Lajme Online Shqip » futboll

Real Madrid, gati per “goditjen” e trete

Mimoza A — Tue, 23 Jun 2009 22:10:41 +0000

Kur mendohej se Bayern Munchen mund te vazhdonte i qete rrugen e rindertimit te grupit, rishfaqet hija e Real Madrid per te marre lojtarin me te mire te skuadres, Franck Ribery.

Kete e konfirmon presidenti i kastiljaneve, Florentino Perez, i cili e ka kthyer serish vemendjen nga talenti francez edhe pse pak dite me pare konfirmoi se cmimi i tij ishte shume i larte per xhepat e Realit. Sipas gazetes “AS”, gjate oreve te fundit jane shtuar kontaktet mes perfaqesuesve te dy klubeve por vendimtare mund te jete nderhyrja e keshilltarit te Perez, Zinedine Zidane, i cili ka nje miqesi te ngushte me Ribery. Bavarezet kerkojne 60 milione euro, ndersa Reali ka gati 55 milione por operacioni mund te mbyllet edhe me nje marreveshje te mesme.

Cana, lojtari i shtatë më i paguar

Mimoza A — Wed, 11 Mar 2009 15:15:06 +0000

Lorik Cana është një prej protagonistëve të padiskutueshëm të supersfidës së Ligës 1, PSG-Olimpik Marsejë, duel që njihet edhe si “derbi i Francës”.

Megjithatë, në takimin që do të luhet të dielën, më datë 15, në stadiumin “Parc des Princes”, mesfushori shqiptar mban “vetëm” vendin e shtatë mes lojtarëve më të paguar në dy klubet legjendare.

Edhe pse mban shiritin e kapitenit te marsejezët, me 189 mijë euro rrogë mujore bruto, 25-vjeçari paguhet më pak se tre kolegët Bodeuijn Zenden (263500 euro), Mamadu Niang (220000 euro) dhe Hatem Ben Arfa (200.000 euro). Ndërkohë, në radhët e parisienëve, më shumë se të gjithë përfiton 35-vjeçari Klod Makelele. Ish-mesfushori i Çelsit fiton 285000 euro në muaj (nga 450000 euro që paguhej në Londër), ndërsa pas tij vijnë Ludovik Zhuli (260000 euro) dhe Mateja Kezhman (250000 euro).

Megjithatë, Cana nuk përqendrohet shumë te shifrat financiare dhe pas dëmtimit dymujor në gju, kërkon vetëm ta fitojë sfidën kundër skuadrës ku u formua si profesionist. Kuqeziu nuk i fsheh ambiciet e Olimpik Marsejës: “Po e presim me padurim këtë ndeshje. ‘Parc des Princes’ është një impiant ideal për të luajtur futboll. Kërkojmë të fitojmë, tifozët tanë e dëshirojnë një rezultat të tillë. Këto tri pikë kundër një rivaleje të drejtpërdrejtë na shërbejnë për t’u ngjitur në krye të klasifikimit”.

Juventus i gëzohet rikthimit të Buffon

Mimoza A — Fri, 16 Jan 2009 09:25:26 +0000

Portieri më i mirë në botë, Gianluigi Buffon, mbrëmë pas katër muajsh. zhvilloi një ndeshje të plotë zyrtare kundër Catanias për Kupën e Italisë, të cilën Zonja e Vjetër e fitoi me rezultat 3-0. Lëndimi në shtatorin e vitit të kaluar e detyroi portierin italian që të qëndrojë jashtë fushe për një kohë të gjatë, ndërsa rikthimi i tij shënon një fazë të re në formën e Bianconerëve. Pjesa e dytë e sezonit do të jetë shumë e vështirë për bardhezinjtë, të cilët bëjnë gara në Ligën e Kampionëve, janë ndër pretendentët kryesore për ta fituar Scudetton, ndërsa duket se nuk e kanë lënë anash edhe Kupën e Italisë. Prandaj rikthimi i Buffonit do t’u japë një shtytje të madhe bashkëlojtarëve të tij që të jenë më kërkues të fitoreve.

Calderon sot jep dorëheqjen

Mimoza A — Fri, 16 Jan 2009 09:24:29 +0000

Ramon Calderon sot do të japë dorëheqjen nga posti presidentit të Real Madridit pas skandalit të fundit në lidhje me zgjedhjet e Asamblesë. Burime të tilla si “Onda Cero”, “Marca” dhe “AS”, njoftojnë se presioni nga anëtarët e ndryshëm të bordit të drejtorëve të Los Merengues ka bërë që presidenti të vendosë për largimin e tij, ndërsa nesër pritet të ndodhë edhe akti i dorëheqjes. Vendin e Calderon do ta zë zëvendëspresidenti aktual, Vicente Boluda. Dorëheqja e Calderon vjen si pasojë e skandalit që shpërtheu këto ditë, sipas të cilit jo-anëtarë të Asamblesë kanë votuar për zgjedhjen e Calderonit për president.

Gazeta “Marca” akuzon presidentin e Realit se ka manipuluar asamblenë e dhjetorit

Mimoza A — Wed, 14 Jan 2009 17:04:12 +0000

Vazhdojë akuzat dhe skandalet për presidentin e Realit të Madridit, Ramon Kalderon. Pak ditë më parë, ish-sekretarja e tij tregoi se si e kishte prezantuar Van Nisltëroi, pa firmosur ende kontratën, dhe se si kishte paguar dyfishin e asaj që mund të paguante për të marrë Higuainin nga River Plejti.

Dje ka dalë një tjetër skandal, këtë herë nga burime pranë gazetës spanjolle “Marca”, të cilat pohojë se Kalderonin ka blerë me parà disa anëtarë të klubit “merenges”, të cilët kanë folur pro tij, gjatë asambelës së muajit dhjetor. “Kalderon manipunol Asamblenë”, ishte titulli i madh i të përditshmes madrilene.

Sipas saj, njerëz pa peshë në klub, “fytyra të reja”, flisnin gjithë kohën, duke mos i lënë radhë, qoftë edhe dikujt që të kishte një mendim kundra Kalderonin. Këto akuza vijnë menjëherë pas gafës kolosale në merkato.

Drejtori teknik i Realit, Predrag Mijatoviç, nuk e dinte se mund të federonte në Champions vetëm një futbollist që kishte luajtur më parë në Kupën UEFA. Në këtë mënyrë, ai shpenzoi 40 milionë për të marrë Huntelarin nga Ajaksi dhe Diarranë nga Portsmuthi, por vetëm njëri prej tyre mund të luajë në Champions.

Pavarësisht se Reali ka fituar dy kampionatet e fundit, tifozët në “Bernabeu” nuk gëzojnë simpati për presidentin që nuk i ka mbajtur premtimet. Prej pesë sezonesh, Reali nuk arrin as në çerekfinalet e Ligës së Kampioneve, ndërsa Kristiano Ronaldo, Kakà dhe Çesk Fabregas (tri premtimet elektorale) vazhdojnë karrierën e lavdishme larg “Bernabeut”.

Cannavaro nuk largohet në janar

Mimoza A — Wed, 14 Jan 2009 13:16:27 +0000

Agjenti i mbrojtësit italian, Fabio Cannavaro, thotë se klienti i tij do ta përfundojë sezonin me kampionin e Spanjës, Real Madrid.
Kontrata e Cannavaros skadon në fund të këtij sezoni dhe parashihet se lojtari do të rikthehet tek klubi i qytetit të lindjes, Napoli.
“Në fund të janarit dhe fillim të shkurtit do të ketë takim me Real Madridin për t’u siguruar se çfarë do të bëhet me të ardhmen e Cannvaros”, ka thënë agjenti i ti.
“Por, Fabio dëshiron ta përfundojë sezonin në Spanjë. Ai është i afërt me klubin, por interesimi i Napolit duhet të merret parasysh me kujdes”, ka shtuar ai.

FUTBOLL: SHQIPËRIA FITON 3 POZICIONE NË RENDITJEN E FIFA-s

Andi Bega — Wed, 14 Jan 2009 12:58:36 +0000

hqipëria është renditur në vendin e 78-të në renditjen e FIFA-s, duke fituar 3 pozicione nga klasifikimi i muajit të mëparshëm, kur ishte e 81-ta. Kjo renditje u bë publike sot, kur FIFA ka shpallur, klasifikimin e skuadrave përfaqësuese për muajin Janar. Shqipëria është renditur gjithashtu në vendin e 46-të në renditjen përfaqësueseve të UEFA-s.
Në këtë periudhë përfaqësuesja shqiptare nuk ka kryer asnjë ndeshje dhe asnjë grumbullim, megjithatë ka arritur të fitojë 424 pikë vetëm për periudhën mes 17 dhjetorit dhe 14 janarit.
Kundërshtari i Shqipërisë, në eleminatoret e Botërorit, i pozicionuar më mirë, është Portugalia, që renditet në vendin e 11-të duke mos ndryshuar renditjen nga muaji kaluar. Kundërshtarët e tjerë të Shqipërisë në eleminatoret e Botërorit ‘Afrika e Jugut 2010’, kanë fituar pozicione këtë muaj. Suedia ka fituar 1 pozicion duke u renditur në vendin e 31-të. Danimarka ka fituar gjithashtu 1 pozicion duke u renditur në vendin e 36-të. Hungaria është renditur në vendin e 47-të dukë mos ndryshuar pozicionin e muajit të kaluar. Vetëm Malta e renditur në vendin e 148-të ka humbur një pozicion këtë muaj.
Rezultatin më të mirë, Shqipëria e ka arritur në gusht të 2006, kur renditej e 62-ta, ndërsa rezultatin më të ulët, në gusht të 1997 kur u rendit në vendin e 124-t.
Tre vendet e para të renditjes botërore nuk kanë ndryshuar këtë muaj. Në krye të këtij klasifikimi, renditen sërish kampionët e Europës Spanja, në vendin e dytë, Gjermania. Në vendin e tretë renditet përfaqësuesja e Hollandës.

Juventus 30 milionë për David Silvan

Mimoza A — Wed, 14 Jan 2009 12:35:20 +0000

Juventusi është i gatshëm ta shndërrojë në cak kryesor për afatin kalimtar veror,anësorin e Valencias, David Silva. Sport mediaset thotë se Juventusi do të humb interesimin në të gjitha caqet e tjera për ti koncentruar energjitë e veta në David Silvan. Drejtuesit e klubit janë duke ndarë 30 milionë fonde për të siguruar shërbimet e spanjollit i cili shihet si një zëvendësim ideal për Pavel Nedved i cili pritet të pensionohet gjatë verës.

FC Prishtina, kampione në Zvicër

Mimoza A — Tue, 13 Jan 2009 08:39:52 +0000

FC Prishtina e ka fituar turneun e Futsallit, i cili u zhvillua në Zvicër. Bardhekaltrit në finale e kanë mposhtur FC Aaraun me rezultat 6:0. Ekipi i udhëhequr nga Afrim Tovërlani në gjysmëfinale ka mposhtur FC St. Gallen. Kurse, në ndeshjet grupore, ekipi prishtinas ka fituar ndaj FC Lucernit, ndërsa në ndeshjen e parë humbi nga FC Thun.

Nga Valon Konushevci & Moral Pozhegu më 12.01.2009 në ora 10:55

Kampioni i Kosovës në futboll, FC Prishtina e ka zënë vendin e parë në turneun e Futsallit, i cili u zhvillua të dielën në Zvicër. Bardhekaltrit në ndeshjen vendimtare e kanë mposhtur me rezultat bindës, 6:0, FC Aaraun, anëtar i elitës së futbollit zviceran. Dy gola në ndeshjen finale për ekipin prishtinas i ka shënuar Suad Saliagiq, ndërsa nga një gol e kanë shënuar Isuf Llumnica, Agron Skeraj, Visar Berisha dhe Behar Maliqi.

Në këtë turne kanë marrë pjesë gjithsej gjashtë skuadra, të cilat kanë garuar në dy grupe. Në grupin A kanë marrë pjesë FC Prishtina, FC Thun dhe FC Luzern. Ndërsa, pjesë e grupit B kanë qenë FC St. Gallen, FC Winterthur dhe FC Aarau.

Madje, ndeshja ndërmjet FC Prishtinës dhe FC Thunit e ka hapur këtë turne. Në këtë ballafaqim, fitore ka shënuar ekipi zviceran me rezultat 3:5. Golat për Prishtinën në këtë lojë i kanë shënuar Beqiri, Llumnica dhe Berisha.

Në ndeshjen e dytë, djelmoshat e Afrim Tovërlanit kanë shënuar fitore me rezultat 5:3 përballë FC Luzernit. Në këtë takim dy gola i ka shënuar Ahmeti, kurse nga një gol e kanë realizuar Beqiri, Llumnica dhe Ahmeti.

Prishtina në finale arriti pasi në ndeshjen gjysmëfinale e mposhti FC St. Gallen me rezultat 4:3. Golat për ekipin kryeqytetas në këtë takim i kanë shënuar Beqiri, Ahmeti, Berisha dhe Saliagiq.

Trajneri i FC Prishtinës, Afrim Tovërlani ka thënë se skuadra e tij ka lënë përshtypje të mira në këtë turne, pasi ekipi kosovar ka mposhtur skuadra të forta zvicerane. “I kemi fascinuar të gjithë të pranishmit, i falënderoj djelmoshat që e dhanë maksimumin dhe tifozët që ishin gjithnjë përkrah nesh. Ishte e vështirë të përballeshim me skuadra si Lucerni, Aarau e St. Galleni, nuk është e lehtë t’i mposhtësh këto ekipe”, deklaroi Tovërlani për Express pas përfundimit të turneut.
“Fillimisht kisha frikë nga lodhja nga dy ndeshjet paraprake dhe udhëtimi, i cili zgjati 6 orë me autobus. Ne më parë nuk kishim luajtur asnjëherë Futsall të tillë. Ndeshjen e parë e humbëm, sepse luhej pa autë dhe kornerë, mirëpo më pas u adaptuam dhe i fituam 3 ndeshjet pasardhëse”, e përshkroi Tovërlani aventurën e skuadrës së tij në këtë turne.

Trajneri prishtinas është i kënaqur me eksperiencën ndërkombëtare të klubit të tij. “Kjo ishte një eksperiencë e mirë për skuadrën tonë, por edhe për Kosovën në përgjithësi. Me zhvillimin e ndeshjeve ndërkombëtare ne marrim përvoja të mira dhe na shtohen aspiratat për të ardhmen”, përfundoi Tovërlani.

Para se t’i fillonte garat në këtë turne, lideri i Raiffeisen Superligës së Kosovës pati zhvilluar dy ndeshje të tjera miqësore ndërkombëtare në Gjermani me dy ekipe të Bundesligës 2. Në të dyja ato takime bardhekaltrit patën pësuar disfata. Në ndeshjen e parë, respektivisht të enjten, në përballje me Greuther Furth, kampioni i Kosovës është mposhtur me rezultat 3:0. Ndërsa, të shtunën ishte skuadra FC Koblenz ajo që ia shkaktoi ekipit kosovar humbjen e dytë, pasi e mposhti me rezultat minimal, 1:0.

Arshavin, Zenit dhe Arsenal nuk bien dakort

Mimoza A — Tue, 13 Jan 2009 08:07:49 +0000

Arsenali dhe Zeniti nuk kane arritur ende ne nje marreveshje per transferimin e sulmuesit Andrei Arshavin.

Lajmin e ben te ditur tabloidi “Daily Telegraph” qe thekson gjithashtu se mosmarreveshjet ekonomike jane ato qe pengojne kalimin e rusit ne Londer. 20 milione sterlinat e kerkuara nga Zenit, skuadra e Arsene Wenger nuk eshte e gatshme t’i jape pasi buxheti per kete transferim eshte vetem 12 milione.

Drejtori i pergjithshem i Zenitit, Alexei Petrov konfirmoi refuzimin qe i eshte bere ofertes se “Topcinjve”, por ai la nje spirale te hapur per vazhdimin e bisedimeve. Marreveshja mund te arrihet per shumen e 15 milione sterlinave.

Prej kohesh, sulmuesi i Zenit kishte shprehur deshiren per te luajtur ne Evrope duke filluar qe nga viti 2009, por pavaresisht interesimit te madh nga shume klube, Zenit nuk e ka lene te lire 28 vjecarin.