Njesoj si per Beratin, palet ankimuese kerkonin rivleresim te votave. Sic thuhet ne kerkesat ankimore, grupet e numerimit kane shkelur nenet 117 dhe 118 te kodit zgjedhor, qe flasin per kriteret dhe vleresimin e votes. Numeruesit kane shpallur si te parregullta vota te vlefshme, apo, sic thote LZHK, votat e nje partie i kane kaluar nje partie tjeter.

Pika 5 e nenit 118 parashikon rastin e fleteve te votimit te kontestuara, te cilat bashke me procesverbalin perkates, futen ne nje zarf te posacem. Por, si per Beratin edhe per Tiranen nuk ka pasur zarfe te tille. Socialistet kerkuan te depozitohen si prova materiale librat e protokollit te KZAZ-ve perkatese dhe disa proces-verbale grupesh numerimi. Por KQZ arriti ne perfundimin se hetimi administrativ i hapur prej saj, nuk nxori prova te qenesishme sic kerkohen nga pika 1 shkronja dhe e nenit 126.

Megjithate, perkunder mendimit te shumices, nenkryetarja Deshira Subashi kujtoi piken 6 te nenit 136 qe thote se kur KQZ cmon se nje fakt, rrethane ose ngjarje ka ndodhur, ajo merret si prove pavaresisht nese nuk eshte e pasqyruar ne ndonje dokument zgjedhor. Po ashtu, nenkryetarja Subashi kujtoi se sipas nenit 138 pika 3, mjafton nje kerkese nga dy anetare te KQZ-se, qe te behet rivleresim ose rinumerim i votave. Mbi kete baze ligjore ajo se bashkuar me anetarin Artan Lazaj, kerkuan si per rastin e Beratit edhe te Tiranes rivleresim te votave sipas kerkesave ankimore te paraqitura.

Ne seancen per Tiranen ra ne sy prania e njekohshme e Oerd Bylykbashit dhe Damian Gjiknurit, dy nga ekspertet bashkautore teknike te kodit te ri zgjedhor. Zoti Gjiknuri qe mban edhe postin e nensekretarit per ceshtje ligjore ne Partine Socialiste, argumentoi se pikerisht keto dy dispozita jane futur ne kod per te mbrojtur pakicen e anetareve te KQZ-se nga kartonat e shumices.

Kurse Oerd Bykykbashi, njekohesisht drejtues i nje departamenti antikorrupsion ne kabinetin e kryeministrit, thote se keto dispozita nuk duhen nxjerre nga konteksti i tyre, i cili kerkon megjithate indicie per te perligjur kerkesen per rivleresim. Bylykbashi sqaron se keto dy dispozita, kerkesa te partise socialiste kur u shkrua kodi, u vune si kushte per te kaluar dispozita te tjera te kodit. Tere thelbi i ketij debate permblidhet ne kete pyetje: A duhet te hapen kutite per te nxjerre ne shesh te verteten se ku ka shkuar vota e shqiptareve, pavaresisht kohes qe kjo mund te kerkoje?

Komisioni Qendror i Zgjedhjeve do të shqyrtojë sot paradite ankimimin e Partisë Socialiste për Qarkun e Tiranës, ndërsa pritet që shqyrtimi të vijojë me kërkesat ankimore për Qarkun e Shkodrës. Partia Socialiste ankimoi në Komisionin Qendror të Zgjedhjeve rezultatet e 6 Komisioneve Zonale të Administrimit Zgjedhor (KZAZ) për Tiranën. Socialistët kërkojnë përmes këtij ankimimi rinumërimin e votave në KZAZ numër 55, 56, 57, 58, 59 dhe 60 në Qarkun Tiranë. Selia rozë e kundërshton tabelën përmbledhëse të rezultateve për Qarkun e Tiranës, pasi në KZAZ e lartpërmendura sipas selisë rozë ka shkelje të rënda. Ata kërkojnë që votat në këto KZAZ duhet të rinumërohen dhe rivlerësohen nga Komisioni Qendror i Zgjedhjeve. Ndërsa sa i përket ankimimit në Qarkun e Shkodrës, për të cilin edhe Partia Demokratike ka çuar një tjetër kërkesë për KZAZ 41, PS ka shprehur edhe më parë pakënaqësi dhe problematikat e vërejtura.

Socialistët vërejnë se në KZAZ-në numër 40, 6 qendra votimi u vendosën në mjedise private, të cilat në të gjitha rastet kanë qenë në pronësi të militantëve të Partisë Demokratike, duke presion të hapur ndaj votuesve. Sipas tyre, vendndodhja e qendrës së votimit 276 është ndryshuar një ditë përpara datës 28 qershor, duke bërë që shumë votues të Partisë Socialiste të mos dinë ku duhet votuar. Ndërsa në qendrat e votimit nr. 240, 293, 299, 303, sipas PS-së, janë me dhjetëra zgjedhësit për të cilët nuk është shënuar numri i letërnjoftimit apo numri i pasaportës për jashtë shtetit, por vetëm shënimi me kartë apo me pasaportë, çka përbën një shkelje të rëndë të Kodit Zgjedhor. Në KZAZ-në 42, PS vëren se rezultatet e shpallura pas numërimit të disa qendrave të votimit janë larg çdo rezultati të mëparshëm dhe certifikojnë manipulimet e bëra nga qeveria e Sali Berishës. PS konteston edhe KZAZ 44 ku sipas selisë rozë në qendrën e votimit 038, për Partinë Socialiste janë 0 vota, nga 415 të vlefshme dhe në qendrën e votimit 046, Partisë Socialiste i është numëruar vetëm 1 votë. Ndërsa në Qarkun e Tiranës, PS ka shprehur shqetësim për 27 qendra votimi në lokale të militantëve apo drejtuesve lokalë të Partisë Demokratike. Shumica e tyre ishin në zonat periferike të Tiranës dhe 19 prej të tyre ishin në KZAZ-në 56 të Kamzës dhe Bathores. Shqetësimet janë shprehur nga kandidati për Qarkun e Tiranës, Namik Dokle, i cili në një komunikim me mediat disa ditë më parë theksoi se në këto zona pati presione të shumta mbi komisionerët dhe votuesit, gjë që deformoi në shumë raste vullnetin real të zgjedhësve. “Në 19 prej këtyre qendrave në Kamzë, rezultati ka qenë -3926 vota, pra plus për PD-në, ndërkohë që në qendrat e votimit të vendosura në lokale publike, ka qenë një rezultat i ekuilibruar ose në favor të PS-së”, tha ai. Sakaq, lidhur me gjithë shqetësimet që ka selia rozë ka vënë në dijeni edhe komunitetin ndërkombëtar, OSBE-në vëzhguesit e ODIHR-it, ku ka kërkuar që të merren masa.

Aurora Thomollari

Komisioni Qendror i Zgjedhjeve rrëzoi dje dy kërkesat ankimore që kërkonin rinumërim dhe rivlerësim të votave në Qarkun e Beratit. Mes debatesh dhe momentesh të tensionuara, ndërsa një anëtar i KQZ-së braktisi edhe mbledhjen, me 4 vota “pro” të shumicës, KQZ nuk pranoi kërkesat ankimore të Partisë Socialiste për rivlerësim votash në Komisionin Zonal të Administrimit të Zgjedhjeve numër 2 dhe 3, si dhe rinumërim të të gjitha qendrave të votimit në KZAZ numër 1. Nga tre ankimime fillestare, u tërhoq Partia Republikane nga pretendimet e saj, ndërsa avokatët e dy partive të interesuara shfaqën pretendimet e tyre para anëtarëve. Përfaqësuesit ligjorë të partive që ankimuan, pretenduan se janë vënë re parregullsi gjatë numërimit e pavarësisht se vëzhguesit kanë shprehur vërejtjet e tyre, ato nuk janë përfshirë në librin e protokollit. Pala tjetër, pasi dëgjoi këto pretendime, doli në përfundimin se nuk kishte prova të mjaftueshme për t‘i pranuar kërkesat. Nga ana tjetër, përfaqësuesit juridikë të PD-së vlerësuan se askush nuk mund të shprehë dyshim për procesin në Berat, sepse të paktën në 2 prej KZAZ shumicën e kishte PS. Partia Demokratike u mbështet në librin e protokollit, i cili rezultonte të mos kishte të shprehur asnjë shqetësim nga ana e komisionerëve të PS-së apo vëzhguesve të saj. “Nuk ka asnjë gjurmë dhe vendimet janë marrë me firmën e të gjithë anëtarëve”, deklaroi përfaqësuesi i PD-së, Oerd Bylykbashi. Përfaqësuesi i PS, Gjonçaj, këmbënguli të merret në konsideratë kërkesa e nënkryetares. Ndërhyrja e nënkryetares së Komisionit Qendror të Zgjedhjeve, Dëshira Subashi, e cila kërkoi zyrtarisht që meqë subjektet nuk kanë prova, atëherë ajo dhe anëtari tjetër Artan Laze dëshironin që sipas nenit

136/3 t‘u viheshin në dispozicion të gjitha materialet zgjedhore të këtij qarku. Subashi theksoi se sipas pamjeve filmike të KZAZ 1, 2 dhe 3, del se numri i fletëve të votimit është shumë herë më i ulët se ai që deklarohet në procesverbale. Pas kësaj deklarate ndërhyri përfaqësuesi i PD, Niazi Kosovrasti, i cili e konsideroi kërkesën e Subashit si të nxituar dhe të pavend. Ai përmendi nenin 13/4 të Kodit Zgjedhor, i cili parashikon betimin e anëtarëve të KQZ për ta kryer detyrën në mënyrë profesionale. Ndërhyrja e Kosovrastit krijoi situatë të tensionuar në sallë. Nënkryetarja deklaroi se askush s‘ka të drejtë ta kërcënojë duke i kërkuar kreut të KQZ-së ta ndërpresë mbledhjen. Pas disa replikash, Subashi u largua nga mbledhja, ndërsa të gjithë përfaqësuesit juridikë si dhe avokatët e PS-së dhe G99-ës kërkuan që të merrej parasysh kërkesa e nënkryetares së KQZ-së. Në përfundim, katër anëtarë të shumicën ranë dakord se nuk kishte asnjë provë konkrete që të provonte kërkesat e dy partive duke i rrëzuar ato. Mbledhja është ndjekur gjatë gjithë kohës nga dy kandidatë për deputetë; Erion Braçe që kryeson listën e PS dhe Lefter Maliqi, i treti i listës së PD-së për qarkun. Pas marrjes së vendimit nuk munguan as shkëmbimet e replikave mes Braçes dhe Maliqit, të cilat gati krijuan një situatë mjaft të tensionuar mes tyre.

Komisioni Qendror i Zgjedhjeve miratoi dje kërkesën e Partisë Demokratike për të përfshirë në tabelën përfundimtare të Qarkut të Lezhës rezultatin e 11 qendrave të votimit të KZAZ-së numër 37. Kërkesa ankimore synonte përfshirjen në rezultatin përfundimtar të këtyre 11 kutive, të cilat më parë, vetë KZAZ nuk i kishte përfshirë në rezultatin e saj. Kjo ishte lënë si e tillë më parë edhe nga Komisioni Qendror i Zgjedhjeve. Por një ankimim i Partisë Demokratike e risolli sërish në vëmendjen e këtij institucioni këtë çështje. Megjithëse me shumicë votash, duket se përfshirja e këtyre 11 kutive në tabelën përfundimtare të rezultateve nuk e ndryshon raportin e mandateve në këtë qark dhe rezultati mbetet i njëjtë. Nënkryetarja e Komisionit Qendror, Dëshira Subashi, sakaq vlerësoi se pati një tejkalim të kërkesës ankimore nga ana e ankimuesve për shkak të çështjes së komisionerëve që kanë prishur zgjedhjet në disa zona të vendit. Për këtë ajo kërkoi një mbledhje të posaçme nga ana e KQZ, ku të diskutohet për këto raste. Qarku i Lezhës pati mjaft kontestime, por ato u zgjidhën menjëherë nga ndërhyrja në kohë e KQZ. Gjashtë kutitë e Fushëkuqes mbajtën peng rezultatin për pak ditë, edhe pse dihej se rezultati i tyre nuk do ndryshonte raportin 4 me 3 që u shënua qysh në fillim në këtë qark. Kutitë e Fushëkuqes mbetën pa një zgjidhje konkrete për shkak se nuk kishte asnjë vendim nga ana e Komisionit Zonal që i administronte ato. Në këto kuti, gjatë numërimit, PD kishte avantazh kundrejt PS, por jo aq sa të shënonte një mandat më shumë. Sakaq, Komisioni Qendror i Zgjedhjeve vazhdoi dje pasdite me përgatitjen për procesin zgjedhor në Komunën e Ballagatit, ku në fillim të gushtit pritet të zhvillohen zgjedhjet e pjesshme për pushtetin lokal. Komisioni Qendror i Zgjedhjeve miratoi buxhetin prej 20 milionë lekësh për procesin përgatitor, si dhe ngritjen e strukturave zgjedhore në këtë komunë. Më parë është hedhur shorti për konstituimin e KZAZ dhe disa procedurave të tjera. Mbledhja e

Problem ende per Komisionin Qendror te Zgjedhjeve mbetet nderrimi i ketyre anetareve ne momentin e fundit, çka ben qe ata qe jene pjese e procesit pa u trajnuar me pare.

Numerimi i votave do te ndiqet per here te pare nga kamerat, permes te cilave Komisioni Qendror i Zgjedhjeve do te shpalle drejtperdrejt rezultatin. Instalimi i kamerave ka perfunduar ne qendrat e numerimit te votave, brenda afatit, dhjete dite para zhvillimit te zgjedhjeve.

Me pas, sipas udhezimeve, KZAZ do te shperndajne gjithe materialin e nevojshem ne te gjithe komisionet e qendrave te votimit, si dhe ne grupet e numerimit te votave.

Nderkohe, Komisioni Qendror i Zgjedhjeve miratoi ne mbledhjen e pasdites vezhgues te SHBA-ve dhe te OSBE-ODIHR. Do te jene 34 vezhgues te Shteteve te Bashkuara, shoqeruar nga 23 perkthyes. Sakaq, pritet nje takim qe do te zhvillohet sot mes kreut te KQZ-se, Arben Ristani, dhe ambasadorit amerikan, Xhon Uidhers.

Keto jane pergatitjet e fundit te Komisionit Qendror te Zgjedhjeve per daten e zgjedhjeve, por probleme shqetesuese vijojne te mbeten ende konstituimet e Komisioneve te Qendrave te Votimit.

Burimet zyrtare te KQZ konfirmuan se vetem 40% e propozimeve te subjekteve politike kane mberritur prane komisionit, ndersa afati eshte tejkaluar prej shume ditesh.

Shqetesimi eshte ngritur here pas here nga kryetari i Komisionit Qendror te Zgjedhjeve, Ristani, cili ne komunikimet e tij me mediat ka bere thirrje qe subjektet te respektojne afatet, pasi ne kete menyre cenohen standardet zgjedhore per shkak te deshtimit te trajnimeve.

Po shkon drejt fundit nje prej ngerçeve te pergatitjeve zgjedhore. Nga 4751 qendra votimi, vetem 4 vijojne ende te shfaqin probleme, por qe KQZ pritet t’u jape shume shpejt zgjidhje, nderkohe qe nga 506 qendra qe u propozuan te ngrihen ne objekte private, KQZ ka miratuar 481, pasi te tjerat jane konsideruar si te papershtatshme per shkak te pronesise se godinave dhe vendndodhjes se tyre.

Percaktimi i ketyre 506 qendrave te votimit ka shkaktuar mjaft debate. Sipas Partise Socialiste, ne baze te verifikimeve qe ajo ka mundur te beje ne terren, jane 55 objekte ku eshte propozuar ngritja e ketyre komisioneve, pronare te te cilave jane militante apo mbeshtetes te Partise Demokratike.

Per kete shqetesim qe eshte shprehur edhe ne KQZ, PS-ja ka vene ne dijeni edhe organizmat nderkombetare, si kreun e misionit te ODIHR-it, Glover.

Nje tjeter problem shqetesues eshte nderrimi i adresave te qendrave te votimit. Per kete, KQZ fajesoi kreret e njesive vendore, te cilet kane bere ndryshimin e tyre pa u konsultuar me kete institucion. Per kete çeshtje, nenkryetarja e Komisionit Qendror te Zgjedhjeve deklaroi se procesi eshte mjaft i cenuar.

“KQZ-ja, me nje informacion qe mund ta vleresoje skandaloz nga njesite e qeverisjes vendore, eshte detyruar te beje nje vendimmarrje, e cila per nga natyra e te funksionarit nuk ka pasur elementet minimale te sigurise. Uroj qe politika vete ta menaxhoje kete situate, sepse ne fund te fundit jane perfaqesuesit politike ata qe jane kryetare bashkish e komunash”, u shpreh Subashi disa dite me pare.