytetareve.

“Kjo eshte beteja e Shqiperise ndaj analfabetizmit, papunesise, varferise, korrupsionit, dhunes, minatoreve te vuajtur, fshatareve te varfer, ndaj ne do ta fitojme”, u shpreh Rama.

Kreu socialist u shpreh i bindur per fitoren e betejes sepse Shqiperia nuk mund te humbase dhe se ajo qendron pertej te majtes dhe te djathtes.

“Ne do ta fitojme kete gare per te fituar qytetaret dhe jo pushtetaret sic ka ndodhur gjithnje”, tha me tej Rama.

Lideri socialist ftoi qytetaret qe te votojne per te bere keshtu qe politika te jete mjet sherbimi ne funksion te tyre.

“Keto jane oret per ta marre politiken ne dore dhe per ta bere ate fuqi te nje ndryshimi historik, duke qendruar te gjithe bashke. Te tregojme se ne shqiptaret nuk jemi me pak te gatshem per te bere sakrifica sic kane bere qytetaret e vendeve te tjera. Nuk ka arsye perse te mos e bejme Shqiperine, zonje te bukur ne Evrope”, u shpreh Rama.

Kreu socialist theksoi se me 28 qershor do t’i jepet fund politikes se paarsyeshme, frikes per te mos votuar te lire, percarjes per te mos qendruar te gjithe bashke.

“Me 28 qershor do te largojme kryeplakun e politikes shqiptare dhe oborrtaret e tij. Keto jane oret per ndryshimin e madh”, tha Rama, duke i ftuar te gjithe te votojne per alternativen e Partise Socialiste te Shqiperise.

[There is a video that cannot be displayed in this feed. Visit the blog entry to see the video.]

Shperthen Edi Rama

Andi Bega — Wed, 17 Jun 2009 17:53:55 +0000

Kur kane mbetur edhe 11 dite nga data e zgjedhjeve politike te 28 qershorit kryetari i Partise Socialiste, Edi Rama shperthen me nje prej deklaratave me te fuqishme qe prej fillimit te fushates me 28 maj.

Ai ishte ne zonen e Mallakastres ne qarkun e Fierit, ku do ta dalin 16 deputete per kuvendin e Shqiperise dhe ku PS synon te fitoje shumice dyshifrore.

Mesazhi i zotit Rama drejtuar votuesve dhe jo vetem atyre, kishte si premtim ashtu dhe kercenimin ligjor per ate qe do mund te cenoje drejtimin qofte edhe te nje vote te vetme.

“Thuajini te gjitheve se askush nuk ka fuqi ta preke voten tone me 28 qershor. Nuk ka pushtet rrugacesh dhe rrugace ne pushtet qe mund te prekin voten e ndryshimit. Nuk do te kete vrime per t’u fshehur per ate qe guxon te beje nje loje sado te vogel me voten e socialisteve”, u shpreh Rama.

Shefi i socialisteve Edi Rama tha ne Mallakaster se Shqiperia sot vuan nga pasojat e politikes se vjeter dhe nje prej ketyre vuajtjeve sipas tij eshte zvarritja qe prej 18 vitesh e procesit te integrimit te Shqiperise ne Bashkimit Evropian.

Ai u angazhua se Partia Socialiste ne qeverisje do t’u jape shqiptareve mundesine te levizin brenda zones shengen pa viza duke nisur qe nga viti i ardhshem.

Zgjedhjet tha ai kane nje rendesi historike dhe perseriti thirrjen drejtuar qytetareve te votojne per Partine Socialiste.

“Vota e cuar jashte kutise se Partise Socialiste eshte nje vote qe e ndihmon politiken e vjeter”, theksoi Rama.

Islami:Shkarkimi i Biberaj tregon konfliktet brenda PD-së

DashiC — Fri, 23 Jan 2009 12:31:15 +0000

Partia Socialiste ka reaguar sot për shkarkimin e nënkryetarit të asamblese në Komisionin Europian Aleksandër Biberaj. Sipas anëtarit të delegacionit të KE-së Kastriot Islami shkarkimi i Biberaj tregon konfliktet brenda Partisë Demokratike. Islami shtoi gjithashtu se në letrën e kryeparlamentares Topalli drejtuar KE-së shprehej se Biberaj nuk e kishte mbrojtur mirë ligjin e dosjeve. Islami shtoi se do të kërkojë takim me Topalli për sqarim dhe gjithashtu do ta diskutojë këtë çështje edhe kryeministri Berisha. Gjithashtu Islami tha se shkarkimi i Biberaj dëmton imazhin e Shqipërisë në KE.

Ulqini:Spotet publicitare për arritjet e qeverisë, imagjinare

Mimoza A — Wed, 14 Jan 2009 12:26:06 +0000

Deputeti i Partisë Socialiste Musa Ulqini në një konferencë për shtyp u shpreh se shqiptarëve po u serviret nga qeveria spotet publicitare ku flitet për suksese dhe arritje imagjinare. Sipas Ulqinit sa më shumë thellohet keqqeverisja e vendit dhe shtohen vështirësitë e jetesës së njerëzve të thjeshtë, aq më shumë shtohen reklamat dhe spotet televizive ku qeveria dhe kryeministri Berisha i thur autolëvdata vetvetes

Koçi:PS’91 në zgjedhje koalicion me LSI-në

Mimoza A — Mon, 12 Jan 2009 20:21:12 +0000

Kreu i PS’91n Petro Koçi ,i ftuar në Ora News deklaroi se në zgjedhjet e ardhshme partia e tij do hyjw në koalcion me LSI-në. “PS ’91 përfaqëson një alternativë, por do jetë në një koalcion me LSI-në”, u shpreh ai. Kryetari i PS-91 e vlerësoi si “jashtë kontrollin” pozitën e së majtës lidhur me procesin e kartave të identitetit. Sipas tij i gjithë procesi duket se është në dorë të PD-së dhe kjo mund të çojë në probleme në regjistrin e zgjedhësve. “Gjykoj se jemi vonë me procesin e kartave të identitetit. Gjithsesi besoj se procesi nuk duhet të ketë difekte dhe opozita duhet të jetë më e vëmendshme ndaj tij”, deklaroi Koçi. Lidhur me bllokimin e gazetës “Tema”, Koçi deklaroi se nuk mund të mendohet puna e gazetarëve do rrezikonte procesin e bërjes së kartave të identitetit vetëm se ishin në të njëjtën ndërtesë. Sipas tij ky raport i dhunshëm vjen sepse “Tema” ka qenë denoncuese e patrembur i disa spektakleve të qeverisë dhe vetë kryeministrit Berisha. “Është për të ardhur keq që liria e medias goditet kaq keq. Gazeta “Tema” ka qenë e balancuar nga krahët politikë dhe nuk mendoj se i ka shërbyer Ramës. Rasti i “Tema” duhet të jetë një leksion për të gjithë median”, shtoi kreu i PS’91. Ai theksoi se “Sot veç Berishës është edhe fotokopja e tij në opozitë, ndaj ka pak shpresa për ndryshim edhe në marrëdhëniet me median. Jam solidar me “Temën” dhe gazetarin Mero Baze në këtë rast dhe përfundimi që unë nxjerr për marrëdheniet media- politikë është se duhet t’i jepet fund klientelizmit”. Lidhur me zgjedhjet e 2009-ës Koçi theksoi se fushata ka filluar. Sipas tij PS’91 përfaqëson një projekt politik që synon fitoren e së majtës, dhe jo të Ramës si individ. ” Zgjedhjet do t’i fitojë e majta, socialistët kanë arsye për të zgjedhur sepse nuk është vetëm alternativa e vjetër. “PD-ja dhe PS-ja janë e njëjta, u ndryshon emri dhe jo fizionomia dhe teknologjia”, shtoi ai. Sipas Koçit “Pajtimi mes të majtës do vinte nëse do kishim një platformë që do korrigjonte pazaret e 2005-ës, por nuk duket se po ndodh kështu. Sistemi elektoral nuk nxit marrëdhëniet parazgjedhore”. Në fund të fjalës së tij ai theksoi se “Proporcionali rajonal është më i mirë për Berishën dhe jo për të majtën. Por duke nxitur pjesëmarrjen masive të socialistëve ne do t’i sjellim të majtës fitore”.