“Jane 800 mije familje shqiptare, te cilat do te marrin kartolinen e maxhorances per Vitin e Ri. Per administraten ka nisur shperndarja e shperblimeve dhe per pensionistet ISHP disponon te gjithe faturen”, u shpreh Berisha.

Kryeministri sqaroi gjithashtu se  ne vitin e ardhshem biznesi i vogel do te paguaje detyrimet me kufirin e xhiros 8 milione leke dhe sipas tij vetem tatimi vleres se shtuar do te llogaritet mbi kufirin 5 milione leke ne vit.

Qeveria Shqiptare ka marrë një vendim më 22 prill, me anë të së cilit u ka mundësuar disa ministrive të shtojnë numrin e të punësuarve për vitin 2009. Megjithëse vendimi është marrë në prill, efektet e tij financiare fillojnë që nga 1 janari, gjë që do të thotë se, siç ndodh zakonisht në Shqipëri, vendimi ka legalizuar vendet e punës të hapura që më parë. Pa dhënë sqarime dhe duke fshehur situatën reale, qeveria hapi 748 vende pune në katër ministri të rëndësishme, duke shtuar dozën e përdorimit të buxhetit të shtetit për qëllime elektorale. Përgjatë dy dekadave të fundit, Shqipëria ka qenë në procesin e shkurtimit të vendeve të punës në administratën publike, sipas këshillave të ndërkombëtarëve për përdorim më efikas të parave të taksapaguesve. Vetë Kryeministri Berisha pati premtuar “qeverinë e dietës” kur erdhi në pushtet. Por statistikat e INSTAT paraqesin një situatë ndryshe. Të punësuarit në sektorin publik, ku përfshihet administrata dhe kompanitë nën pronësi publike, janë ulur nga 176 mijë vetë në 2004-ën, në 166 mijë vetë në 2008-ën. Por kjo ulje ka ardhur si pasojë e privatizimeve. Administrata publike më vete thjesht sa ka shtuar radhët. Nga 113 mijë vetë që merrnin pagë nga taksapaguesit në vitin 2004, sot janë rreth 130 mijë të tillë. Të punësuarit e klasifikuar si “specialistë” janë shtuar më shumë se të tjerët.

Ministritë e shtuara

Ministria e Ekonomisë, Tregtisë dhe Energjetikës ka gëzuar 266 rrogëtarë të rinj, pasuar nga Ministria e Drejtësisë, e cila ka shtuar rrogëtarët me 233 vetë. Që nga viti 2007, stafet e këtyre ministrive pothuajse janë dyfishuar. Në vitin 2006, Ministria e Drejtësisë kishte vetëm 2700 të punësuar, ndërsa Ministria e Ekonomisë numëronte 450 vetë. Këtë vit do të kenë përkatësisht 5027 dhe 774 të punësuar. Të rinjtë e Ministrisë së Drejtësisë kanë shkuar te zyrat e regjistrimit të pronave të paluajtshme. Qeveria ka shtuar 89 vetë në administratën e Ministrisë së Bujqësisë. Të punësuarit e rinj do të merren të gjithë me të ashtuquajturën “Agjencia e Pagesave”, një institucion që synon të shpërndajë para te fermerët, por që në fakt ka krijuar një vrimë ku rrjedhin para dhe naftë pa akcizë, që zor se përfundon ndonjëherë te fermerët.

Dhe ndërsa është shtuar ndjeshëm administrata qendrore, janë mbyllur vende pune për policë dhe mësues, për të ribalancuar buxhetin.

Punësimet e shumta në prag fushate bënë që gjatë tremujorit të parë të këtij viti shpenzimet e buxhetit të shtetit për paga ta tejkalojnë parashikimin, duke rritur deficitin. Në Shqipëri, katër në dhjetë të punësuar në sektorin jobujqësor i përkasin administratës publike ose kompanive nën pronësi publike. Këtë vit, pagat e administratës publike do të kushtojnë 452 milionë euro, ose 18 për qind të shpenzimeve të buxhetit të shtetit. Qeveria e sotme ka qenë nën presion të vazhdueshëm për të punësuar në administratë mbështetësit e saj pas tetë vitesh qëndrimi në opozitë. Pushimet nga puna thjesht për të zënë vendet e krijuara, numëroheshin në disa mijëra në muajt e parë pas marrjes së pushtetit. Ndryshimi i administratës është një fenomen i rëndomtë në Shqipëri dhe shoqëron zakonisht ndryshimet e qeverive.

Të punësuarit në ministritë kryesore
Institucioni Ishin Bëhen Diferenca
Ministria e Drejtësisë, nga e cila: 4794 5.027 +233
- Avokati i Shtetit 40 55 +15
- Zyra e Regjistrimit të Pasurive 400 550 +150
Ministria e Brendshme 13.065 13.225 +160
Ministria e Bujqësisë, Ushqimit dhe Mbrojtjes së Konsumatorit 2.109 2.198 +89
Ministria e Ekonomisë, Tregtisë dhe Energjetikës, 508 774 +266
Ministria e Financave, nga e cila: 3135 3160 +25
Totali +773

Zoti Berisha bisedoi me tregtaret per ceshtjen e rritjes se taksave dhe tarifave nga bashkia e Tiranes, si dhe vendimin e qeverise per te ulur nga 30 ne 10 per qind kufirin e vendimmarrjes nga bashkia.

“4 vite me pare premtuam pergjysmimin e takses kombetare, e realizuam ate. Eshte e vertete qe bashkia katerfishoi taksat. Bashkise ne ia vume kufirin 10% te takses se pergjithshme dhe asnje per qind me shume nuk do te tatoje”, ka deklaruar Berisha.

Kryeministri kritikoi zotin Rama per ate qe ai e quajti sjellje arrogante te tij me qytetaret dhe biznesin e vogel. Kryedemokrati tha se atyre duhet t’u krijohen te gjitha kushtet per te punuar, pasi realizojne 70 per qind te punesimit ne vend.

“Ju do te keni aktivitet te qete dhe te garantuar dhe nuk do paguani asnje qindarke me shume pervec 10 per qindeshit”, ka theksuar Berisha.

Gjate vizites ne tregun cam, zoti Berisha beri edhe 2 premtime te tjera. “Me fondin nga qeveria ky treg do te ndertohet nga e para, do te kete perparesi absolute. Taksa e tabeles do te perfshihet ne ligj dhe cmimi nuk do te jete asnjehere mbi 1 euro”, ka premtuar kryeministri.

LSI-ja do të dorëzojë sot zyrtarisht në Kuvend kërkesën e saj për mocion me debat me Kryeministrin Berisha për krizën ekonomike. Nënkryetari i LSI-së, Dritan Prifti, ka deklaruar dje, se LSI-ja do të kërkojë një informacion më të detajuar në lidhje me masat emergjente që do të ndërmarrë qeveria për të parandaluar rritjen e efekteve të saj. Prifti tha se LSI-ja gjykon se vendi është në një situatë shumë të vështirë ekonomike. Të paktën 50 për qind e shqiptarëve sot janë prekur nga kriza aktuale financiare, e cila në Shqipëri është kthyer në një krizë ekonomike. Ndaj LSI-ja dëshiron t‘i tërheqë vëmendjen qeverisë dhe të debatojë me Kryeministrin në lidhje me këtë situatë, për ta bindur atë që Shqipëria vërtet po kalon një krizë. “Kriza nuk duhet mohuar, por duhet zgjidhur. Njerëzit në krizë, sidomos shtresat në nevojë, pensionistët, fshati shqiptar, apo zona informale e Shqipërisë, që janë shtresat më të prekura nga kriza aktuale në Shqipëri, kanë nevojë për zgjidhje”, është shprehur Prifti. Nënkryetari i LSI-së theksoi se ata do të paraqesin edhe një plan antikrizë, që do të synojë ndihmë dhe lehtësira fiskale të menjëhershme për një sërë kategorish. Sipas Priftit, nëse qeveria nuk merr parasysh kërkesat dhe planin që do t‘i parashtrohet, atëherë ky do të jetë një tjetër tregues i paaftësisë dhe mungesës së dëshirës për t‘i dhënë zgjidhje krizës. “Ne do t‘i dërgojmë këto propozime në Kuvend, me shpresën që Kryeministri, ministri i Financave dhe anëtarët e tjerë të kabinetit qeveritar do të binden që është koha për të ndërhyrë në ekonomi, është koha për të ndërhyrë, sidomos për të mbrojtur shtresat më të prekura nga kriza ekonomike në Shqipëri, për të mbrojtur pensionistët, të papunët, ata që janë me ndihmë ekonomike, fermerët, pra fshatin shqiptar dhe personat që jetojnë në zonat informale në Shqipëri, shtresa, të cilat ne i gjykojmë se janë më të prekura në vend”, tha deputeti i LSI-së, Dritan Prifti. Ai theksoi se kërkesa për mocion me debat duhet të bëhet urgjentisht. Shpresojmë, u shpreh Prifti, që Kryeministri t‘i përgjigjet kësaj kërkese, ashtu siç kërkon Kushtetuta dhe rregullorja e Kuvendit, sa më shpejt. Gjithashtu, LSI-ja i ka kërkuar Kryeministrit dhe qeverisë që të mos veprojnë me planin që do t‘i parashtrohet ashtu siç bëri me projektligjin për kujdesin ndaj moshës së tretë, duke e injoruar atë plotësisht. Prej disa javësh, politika shqiptare është përfshirë në debate të shumta në sallën e Kuvendit, por edhe jashtë saj, për sa i përket krizës ekonomike. Opozita pretendon se tashmë vendi ynë është futur në një krizë ekonomike dhe për zbutjen e saj kërkon ndërhyrjen e menjëhershme të qeverisë, ndërsa mazhoranca, nëpërmjet ministrit të Financave, Bode, por edhe të Kryeministrit Berisha, ka përsëritur vazhdimisht se vendi ynë nuk është në krizë ekonomike. Se sa e vërtet është kjo, qytetarët nuk mund ta thonë hapur, por çdo ditë dhe më shumë ndihet rritja e çmimeve dhe mungesa e tregut të punës.

Rritja ekonomike për vitin 2008 nuk do të jetë më shumë se 6 për qind, ndërsa sa i takon llogaritjeve të bëra nga INSTAT-i, ato do të rishikohen. Fondi Monetar thotë fjalën e fundit, pasi ka firmosur marrëveshjen përfundimtare me qeverinë, duke hedhur poshtë pretendimet e Kryeministrit për një rritje 9.9 për qind. Pavarësisht deklaratës së FMN-së, Kryeministri Berisha nuk është tërhequr nga qëndrimi i mëparshëm, duke thënë se “i takon vetëm INSTAT-it të japë rezultatin për rritjen ekonomike”.

Ceremonia e firmosjes së fundit të marrëveshjes së FMN-së, që u zhvillua dje në Kryeministri, nuk ka kaluar pa batutat e Berishës, emocionet e shprehura nga Guvernatori Fullani, skepticizmin e ministrit Bode dhe ironinë e përfaqësueses së Fondit, Westin. Në fund të ceremonisë, palët ranë dakord se, duke nisur nga shkurti që vjen, Shqipëria dhe FMN-ja do të kenë një bashkëpunim ndryshe, që do të thotë se qeveria do të vendosë vetë mbi politikat makro, ndërsa Fondi Monetar do të jetë një konsulent në distancë. Në 15 vjet, FMN-ja ishte monitoruesja e zbatimit të buxhetit dhe i politikave fiskale, ndërsa paraqiste qëndrimet e saj pro apo kundër politikave monetare të Bankës së Shqipërisë. Pa firmën e FMN-së, qeveria nuk mund të merrte një vendim, ndërsa në muajin shkurt e tutje do të vendosë vetë, pa u penguar nga Fondi Monetar.

Përplasja

Përfaqësuesja e FMN-së në Tiranë, Ann-Margret Westin, pranoi se për nxjerrjen e rezultatit të përgatitur nga INSTAT-i, sipas të cilit rritja ekonomike është rreth 10 për qind, është punuar me ekspertë të FMN-së. “Treguesit tremujorë të PBB-së mbështeten në disa të dhëna dhe këta janë më të ngushtë sesa ata me të cilët matet rritja vjetore e PBB-së, pra treguesit tremujorë të jenë më të luhatshëm”, u shpreh Westin. Përfaqësuesja e FMN-së shtoi se, meqenëse rezultati i INSTAT-it për rritje ekonomike tremujore është i pari, shifra 9.9 për qind do të jetë subjekt i rishikimeve. Për Kryeministrin, pak rëndësi ka parashikimi i FMN-së, i cili paraqet një rritje ekonomike më të vogël sesa INSTAT-it. “Unë pres që Instituti i Statistikave të japë rritjen vjetore ekonomike. Ndaj, duke mirëkuptuar plotësisht parashikimin e FMN-së, mendoj se është në detyrimin e të gjithë faktorëve kombëtarë e ndërkombëtarë, që këtë t‘ia atribuojmë Institutit Kombëtar të Statistikave”, iu përgjigj Kryeministri deklaratës së Westin. Qëndrimet e kundërta të Westin dhe Berishës kanë shkuar edhe më tej, kur përfaqësuesja e FMN-së është shprehur se “mënyra se si është matur PBB-ja tremujore reflekton edhe formalizimin e ekonomisë, pra, kalimin e bizneseve nga sektori informal në atë formal. Por, nëse formalizimi i ekonomisë është një fenomen shumë i mirëpritur, kjo nuk do të thotë domosdoshmërisht rritje ekonomike në vetvete”. Kryeministri Berisha u mundua të bindte përfaqësuesen e FMN-së duke thënë se “është e vërtetë që ka një formalizim të ekonomisë, pasi ka rritje të bizneseve të reja, me rreth 4 mijë për vitin 2008. Është e vërtetë që ka një formalizim të ekonomisë, por ka rritje të ndjeshme të eksporteve. Është e vërtetë që viti 2008 ndryshon qartësisht nga 2007-a, pasi energjia elektrike në vitin që lamë pas nuk ka munguar”. Në fund të deklaratave rreth rritjes ekonomike, Westin tha se “për rritjen vjetore të PBB-së për vitin 2008, mbajmë parashikimin tonë për 6 për qind”. Kryeministri pranon në fillim shifrën 6 për qind, duke e cilësuar si të shkëlqyer, por nuk nguron të paraqesë dyshimet rreth parashikimeve të FMN-së. “Unë kam shumë fakte për të numëruar për sa i përket këtij nënvlerësimi që bën FMN-ja sa i takon rritjes ekonomike”, u shpreh në fund Berisha.

Hezitimi

Ministri i Financave foli gjerë e gjatë rreth bashkëpunimit 15-vjeçar me FMN-në, duke i cilësuar si të frytshme. Sipas Bodes, një pjesë e arritjeve të qeverisë në tre vitet e fundit i takojnë bashkëpunimit me FMN-në, e cila ka shërbyer si konsulente e afërt në ndërmarrjen e një sërë vendimeve, si buxhetore ashtu dhe fiskale. Tone të shkëlqyera përcolli edhe Guvernatori i Bankës së Shqipërisë, i cili tha se me ekspertët e FMN-së kishte një përvojë bashkëpunimi 18-vjeçar. Ajo që ra në sy në fjalimin e dy krerëve të institucioneve financiare ishte fakti i hezitimit për të përmendur rritjen ekonomike. Në deklaratat e tyre mungoi një qëndrim i qartë rreth rritjes ekonomike, duke treguar pasigurinë rreth rezultatit të INSTAT-it.

Arsyet pse kundër!

“Krahas arsyeve të përmendura të mbivlerësimit të rritjes në statistikat tremujore, arsyeja përse ne mbajmë parashikimin për një rritje prej 6 përqindësh vjetore në vitin 2008, është sepse që në tremujorin e tretë janë parë disa shenja ngadalësimi dhe e dimë të gjithë që kriza botërore ekonomike ka pasur ndikime më të mëdha në tremujorin e fundit të vitit 2008. Kjo duhet të merret parasysh. Sa për t‘ju rikujtuar, në nëntor të këtij viti, për shkak të krizës botërore, FMN-ja reduktoi parashikimet për rritjen ekonomike për këtë vit dhe vitin tjetër, për të gjitha vendet e botës”.

Batutat

Bode: Sot, është një ditë e lumtur për të gjithë, por jo aq shumë për Ministrinë e Financave.

Fullani: Bashkëpunimi me FMN-në është si puna e policës së sigurimit.

Fullani: Dhe në fund, që është qershia mbi tortë, dua të falënderoj znj. Westin, për mbështetjen e dhënë.

Berisha: Ju zoti guvernator nuk mund të bëni dot pa tortat…

Berisha: Mediat kanë zero njohuri, madje minus zero sa i takon rritjes ekonomike.

FMN-ja, dedikim qeverisë “Nano”

Falënderimet, Berisha “harron” Boden

Në fjalën e tij, kreu i qeverisë, Sali Berisha, nuk nguroi të falënderonte Bankën e Shqipërisë dhe INSTAT-in për punën e bërë në tre vitet e fundit, duke “harruar” Ministrinë e Financave, e cila ka një departament të posaçëm që bashkëpunon me FMN-në. Nëse do të ishte rastësi, nuk mund të thuhet e njëjta gjë edhe pas mbylljes së konferencës, ku Kryeministri i dha dorën të gjithëve, duke përjashtuar vetëm ministrin Bode. Falënderime kishte edhe nga ana e përfaqësueses së FMN-së, Ann-Margret Westin, e cila tha se “bashkëpunimi me këtë qeveri ka qenë i frytshëm”. Westin shtoi në fund se falënderonte edhe qeverinë e mëparshme, drejtuar nga socialistët, ku Kryeministër ishte Fatos Nano.

Ish-ministri i Financave ne mandatin e fundit te qeverisjes se socialisteve, Arben Malaj, e shikon debatin mediatik mes kryeministrit Berisha dhe ministrit te tij te Financave Bode, per te verteten e shifres se rritjes ekonomike, si nje rrezik qe mund te shdnerrohet ne nje kercenim per administrimin e parave publike.

“Ministria e Financave ne kushtet kur rritja ekonomike nuk eshte reale ka pergjegjesi te tregoje te ardhurat. E rendesishme eshte impakti i shpenzimeve. Kur kryeministri mendon se ka nje rritje dyshifrore mund te beje presion tek institucionet per rritje masive te shpenzimeve, aq me teper ne nje vit elektoral. Ekziston rreziku i demtimit te parave”, deklaron Malaj.

Por pse opozita dhe  tashme dhe vete ministri i Financave Bode e shohin me dyshim shifren 9.9 per qind, e cila u perllogarit fillimisht nga INSTAT, por qe tashme po mbrohet fort nga kryeministri?

“Se pari rritja ekonomike do kohe te perllogaritet. Metoda e re e perllogaritjes tremujore nuk ka ekspertizen e duhur dhe per pasoje  kredibilitetin e duhur. Ne rast se nje pozicion konservator i rritjes ekonomike i ben me te mira shpenzimet ne buxhet, ky institucion i ben me te mira sherbimet publike”, pohon Malaj.

Edhe pse institucioni qe llogarit rritjen ekonomike eshte INSTAT, Malaj thote se Ministria e Financave e ka kapacitetin te beje matjen e saj te pavaruar.

“Ministrite e Financave ne cdo vend jane me te kujdesshme. Ato kane ekspertizen e nevojshme dhe kane nje pergjegjesi te vecante per rritjen ekonomike. Kjo ka nje rendesi jetike ne kredibilitetin e shifres se PBB-se”, shton Malaj.

Debati per shifren e rritjes ekonomike, tani edhe brenda qeverise, nxjerr ne pah edhe njehere nje problem te hershem te ekonomise shqiptare, qe ka te beje me saktesine e shifrave zyrtare dhe perdorimin e tyre per qellime politike dhe elektorale, gje per te cilen nderkombetaret me shume se nje here i kane rekomanduar qeverise reforma urgjente.

Kabineti “Berisha” ka zgjedhur në “unanimitet” Shqipërinë
për të festuar ndërrimin e viteve. Asnjë prej qeveritarëve
nuk është larguar mbrëmjen e 31 dhjetorit nga Shqipëria, ashtu
siç ka ndodhur në vitet e kaluara.
Festa tradicionale e Vitit të Ri i ka gjetur të 16
anëtarët e kabinetit pranë familjarëve dhe të afërmve të
tyre. Kryeministri dhe pjesa më e madhe e ministrave nuk
kanë preferuar të dalin jashtë zonës së kryeqytetit,
ndërkohë që vetëm dy prej anëtarëve të qeverisë kanë festuar
bashkë me miqtë dhe familjarët në Gjirokastër. Ashtu si në
verë, edhe në dimër, Kryeministri Berisha nuk i ndahet
malit të Dajtit, ndërsa ministrat preferojnë relaksim pranë
familjarëve.Duke qenë se në 2009-ën, zgjedhjet parlamentare do t‘i mbajnë për një kohë të gjatë larg familjes, anëtarët e
qeverisë i janë përkushtuar me kohë të plotë familjarëve
dhe të njëjtën gjë kanë bërë edhe pjesa më e madhe e
deputetëve të Parlamentit.

Kryeministri

Shefi i qeverisë, Sali Berisha, së bashku me bashkëshorten, vajzën Argita, bashkëshortin e saj, Jamarbër dhe dy mbesat, kanë zgjedhur malin e Dajtit për të trokitur gotat e ndërrimit të viteve. Dashuria e pandashme e Kryeministrit për malin e Dajtit duket se nuk e ka mbajtur dot larg edhe për festat e fundvitit.

Kryeministri Berisha e ka mbyllur 2008-ën ashtu siç mbylli edhe sezonin veror të këtij viti, duke e kaluar të dielën e fundit të gushtit 2008 në Dajt, së bashku me familjen, djalin Shkëlzenin dhe miqtë e tij.

Mali i Dajtit mësohet se ka qenë zgjedhja e Kryeministrit Sali Berisha për të gjetur relaksin e ditëve të ralla ku ai qëndron larg skrivanisë së punës në Kryeministri. 2009-ta pritet të sjellë surprizat e radhës në politikë, duke specifikuar gjithashtu faktin se është edhe vit zgjedhor. Ashtu si në fundin e muajit gusht, edhe në ditën e fundit të dhjetorit, Kryeministri është parë pa kostumin zyrtar, duke festuar së bashku me familjen, duke admiruar nga pika më e lartë e Tiranës pamjen e natës së kryeqytetit në mbrëmjen e ndërrimit të viteve.

Ministrat

Ministrat Anastas Duro dhe Genc Ruli kanë zgjedhur qytetin e gurtë, duke iu larguar zhurmës së kryeqytetit për të festuar ndërrimin e viteve. Gjirokastra ka “joshur” më shumë sesa Tirana dy anëtarët e kabinetit, të cilët ishin të vetmit që janë larguar nga kryeqyteti mbrëmjen e 31 dhjetorit. Pjesa tjetër e kabinetit, si shefi i diplomacisë, Lulzim Basha, ministrat Bujar Nishani, Jemin Gjana, Lufter Xhuveli, Anila Godo, Majlinda Bregu nuk kanë preferuar të largohen nga shtëpitë e tyre në Tiranë për të pritur vitin më dinamik të politikës, e cila ka në fokusin kryesor zgjedhjet e përgjithshme parlamentare të qershorit 2009. Zgjedhjet e ardhshme parlamentare kanë detyruar ministrat që t‘i përkushtohen familjes, të cilën do ta lënë pas dore në gjashtëmujorin e parë të vitit 2009, për shkak të zgjedhjeve parlamentare. Jo vetëm ministrat, por edhe një pjesë e mirë e politikanëve shqiptarë nuk kanë preferuar të dalin jashtë kufijve të Shqipërisë më datat 31 dhjetor dhe 1 janar. Më 30 dhjetor, shefi i qeverisë ka organizuar një drekë me të gjithë anëtarët e kabinetit qeveritar pranë vilës 31.