Lajme Online Shqip » Kosova

Dobbins: SHBA për Kosovën, Obama si Bush

Mimoza A — Mon, 23 Feb 2009 14:13:00 +0000

Ish i dërguari amerikan për Ballkanin në kohën e Bill Clintonit, James Dobbins deklaroi se administrata e Presidentit Obama do të jetë po aq e përkushtuar ndaj pavarësisë së Kosovës sa edhe ajo e Bushit.
Ndërkohë, sipas Dobbins deklaratat e Beogradit për mosnjohjen e pavarësisë së Kosovës, do të ndikojnë në marrëdhëniet mes Bashkimit Evropian dhe Shteteve të Bashkuara të Amerikës.

“Nga ana tjetër SHBA-të nuk dëshirojnë të izolojnë Serbinë dhe do të vazhdojnë me përpjekjet që Serbia me kohë të marrë një qëndrim më racional ndaj Kosovës. Në një afat të shkurtër, SHBA-të gjithsesi do të mbështesin hyrjen e Serbisë në institucionet euroatlantike”- tha Dobins gjatë një interviste për “Zërin e Amerikës”.
Ndër të tjera, Dobbins konsideron se SHBA-të dhe BE-ja kundërshtojnë plotësisht ndryshimet e mëtejshme të kufijve shtetërorë në Ballkan dhe konsiderojnë se pakicat duhet të pranojnë jetën në shtetet në të cilat jetojnë, me garantimin e përdorimit të gjuhës, arsimit dhe kultivimit të traditave të tyre.

“Serbia, mentalitet kremtimi te humbjeve”

Andi Bega — Tue, 17 Feb 2009 16:44:27 +0000

Institucionet e Kosoves, ne te dyja nivelet, jane perqendruar ne teresi per kremtimin e njevjetorit te pare te pavaresise se Kosoves. Lideret kosovare, ndersa urojne qytetaret per festen, i ftojne ata qe te kremtojne ne menyre dinjitoze, duke respektuar agjenden e programit zyrtar qe eshte hartuar. “Beogradi ende ka mbetur ne mentalitetin e kremtimeve te humbjeve qe peson vazhdimisht”, tha kryeministri Hashim Thaci, duke iu referuar paralajmerimeve se deputetet e Serbise mund te vijne neser ne Zvecan, per te marre pjese ne nje seance te parlamentit paralel serb te Kosoves. Kryeministri i Kosoves, Hashim Thaci, i ka ftuar dje serish te gjithe qytetaret, pa dallim etnie, qe t’i bashkohen festes dhe njekohesisht te permbahen nga cdo provokim, sidomos nga ato qe vijne nga Beogradi. Ai tha se ky eshte nje vit i suksesit historik te Kosoves, qe perkon me interesat dhe mbeshtetjen e fuqishme perendimore. “Une i ftoj te gjithe qytetaret e Republikes se Kosoves, pa dallim etnie, qe te festojne me dinjitet e krenari. Eshte viti i suksesit historik te Kosoves. Viti i kremtimit te madh te ketij pervjetori te suksesit te popullit dhe institucioneve te Kosoves dhe mbeshtetjes gjithe-nderkombetare, nga Uashingtoni, nga Brukseli nga NATO-ja. Kosova ka te ardhme te sigurt, prandaj duhet te festojme me dinjitet, me krenari”, drejtoi thirrjen Thaci. Ndersa autoritetet serbe po pergatiten qe ne pjesen veriore te deshmojne se nuk funksionon shteti i Kosoves, duke paralajmeruar edhe vizita te deputeteve te Parlamentit te Serbise ne veri, Thaci tha se ndiente keqardhje qe Beogradi nuk po mund te shkeputet nga politika e vjeter. “Kosova e ka agjenden e vet dhe askush nuk do te mund ta ndryshoje agjenden e saj te kremtimit. Ndersa, me vjen keq qe Beogradi ende ka mbetur ne mentalitetin e kremtimeve te humbjeve qe peson vazhdimisht”, theksoi ai.

Kryeministri i Kosoves, Hashim Thaci, pret qe viti i dyte i pavaresise t’i sjelle Kosoves njohje te reja, anetaresim ne organizma nderkombetare dhe perspektive ekonomike. “Kosoven e shoh pjese te FMN-se, te Bankes Boterore, me me teper njohje, me me teper zhvillim ekonomik, me rritje te mireqenies sociale, me me teper progres dhe me afer NATO-s e Bashkimit Evropian, me teper demokratike dhe natyrisht edhe avancim te ambientit te shoqerise multi-etnike. Kosova eshte atdheu i te gjithe qytetareve me te drejta te barabarta per te gjithe”, deklaroi Thaci. Institucionet e Kosoves kane parashikuar nje agjende festive per neser ne mbare komunat, perjashtuar ato ne veri, te dominuara nga shumica serbe, ku qeverisja vendore nuk ka arritur te shtrije pushtetin edhe ne njevjetorin e pavaresise. Andaj, krahas festes, lideret kosovare ne vazhdimesi kane qene te preokupuar dhe me menyren e menaxhimit te situates politike ne veri.

Server: Njohja e pavarësise se Kosovë kusht për antarësimin e Serbisë në BE

Mimoza A — Fri, 16 Jan 2009 09:27:32 +0000

Daniel Server, nënpresident i Institutit Amerikan të Paqes thotë se Serbia nuk mund të hyjë në Bashkimin Evropian, pa pranuar sovranitetin dhe pavarësinë e Kosovës. “Serbia patjetër duhet ta njohë pavarësinë e Kosovës, sepse në të kundërt, vendet anëtare të Bashkimit Evropian do ta bllokojnë anëtarësimin e saj në BE”, ka thënë Server per Zerin e Amerikes.
”Fakti që 22 vende anëtare të BE-së e kanë njohur pavarësinë e Kosovës duhet të shërbejë si shembull për të kuptuar se mjafton një prej tyre që të ushtrojë pushtetin e vetos për të bllokuar pranimin e Serbisë në Bashkimin Evropian”.
Sipas Server, Shtetet e Bashkuara duhet të angazhohen plotësisht në këtë situatë, ndonëse nevojitet “më shumë përgjegjësi” nga BE.
“Vendosmëria amerikane është e domosdoshme jo vetëm për Kosovën, në këto momente, por edhe për Bosnjen dhe demokratizimin e Serbisë’, ka shtuar Server. Gjithashtu ai vlerëson lart udhëheqjen e Kosovës në parandalimin e dhunës: “U heq kapelen atyre që kanë parandaluar dhunën, kanë parandaluar ekstremistët që të marrin në dorë situatën”, tha ai për “Zërin e Amerikës”.

Memorandumi i teatrove të Shqipërisë,Kosovës dhe Maqedonisë

Mimoza A — Wed, 14 Jan 2009 14:22:55 +0000

Tetari kombëtar shqiptar, Teatri Kombëtar i Kosovës dhe Institucioni Nacional-Teatri Shqiptar kanë nënshkruar një memorandum të përbashkët bashkëpunimi. Drejtori i Teatrit Kombëtar Shqiptar Kristaq Skrami vlerësoi këtë bashkëpunim duke theksuar rëndësinë e një memorandumi të këtillë. Megjithëse nuk ka munguar bashkëpunimi me përfaqësues të Kosovës dhe Maqedonisë, në vepra të rëndësishme teatrale, ky memorandum është vulosja zyrtare e ketij bashkëpunimi.Ky memorandum ka për qëllim realizimin e komunikimit, shkëmbimin dhe prodhimin e vlerave kulturore midis vendeve tona si dhe forcimin e marredhenive midis këtyre tri institucioneve. Koordinimin e puneve dhe aktiviteteve të përbashkëta qe këto institucione do të marrin përsiper për të realizuar. Te tri teatrot shprehen të gatshme të bashkëpunojne për realizimin dhe zbatimin e këtij memorandumi dhe bashkëpunimit, përmes projekteve konkrete, të paraqitura në anekse të veçanta. Ky Memorandum Bashkepunimi përcakton fushat me interes te perbashket, protokollin e bashkepunimit mes paleve si dhe angazhimet e tyre reciproke.

Kryeministri Thaçi nuk pranon kushte nga Mali i Zi

Mimoza A — Wed, 14 Jan 2009 12:20:09 +0000

Kryeministri i Republikës së Kosovës, Hashim Thaçi nuk i mirëpriti kushtet e Malit të Zi për vendosjen e marrëdhënieve diplomatike mes dy vendeve. Kreu i qeverisë kosovare i bëri deklaratat për për të përditshmen malazeze “Vijesti”.
Duke komentuar kërkesën e presidentit malazias Filip Vujanovic që, para vendosjes së marrëdhënieve diplomatike, malazezët të futen në Kushtetutën e Kosovës dhe që të krijohen kushtet për kthimin e popullatës joshqiptare, Thaçi ka theksuar se qeveria e tij po punon në krijimin e kushteve për kthimin e të gjithë atyre të cilët kanë braktisur Kosovën.

“Dy shtetet tona kanë marrëdhënie të mira dhe besoj se ato shumë shpejt do të ngritën edhe në nivelin diplomatik, pa kurrfarë kushtëzimesh”, ka deklaruar Thaçi për të përditshmen malaziase “Vijesti”.

Thaçi konsideron se kërkesat e Vujanovic janë të drejta. “Ne kemi mirëkuptim për to, mirëpo më duhet të rikujtoj se ne për çdo ditë po punojmë në atë drejtim në mënyrë që nëpër shtëpitë e veta të kthehen të gjithë ata të cilët e kanë lënë Kosovën. Qeveria jonë po punon në këtë drejtim me përkushtim dhe këtë askush nuk mund të na e mohojë”, ka theksuar Thaçi.

Ai ka thënë se Kosova “po e ndërton shtetin e të gjithë qytetarëve të Kosovës, e jo shtetin e një apo dy kombeve”.

“Kushtetuta e Kosovës është shembull unik se si afirmohen dhe respektohen të drejtat e pakicave kombëtare dhe padyshim se secili qytetarë i shtetit tonë ka të drejtë që lirshëm ta shprehë përkatësinë e vet kombëtare”, ka theksuar Thaçi duke shfaqur besimin se së shpejti do të organizohen edhe vizitat reciproke të zyrtarëve të Kosovës dhe Malit të Zi.

Babacan: Së shpejti njohje të reja të Kosovës nga shtetet arabe

Mimoza A — Tue, 13 Jan 2009 12:48:39 +0000

Ministri i Punëve të Jashtme të Turqisë, Ali Babacan theksoi se në kuadër të marrëdhënieve të mira me vendin tonë do të intensifikohet edhe bashkëpunimi në fushën politike, ekonomike dhe kulturore duke konfirmuar edhe heqjen e vizave për qytetarët e Kosovës.
Babacan po ashtu ka shfaqur besimin se së shpejti do të rritet numri i njohjeve të pavarësisë së Kosovës nga shtetet arabe.
Ministri Babacan, po qëndron për vizitë zyrtare në vendin tonë dhe gjatë ditës është takuar me krerët e institucioneve të vendit si dhe ka mbajtur një fjalë rasti në Parlamentin e Kosovës.

Ministri turk Babacan viziton Kosovën

Mimoza A — Tue, 13 Jan 2009 08:42:03 +0000

Ministri i Jashtëm i Turqisë do të jetë sot në një vizitë zyrtare në Kosovë. Në krye të një delegacioni turk, ministri Ali Babacan do të mbërrijë në Prishtinë rreth orëve të para të mbrëmjes së sotme. Mësohet se në agjendën e sotme të delegacionit turk, nuk ka shumë angazhime, ndërkohë që pritet vetëm një darkë midis ministrit turk dhe homologut të tij kosovar, Skënder Hyseni.

Këtë vizitë e ka paralajmëruar edhe Kryetari i Kuvendit të Kosovës, Jakup Krasniqi, i cili është kthyer nga vizita në shtetin turk para pak ditësh.

Sipas njoftimit të ambasadës turke, ministri Babacan gjatë ditës së dytë të vizitës do të ketë takime me Presidentin Fatmir Sejdiu, Kryeministrin Hashim Thaçi, Kryetarin e Kuvendit, Jakup Krasniqi dhe ministrin e Punëve të Jashtme, Skender Hyseni. Po ashtu, ditën e nesërme, ministri Babacan do t’i drejtohet me një fjalë Parlamentit të Kosovës.

Gjatë qëndrimit në Prishtinë të ministrit Babacan, do të nënshkruhen marrëveshje bashkëpunimi si dhe një marrëveshje për heqjen e vizave për qytetarët e të dy vendeve.

Delegacioni turk, i cili në përbërjen e tij ka edhe një numër prej 100 përfaqësuesish të biznesit, do të ketë takime edhe me përfaqësues të biznesit kosovar.

Bizneset shqiptare, synojnë tregun kosovar

Mimoza A — Tue, 13 Jan 2009 08:25:38 +0000

Kërkesat e bizneseve industriale lidhen më shumë me shfrytëzimin maksimal të mundshëm të rrugës Durrës-Morinë, e cila është në ndërtim e sipër dhe që pritet të afrojë në kohë Shqipërinë dhe Kosovën, përfshi dhe Maqedoninë Veriperëndimore.
Pas disa tentativave për embargo nga Serbia dhe Bosnja, tregu kosovar ka nevojë më shumë se kurrë për Shqipërinë, e cila pjesën kryesore të produktit e eksporton drejt Greqisë dhe Italisë.
Edhe pse Shqipëria dhe Kosova kanë shumë gjëra të përbashkëta, në tregti të dyja vendet nuk paraqiten bashkëpunuese. Shifrat flasin për një nivel të ulët shkëmbimi, ndërsa Shqipëria ka treguesit më pozitivë të tregtisë së jashtme vetëm me Kosovën, ku eksportojmë më shumë sesa importojmë.
Nisur nga këto kushte, disa biznese të përfaqësuara nga Dhoma e Tregtisë së Tiranës, gjatë vizitës dyditore të Presidentit Bamir Topi në Kosovë, gjetën rastin të lidhnin një marrëveshje bashkëpunimi me Odën Ekonomike të Kosovës. Në marrëveshjen e firmosur dy ditë më parë, u bashkua edhe Oda e Maqedonisë Perëndimore, e cila përfaqëson bizneset shqiptare të Maqedonisë, shumë aktivë me tregun mes Shqipërisë dhe Kosovës.

Në këtë memorandum, thuhet qartë se në përputhje me legjislacionin e vendeve të tyre, do të inkurajojnë dhe promovojnë bashkëpunimin ekonomik të anëtarëve, si dhe do të iniciojnë projekte që janë me interes të përbashkët ekonomik dhe shoqëror.
Ky memorandum u nënshkrua gjithashtu me qëllim përkrahjen dhe lehtësimin e marrëveshjeve të ndryshme për bashkëpunim ekonomik dhe tregtar në mes të kompanive të të tre vendeve. “Dy shtete që flasin të njëjtën gjuhë, kanë një kulturë dhe po ecin në të njëjtën linjë të zhvillimit ekonomik, nuk duhet të kenë asnjë ngërç mes tyre”, u shpreh kreu i Dhomës së Tregtisë, Tiranë, Gjokë Uldedaj.
Ai tha se, “në gjykimin e të bërit biznes, larg politikës apo barrierave të momentit, tregu kosovar dhe ai shqiptar duhet të konsiderohet i njësuar, në shërbim të 6 milionë njerëzve, pasi tashmë Kosova është në kushte krejt të reja, është shteti më i ri në botë, me Kushtetutën e vet dhe me të gjitha përparësitë për të marrë zhvillimin e duhur”.

Kreu i Dhomës së Tiranës pranoi nivelin e ulët të shkëmbimeve tregtare dhe shtoi se, duhet ngritur edhe më shumë niveli i institucioneve sidomos në drejtim të shkëmbimit të informacionit dhe jo të kryhet me kontakte individuale.

Interesimi

Aktualisht rreth 61 biznese anëtare të Dhomës të Tregtisë dhe Industrisë (ose rreth 2.5 për qind e totalit të anëtarëve), të cilat operojnë në fushën e tregtisë, industrisë, ndërtimit dhe transport-telekomunikacionit, kanë një bashkëpunim të rregullt me Kosovën.
Me gjithë këta tregues, kryetari i Dhomës së Industrisë kërkoi në mënyrë të qartë nga bizneset shqiptare dhe ato kosovare që të rrisin sipërfaqet e kontaktit, duke shtuar garancitë dhe bashkëpunimin mes palëve.
Ekonomia e Kosovës mund të preket edhe nga një embargo e mundshme e Serbisë dhe e Bosnjë-Hercegovinës, shqetësim ky i ngritur nga sipërmarrja private kosovare. Për këtë qëllim, bizneset shqiptare shprehën gatishmërinë për plotësimin e tregut kosovar me të mirat e mundshme materiale.

5 për qind -Tregtia me Kosovën, modeste

Shqipëria eksporton më shumë se importon me Kosovën, duke rezultuar me një bilanc pozitiv tregtar me këtë vend. Në kuadër të Marrëveshjes të Tregtisë së Lirë-MTL, importet e Shqipërisë nga Kosova janë rritur ndjeshëm përgjatë viteve 2003-2006, nga 2.05 për qind në vitin 2003 në 5.07 për qind në vitin 2006.
Vendet e MTL-ve me të cilat janë realizuar eksportet më të mëdha janë Kosova me 46.8 për qind, Maqedonia me 19.8 për qind, etj. Shqipëria eksporton drejt Kosovës kryesisht produkte bujqësore e ushqimore, bitume dhe konfeksione, si dhe importon nga Kosova metale bazë.
Bizneset industriale shqiptare, thirrje qeverisë që të marrë masat për bashkimin e tregut

“Doganë të përbashkët dhe ulje taksash me Kosovën”

Konfindustria i kërkon qeverisë shqiptare që të marrë masa të menjëhershme dhe të qarta për përmirësimin rrënjësor të gjendjes së sotme të funksionimit të sistemit doganor, fillimisht ndërmjet Shqipërisë dhe Kosovës e më tej Malit të Zi dhe Maqedonisë.
Së pari, bizneset propozojnë marrjen e masave për ndryshimin e legjislacionit përkatës kombëtar për sistemin doganor në kushtet e doganave të përbashkëta, si dhe kryerjen e investimeve për ndërtimin fizik të doganave të përbashkëta së bashku me sistemet e nevojshme teknologjike.
Kërkesat e bizneseve industriale lidhen më shumë me shfrytëzimin maksimal të mundshëm të rrugës Durrës-Morinë, e cila është në ndërtim e sipër dhe që pritet të afrojë në kohë Shqipërinë dhe Kosovën, përfshi dhe Maqedoninë Veriperëndimore.

“Është urgjente, që investimet e mëdha të kryera në ndërtimin e rrugës të mos pengohen në rikthimin e tyre në shërbim të zhvillimit ekonomik të vendit nga pengesat subjektive të panevojshme procedurale”, u shpreh dje administratori i Konfindustrias, Gjergj Buxhuku.
Sipas tij, krijimi i një sistemi të avancuar doganor do t‘i vinte në ndihmë një tregu të përbashkët prej 7 milionë banorësh. Përmirësimi i infrastrukturës doganore në Veri të vendit lidhet me zbatimin e marrëveshjeve rajonale CEFTA të Tregtisë së Lirë dhe procesit të hyrjes së vendeve të rajonit të Ballkanit Perëndimor në BE.

Konfindustria, si masë e rëndësishme strategjike, këshillon të veprohet për ndërtimin dhe fillimin sa më të shpejtë të doganave të përbashkëta përgjatë pikave të kufirit tokësor të Shqipërisë me vendet e rajonit, duke filluar me Kosovën, si dhe përmirësimin dhe thjeshtësimin e ndërsjellët të legjislacionit doganor. “Lehtësimi i procedurave doganore, me pasojë të drejtpërdrejtë në rritjen e shkëmbimeve tregtare të ndërsjella, është domosdoshmëri për Shqipërinë, Kosovën dhe rajonin e Ballkanit Perëndimor sidomos në kushtet e krizës globale ekonomike dhe financiare”, deklaroi Buxhuku.

Thaçi kundër opozitës – s’ka zgjedhje parlamentare

Mimoza A — Tue, 13 Jan 2009 08:13:08 +0000

Kërkesat për mbajtjen e zgjedhjeve vijnë nga njerëz të cilët nuk dëshirojnë zgjedhje, por vetëm zhurmë, ka thënë kryeministri i Kosovës, Hashim Thaçi, pasi i ka dorëzuar presidentit Fatmir Sejdiu Raportin për punën njëvjeçare të Qeverisë.

Kryeministri e ka cilësuar sukses të tij shpalljen e pavarësisë dhe menaxhimin e situatës pas shpalljes së saj, shtrimin e rreth 600 km rrugë, ndërtimin e shkollave dhe rritjen e pagave të mësimdhënësve.

Ai nuk ka përmendur asnjë dështim dhe nuk ka dashur të flasë nëse do të këtë ndryshime në kabinetin e tij.
Thaçi ka pranuar se Qeveria ka pasur vështirësi në veri, por ka premtuar se do të shtrijnë autoritetin në bashkëpunim me EULEX-in edhe në këtë pjesë të Kosovës.

Shqipëria, vend pjesërish i lirë

Mimoza A — Mon, 12 Jan 2009 20:34:23 +0000

Në raportin vjetor për të drejtat politike dhe liritë civile nëpër botë të Freedom House, Shqipëria klasifikohet si vend pjesërisht i lirë, ndërsa Kosova si vend jo i lirë.