Lajme Online Shqip » Maqedoni

Media, e bashkuar per keqtrajtimin e gazetarit ne Maqedoni

Andi Bega — Tue, 10 Mar 2009 15:44:32 +0000

SHKUP – Nje nga themeluesit e agjencise se lajmeve INA, Naser Pajaziti, gjithashtu, kryeredaktori i te perditshmes “Shqip media” ne Maqedoni eshte ndaluar nga policia e njesitit “Alfa” ne Kumanove te FYROM (ish-Republika Jugosllave e Maqedonise), duke shenuar keshtu nje tjeter sulm policor vendas ndaj medias se lire. Pajaziti, i shoqeruar nga nje pjese e stafit te gazetareve ka qene pjese e trajtimit te pahijshem nga ana e nje patrulle te njesitit policor “Alfa” ne qytetin e Kumanoves. Ngjarja ka ndodhur mbremjen e se martes rreth ores 18.30, kur vetura e gazetarit eshte ndaluar nga policet civil te njesise “Alfa” me veturen civile KU-102- CM dhe pa asnje arsyetim eshte mbajtur per 30 minuta jashte makines dhe ne syte e opinionit ne hyrje te qytetit te Kumanoves. Pas legjitimimit te dokumenteve personale, gazetari Naser Pajaziti dhe stafi i perbere nga redaktori i politikes se brendshme dhe redaktoret teknik menjehere jane legjitimuar se jane pjese e nje ekipi medial. Por reagimi i policeve sic thuhet ka qene i ashper duke urdheruar qe te dalin nga vetura dhe te terhiqen larg saj.

“Ishte nje sjellje nencmuese dhe arrogante, nje tendence provokative e cila shfaqte doza te presionit psikologjik. Ata sikur te ishim kriminel na larguan dy metra larg vetures duke u deklaruar se kinse po kryejne kontrolle, edhe pse ishin njoftuar se jemi ekip gazetaresh. Sjellja e tyre brutale shkoi aq larg, saqe njeri prej tyre filloi te kontrollonte duke hequr uleset dhe duke kontrolluar cdo cep te makines. Une mendoj se kjo sjellje eshte pjese e tendencave per te trembur dhe heshtur fjalen e lire dhe nencmimin e gazetarit shqiptar”, ka theksuar gazetari Naser Pajaziti.

Ai ka sqaruar se ne Maqedoni cdo dite cenohet fjala e lire dhe kjo gjendje eshte perfshire ne te gjitha raportet nderkombetare per lirine e mediave.

“Apeloje qe kjo situate te alarmohet dhe te denoncohet sepse trajtimi i pahijshem dhe triumfalist duke mos respektuar asnje kod apo trajtim te posacem ndaj gazetareve tregon se po cenohen te drejtat dhe lirite e fjales se lire. Denoncimin publik te ketij rasti po e bej duke u bazuar edhe ne kodeksin e gazetareve ne Maqedoni per misionin tone per mbrojtjen e te drejtave te njeriut, lirise se fjales, dinjitetin dhe lirine por edhe respektimin e pluralizmit te ideve dhe qendrimeve”, ka theksuar Naser Pajaziti.

Ky eshte rasti i dyte i veprimit te tille policor, pas nderhyrjes dhe bastisjes se shtepise se gazetarit dhe botuesit te se perditshmes “Koha” ne Shkup, Arben Ratkoceri, per rastin e te cilit me pas u kerkua falje.

Reagimet per keqtrajtimin e gazetareve

Shoqata e Gazetareve Shqiptar ne Maqedoni (SHGSHM) ka reaguar ashper ndaj keqtrajtimit te ekipeve te gazetareve te gazetes “Shqip Media” dhe agjencise se Lajmeve “INA” nga ana e njesitit policor “Alfa”. “Aktet e ketilla per ne jane te papranueshme pasi qe nuk mund te pranojme qe gazetaret te keqtrajtohen te pakten pa ndonje baze ligjore-juridike. Konsiderojme se nje sjellje e tille e demton imazhin e policise e cila ne baze te kushtetutes dhe ligjeve pozitive duhet t’i mbroj gazetaret por edhe te gjithe qytetaret e vendit nga keqtrajtimet e jo vet te keqtrajtoj”, thuhet ne reagimin e SHGSHM-se. “Apelojme deri te te gjitha strukturat policore qe te kene kujdes ne sjelljet e tyre me gazetaret posacerisht ne periudhen parazgjedhore ne te cilen ndodhet vendi”, thuhet ne reagim.

***

Edhe Partia Demokratike Shqiptare (PDSH) nepermjet nje konference me gazetaret ka shprehur shqetesime lidhur me rastin. “Shqetesimet e PDSH-se se ne Maqedoni gazetaria dhe mediat jane nen presion te koalicionit qeveritar, u vertetuan, kur njesia speciale policore “Alfa” keqtrajtoi dhe maltretoi kryeredaktorin e gazetes “Shqip” njeherit themelues i agjencise se lajmeve “INA” dhe tre gazetare tjere. Sikurse qeveria e Maqedonise, VMRO-BDI, nuk brengosen nga vleresimet negative te Bashkimit Evropian dhe Stejt Departmentit Amerikan per ceshtjen e mediumeve”, ka theksuar zedhenesi i PDSH-se, Adriatik Imeri. Sipas tij, VMRO-BDI nepermjet policise dhe forces fizike iu kercenohen gazetareve. “Rasti i mbremshem nuk eshte rast i vetem, prandaj ne i apelojme Gruevskin dhe Ahmetin duart larg nga gazetaret shqiptare. Po ashtu ftojme faktorin nderkombetare te nderhyje ne keto raste”, ka theksuar Imeri.

***

Agjencia e Lajmeve NOA ne Tirane, kontaktoi me drejtorin e INA, Naser Pajaziti dhe u sigurua se pas ndalimit, ai eshte lene i lire, ndersa ngre shqetesimin per aktin e papranueshem dhe provokativ ndaj drejtuesit te medias shqiptare ne vendin fqinje. Ne lidhje me kete ngjarje, Agjencia e Lajmeve NOA denon incidentin dhe e konsideron ate jo thjeshte te evitueshem por tendencioz dhe me qellime te qarta antishqiptare.

Agjencia NOA sugjeron qe vendi fqinje, qe ben perpjekje te ethshme per t’u njohur neper bote me emrin Maqedoni, por qe zyrtarisht edhe nga Shqiperia, njihet vetem si ish-Republika Jugosllave e Maqedonise, FYROM, ne vend qe te merret me sulme ndaj medias shqiptare, te zgjidhe me pare ceshtjen ekzistenciale te emrit, qe mesa shihet, eshte futur bindshem, ne kalendar greke.

***

Organizata shqiptare Diaspora ka reaguar lidhur me rastin e ndalimit te gazetarit Naser Pajaziti. “Ne, aktivistet e diaspores nepermjet ketij reagimi shprehim shqetesimin tone te thelle me menyren e ndalimit dhe sjelljen jo njerezore i njesitit ne fjale, dhe mbrojtjen e fjales se lire te cilen me cdo kusht ne Maqedoni po ngulfatet dita dites! Nga ky kendveshtrim, se ekzistojne prova te mjaftueshme per gabimet e tyre te bera te pafalshme, ne, aktivistet e diaspores kerkojme nga mekanizmat nderkombetare te vendosur ne Maqedoni, si dhe nga faktori politik shqiptare te reagojne ashper, ngase fjalen e lire, shprehjen e lire jo “Alfat” por askush nuk mund t’ia ndale njeriut ne nje shtet demokratik. Kerkojme qe njesiti i cili ka maltretuar kryeredaktorin e Shqip Mediave te dale perpara drejtesise dhe te paguaje denimin e merituar”.

Stajnberg: Situata mes Maqedonisë dhe Greqisë po përkeqësohet

Mimoza A — Wed, 14 Jan 2009 12:21:24 +0000

Zëvendëspresidenti i Grupit Ndërkombëtar të Krizave, Donald Stajnberg, thotë se situata mes Maqedonisë dhe Greqisë po përkeqësohet në nivele shqetësuese. Kjo gjendje, sipas tij, mund të ketë ndikim edhe në rajon. Në raportin për Maqedoninë ky grup ndërkombëtar që angazhohet për pengimin e konflikteve, thotë se ekziston mundësa e kthimit të konfliktit mes shqiptarëve dhe maqedonasve dhe se mosmarrëveshja mes Athinës dhe Shkupit mund të dëmtojë përparimin e Maqedonisë pas vitit 2001. “Shtyrja e integrimit pa kufi në NATO dhe BE mund të pengojë strategjinë e stabilizimit të vendit. Besojmë se procesi i zgjerimit të BE së dhe integrimit përfshin Maqedoninë dhe fqinjët e saj në një proces të përbashkët për të tejkaluar disa nga shqetësimet që janë shprehur nga shqiptarët dhe grupet e tjera etnike brenda Maqedonisë”, tha Stajnberg në një intervistë për BBC-në.

Kreu i misionit EULEX vizitë në Maqedoni

Mimoza A — Tue, 13 Jan 2009 08:20:54 +0000

Shefi i misionit EULEX në Kosovë, Yves de Kermabon

Shefi i misionit EULEX në Kosovë, Yves de Kermabon deklaroi të hënën në Shkup se ky mision do të jetë në bashkëpunim të ngushtë edhe me organet e sigurisë të Maqedonisë.

Kermabon është pritur në Ministrinë e Brendshme nga krerët e këtij institucioni, ku janë biseduar modalitetet e bashkëpunimit të ndërsjellë në sferën e sigurisë, luftën kundër krimit të organizuar, kriminalitetit ndërkufitar.

Ministrja e Brendshme, Gordana Jankullovska dhe shefi i EULEX Kermabon kanë deklaruar se në mënyrë të bashkërenduar do të luftojnë krimin e organizuar dhe kriminalitetin ndërkufitar, që sipas tij nuk njeh përkatësi etnike dhe politike.

Dyja palët pozivitisht kanë vlerësuar bashkëpunimin e deritanishëm midis autoriteteve kosovare dhe atyre të Maqedonisë në fushën e policisë. Kermabon madje ka theksuar se bashkëpunimi midis dy vendeve jo vetëm që do të vazhdojë, por sipas tij, ai do të ketë edhe përparime të mëdha si dy vende fqinje.

MPB njoftoi se gjatë vitit të kaluar janë realizuar nëntë takime në nivele të ndryshme të bashkëpunimit në sferën e sigurisë me autoritetet vendore dhe ndërkombëtare në Kosovë.

Gruevski: Qeveria garanton zgjedhje demokratike

Mimoza A — Mon, 12 Jan 2009 22:35:39 +0000

Kryeministri i Maqedonisë Nikolla Gruevski, deklaroi përpara deputetëve se qeveria po ndërmerr masat për të garantuar zgjedhje korrekte. ” Qeveria e Maqedonisë po merr të gjitha masat që zgjedhjet e marsit të jenë demokratike dhe pa incidente. Jemi garant që procesi do të shkojë shumë mirë”, u shpreh kryeministri. Ai u shpreh se për zgjedhjet është miratuar një plan i cili ka marrë edhe mbështetjen e faktorit ndërkombëtar. “Qeveria miratoi një plan aksional i cili është kryer nën konsultën e faktorit ndërkombëtar”, tha Gruevski. Kryeministri nënvizoi se nuk do të lihet shkas për të pasur incidente në procesin zgjedhor. Zgjedhjet presindenciale dhe komunale në Maqedoni do të mbahen në 22 mars.

Lube Boshkovski, konfirmon kandidimin per president

Mimoza A — Sun, 11 Jan 2009 09:25:25 +0000

Ish-ministri i brendshëm maqedonas Lube Boshkovski deklaroi se do të hedhë kandidaturën për president të ardhshëm të Maqedonisë.

“Pas shpalljes zyrtare të zgjedhjeve nga ana e kryetarit të Parlamentit, më lejoni t`i përgjigjem kërkesës së popullit të Maqedonisë dhe pyetjes që më ishte parashtruar më shpesh, se unë do të kandidohem për president”, deklaroi Boshkovski, duke konfirmuar se do të kandidohet në zgjedhjet e 22 marsit. Ai ka deklaruar se pret mbështetjen e popullit të Maqedonisë në këto zgjedhje.
Boshkovski u lirua vitin e kaluar nga Gjykata e Hagës pasi u shpall i pafajshëm lidhur me akuzën e ngritur ndaj tij për krime lufte për vrasjen e civilëve shqiptarë në fshatin Luboten të Shkupit në mars të vitit 2001 gjatë konfliktit të armatosur në Maqedoni.

Maqedoni,zgjedhjet do mbahen në 22 mars

Mimoza A — Sun, 11 Jan 2009 08:17:09 +0000

Kryetari i Parlamentit të Maqedonisë Trajko Veljanovski ka caktuar zyrtarisht 22 marsin ditën e zgjedhjeve lokale dhe presidenciale në vend. “Duke u nisur nga detyrimet e mia kushtetuese kam firmosur vendimet për zgjedhjet e ardhshme presidenciale dhe lokale në Republikën e Maqedonisë, të cilat do të mbahen me 22 mars të këtij viti”, deklaroi kryetari i Parlamentit Trajko Veljanovski. Sipas Veljanovskit, firma për datën e zgjedhjeve ka ardhur pas miratimit të ndryshimeve kushtetuese nga ana e parlamentit dhe konsultimet që ai ka pasur me liderët e partive politike, nga të cilët ka marrë pëlqimin se 22 marsi është datë e përshtatshme për mbajtjen e këtyre zgjedhjeve. Veljanovski madje tha se këto zgjedhje janë shumë të rëndësishme për qytetarët maqedonas sepse pikërisht zgjedhjet e lira dhe demokratike sipas standardeve europiane janë kusht për integrimin e vendit në Bashkimin Europian. “Dëshiroj t’iu bëj një apel deri të gjitha institucioneve shtetërore që t’i kryejnë me përgjegjësi detyrimet e tyre zgjedhore. Personalisht jam i bindur se institucionet shtetërore, parasëgjithash KSHZ-ja si më përgjegjëse, kanë kapacitet dhe dijeni që t’i realizojnë sic duhet ato. Por me shumë rëndësi është sjellja e partive politike, të cilat do të marrin pjesë në zgjedhje, sepse prej tyre varet nëse zgjedhjet do të vlerësohen si të lira dhe demokratike”, theksoi kryetari i Parlamentit maqedonas Veljanovski. Fushata zgjedhore në Maqedoni fillon 22 ditë përpara zgjedhjeve, dhe përfundon 24 orë para ditës së mbajtjes së zgjedhjeve, kur hyn në fuqi edhe heshtja zgjedhore.

Ish-ushtarë të UÇK-së në mbrojtje të Lekës

admin — Sun, 04 Jan 2009 23:21:25 +0000

“Ne
ish-ushtarët e UÇK-së, si dhe votuesit e zonës (Tetovë-Jazhincë) dhe më
gjerë që zgjodhëm Daut Rexhepin-LEKA përfaqësuar në Parlament, reagojmë
ashpër ndaj shpifjeve dhe etiketimeve që i bëhen Komandantit dhe
deputetit tonë, nga ana e liderit të PDSH-së, me stilin e tij tashmë të
njohur, arrogant dhe të papërgjegjshëm. Lajmi
për largimin nga radhët e PDSH-së, të z.Daut Rexhepi-LEKA, na brengosi
dhe na irritoi sepse në mënyrë sensacionale dhe me doza të theksuara
krenarie u publikua nga një gazetë maqedonase “Dnevnik”, e njohur për
shkrimet e saja anti-shqiptare. Siç duket PDSH-ja në gazetën në fjalë
luan rolin edhe të prokurorit duke ia rikujtuar gazetares edhe akuza të
tipit shpifëse me të cilat e ngarkojnë deputetin tonë nga organet e
ndjekjes sllavo-maqedonase, dhe duke u mburur se partia po pastrohet
nga luftëtarët gjegjësisht nacionalistët”, thuhet në reagimin e
ish-ushtarëve të Batalionit të parë të Ushtrisë Çlirimtare Kombëtare,
të brigadës “112-Mujdin Aliu”.

Ne
ish-luftëtarët e UÇK-së, duke u solidarizuar edhe me elektoratin e
zonës (Tetovë-Jazhincë) jemi të shqetësuar dhe kemi humbur besimin edhe
tek kjo parti e cila së paku deklarativishtë trumbetonte për mbrojtjen
e vlerave të luftës dhe mburreshte duke numëruar pjesëtarët e UÇK-së që
kishte në gjirin e saj. Pikërisht sot në kohërat më të vështira për
pjesëtarët e UÇK-së dhe familjet e tyre, që çdo ditë malltretohen,
burgosen dhe etiketohen me lloj-lloj shpifjesh, PDSH e finalizon këtë
frymë anti-shqiptare me largimin nga PDSH-ja, ish-Komandantin dhe
deputetin tonë Daut Rexhepi-LEKA. Vallë a mund të mendohet se edhe
rasti i Daut Rexhepi-LEKA është rastësi apo …?

Deklaratat
e z.Thaçi janë ofenduese, identike si deklaratat e z.Ali Ahmetit, i
cili ushtarët e UÇK-së i quan miza, duke e quajtur vetveten shqiponjë.
Siç duket për këtë të fundit, pra, z.Ahmeti edhe bastisjet,
malltretimet dhe burgosjet në masë të madhe që janë bërë dhe që janë
duke u bërë familjeve shqiptare dhe ish-ushtarëve të UÇK-së, na qenkan
punë mizash?! Shihet qartë se dy liderët e dy partive kryesore
shqiptare për një çështje janë të koordinuar për tu LIRUAR nga
ish-ushtarët e UÇK. Sepse ashtu më lehtë depërtojnë te objektivi i tyre
MADHOR, që është pjesëmarrja në pushtet, dhe servilizmi ndaj bllokut
maqedonas.

Në
përfundim i rikujtojmë opinionit të gjerë shqiptar se në vitin 2001, ne
ish-ushtarët e UÇK-së, me në krye të nderuarin Komandant LEKËN, ishim
të suksesshëm në të gjitha betejat, andaj krenohemi me një komandant të
tillë që kishim. Shërbimet tona për popullatën vazhduan edhe pas
përfundimit të luftës. Që nga vitit 2001 e deri më sot, në zonën tonë
(Tetovë-Jazhincë) nuk ka patur dhe nuk ka vjedhje, plaçkitje me armë,
kidnapime, rrezikime pronash, reketime, apo dhunime. Për skaj të gjitha
këtyre që u përmendën qëllimi kryesor dhe i arritur nga ana jonë ka
qenë ruajtja e dinjitetit, moralit dhe nderit të familjes shqiptare.
Andaj nuk do të lejojmë askënd që të hedhë baltë mbi figurat dhe veprat
e ish-ushtarëve të UÇK-së, në veçanti mbi personalitetin e Komandantit,
sot deputet z.Daut Rexhepi-LEKA.