Lajme Online Shqip » Barak Obama

Ekonomia, Obama pret republikanet

DashiC — Fri, 23 Jan 2009 21:46:32 +0000

Hapi tjeter i Barack Obama, ne ditet e para si president i SHBA, eshte ekonomia. Sot ai u takua me anetaret kryesore te Kongresit, lideret e dy partive, per te diskutuar per ceshtjen e ekonomise. Ai po mban nje nga premtimet e tij, se pervec paketes stimuluese do te marre parasysh edhe qendrimet e opozites. “Shpresoj qe Kongresi ta miratoje paketen stimuluese se shpejti”, deklaroi Obama.

Por republikanet kane shprehur dyshime duke menduar se paketa stimuluese mund te mos i plotesoje te gjitha kerkesat. Sipas tyre, parate nuk duhet te shpenzohen ne menyra qe nuk e ndihmojne ekonomine.

Nder te tjera, po sot zoti Obama ka bere te qarte se do te jete me transparent ne vendimet e administrates, duke shpjeguar se si do te zbatohen keto vendime. Dhe nje nga keto menyra eshte teknologjia.

Presidenti kerkon qe ne Shtepine e Bardhe te hyje nje teknologji e perparuar. Gjate fushates ai perdori e-mail, facebook, celulare, gjera qe administrata Bush nuk i perdorte. Administrata e re ka premtuar se do lidhet me teper me publikun permes ketyre mjeteve teknologjike.

NJË GJYKATËS USHTARAK AMERIKAN NDALON GJYKIMET PËR PESË TË BURGOSUR TË GUANTANAMOS

DashiC — Wed, 21 Jan 2009 17:31:46 +0000

Një gjykatës ushtarak amerikan ndaloi sot gjyqin e pesë të burgosurve të akuzuar për planifikimin e sulmeve të 11 shtatorit, fakt që i jep presidentit të SHBA-së, Barack Obama kohën që ai kërkoi për të vendosur nëse do të shkrijë Gjykatat e Guantanamos për Krimet e Luftës.
Ky veprim ka ndaluar gjyqet dhe çështjet për dënimet me vdekje të paktën deri në fund të majit, por u mor nga palët mbrojtëse si fundi i gjykatave speciale në bazën detare amerikane në Guantanamo, Kubë.

OBAMA PREMTON PAQE TË QENDRUESHME NË LINDJEN E MESME

DashiC — Wed, 21 Jan 2009 17:18:31 +0000

Presidenti i ri amerikan, Barack Obama premtoi sot se do të mbëështeste një paqe të qendrueshme në Lindjen e Mesme.
Deklaratën e mësipërme Obama e bëri pas një bisede telefonike me presidentin palestinez, Mahmud Abas, njoftoi Autoriteti Palestinez

VAJZAT E ISH-PRESIDENTIT BUSH U DËRGOJNË MESAZH VAJZAVE TË OBAMËS

DashiC — Wed, 21 Jan 2009 17:14:13 +0000

Binjaket e ish-presidentit George W. Bush u këshillojnë vajzave të qiramarrësit të ri të Shtëpisë së Bardhë të kënaqen në këtë vend “magjik” dhe të mos harrojnë asnjëherë kush është me të vërtetë babai i tyre edhe nëse atij do t’i bëhen karikatura.
Jenna dhe Barbara Bush tregojnë kujtimet e bukura që kanë nga qëndrimi në Shtëpinë e Bardhë, i pari kur ato ishin shtatë vjeçe dhe kur gjyshi i tyre George H.W.Bush ishte president, në një letër dërguar vajzave të Barak Obamës, Sasha dhe Malia, e publikuar sot në Wall Street Journal.
Në këtë mesazh, Jenna dhe Barbara Bush japin si këshillë të veçantë që të rrethohen nga “miq besnikë”.
Sa për qenin që presidenti Obma u ka premtuar vajzave të tij, Jenna dhe Barbara Bush u rekomandojnë: “duajini shumë kafshët tuaja, sepse ndonjëherë do të keni nevojë për një vend të qetë ku të ngushëlloheni gjë që vetëm kafshët mund ta bëjnë.
“Përfitoni sa më shumë nga jeta në një vend të tillë magjik”, shtojnë vajzat e ish-presidentit amerikan.
Nëse jeta në Shtëpinë e Bardhë ka avantazhet e saj, ato tregojnë gjithashtu se të jesh vajzë presidenti ka gjithashtu anët e veta të pakëndshme. Kështu, ato kujtojnë kur u është dashur të durojnë portrete pak mikluese të babait të tyre.
“Shumë njerëz do të mendojnë se e njohin atë, por ata nuk kanë asnjë ide nga ajo se çfarë ka ndjerë ai ditën kur lindët ju, për krenarinë që ai ndjeu kur ju filluan shkollën ose se në ç’masë dëshironi ju të jeni vajzat e tij”.
“Pra, ja këshilla jonë më e rëndësishme: mos harroni kush është me të vërtetë babai juaj”

ANALIZË – OBAMA PËRBALLË SFIDASH TË MËDHA NË FJALIMIN PËRURUES

DashiC — Mon, 19 Jan 2009 14:29:02 +0000

Presidenti i zgjedhur amerikan, Barack Obama përballet me disa sfida gjatë fjalimit që do të mbajë, i cili konsiderohet si më i shumëprituri i kohëve modernene dhe aty ai duhet t’i risigurojë shtetasit amerikanë se ata mund të kapërcejnë një situatë si ajo e rreziqeve ekonomike, në të cilën ndodhen aktualisht.
Fjalimi i Obamës, që do të pasojë formulën e betimit në shkallët e Kongresit, gjatë mesditës së ditës së martë, do t’i japë atij mundësinë e artë për të shpalosur objektivat e presidencës së tij para një audience masive.
Duke patur parasysh që miliona amerikanë janë të papunë, që ekonomia amerikane ndodhet në krizë dhe që SHBA-ja është e angazguar në dy luftra në Irak dhe Afganistan, Obama pritet të japë një mesazh të qartë dhe të fortë përmes fjalimit të tij, të cilin ka javë që po e përgatit.
“Ky fjalim do të përshkruajë momentet në të cilat ndodhemi dhe frymën e nevojshme për të përballuar krizën dhe për të dalë nga kjo situatë më të fortë dhe më të bashkuar se më parë”, deklaroi zëdhënësi i Obamës, Nick Shapiro.
Hartueshit e mëparshëm të fjalimeve presidenciale se mendojnë se Obama do të evitojë përdorimin e fjalimeve të shkruara me propozimet e tij dhe në vend të tyre mund apo do të përdorë aftësitë e tij të mëdha oratorike për të përshkruar sfidat me të cilat amerikanët po përballen dhe gjithashtu mënyrën për t’i përballuar ato.
“Fjalimi i ceremonisë së betimit është momenti kur një president paraqet parimet e tij fillestare dhe ku vendos themelet për drejtimin e vendit”, deklaroi Jeff Shesol, hartuesi i fjalimeve të ish-presidentit, Bill Clinton.
“Ky fjalim përkufizon një moment në histori. Jep një tablo të plotë se kush është ai, si e sheh ai këtë moment dhe se ku mendon ai që duhet të drejtohemi”, shtoi Shesol.
Jo vetëm amerikanët do të ndalen të martën për të dëgjuar liderin e tyre, por madje shumë njerëz në të gjithë botën janë të interesuar për t’a dëgjuar presidentin e ardhshëm të SHBA-së, Barack Obama.
Në Japoni, shumë librari kanë një seksion të veçantë të kushtuar Obamës, ndërkohë që një libër ku është botuar një koleksion i fjalimeve të tij, që nis me me atë çka quhet fjalimi legjendar i Konventës së Demokratëve të vitit 2004 dhe përfudon me fjalimin e fitores së zgjedhjeve presidenciale të nëntorit të vitit të kaluar, është shndërruar në një best-seller.
FRYMËZIMI
Për të gjetur frymëzimin e tij Obama ka lexuar fjalimet e mbajtura nga presidentët amerikanë në të kaluarën.
Nga më tepër se 50 fjalime të mbajtura, vetëm disa prej tyre i kanë rezistuar kohës. Ndër më të mirët ishte fjalimi i Abraham Lincolnit “with malice toward none” (mirësi për të gjithë) në vitin 1865 në fundin e Luftës Civile; fjalimi i John Kennedyt i vitit 1961, ku ”the torch has been passed to a new generation of Americans” (pishtari iu kalua një brezi të ri amerikanësh) dhe fjalimi i Franklin Rooseveltit i vitit 1933 gjatë Depresionit të Madh.
Obama, adhurues i liderit të njohur nga Ilinoisi Abraham Lincoln, i tha Amerikës se ndjente që fjalimi i Lincolnit ishte më i miri dhe ai i Kennedyt vinte pas tij dhe se nuk e kishte prekur në mënyrë specifike fjalimi i Rooseveltit.
“Të them të drejtën, fjalimi i Rooseveltit nuk është aq i mirë”, deklaroi ai.
“Ka një linjë të mirë ’E vetmja gjë që cilës duhet t’i frikësohemi është vetë frika’, por pjesa tjetër është disi e mbështjellë”, u shpreh ai.
Ai shtoi se ishte mjaft i kënaqur me fjalimin e tij, por që ende mund të rregullonte disa hollësi mimimale.
“Ajo që duhet të bëj me këtë fjalim, është t’ju kujtoj njerëzve rrugën nëpër të cilën kemi kaluar deri tani dhe vështirësitë e mëdha që kemi kapërcyer. T’ju kujtoj se jemi përballuar me situata shumë më të vështira më parë dhe se do ta kapërcejmë edhe këtë barrierë”, theksoi ai.
Michael Anton, i cili ishte një hartues fjalimesh për presidentin George W. Bush, deklaroi se Obama mund të ketë nevojë të mënjanojë bërjen e shumë premtimeve.
“Ai po e drejton këtë dallgë të madhe dhe ka shumë mbështetës tepër të fuqishëm, që mendojnë se dielli do të lindë me 20 janar dhe se bota do të shndërrohet në një vend plotësisht të ndryshëm nga ç’është”, deklaroi Anton.
“Mendoj se ai duhet të ulë ritmin e pritshmërive”, shtoi ai.
Studiuesi i detyrës së presidentit Thomas Schwartz, profesor i universitetit në Vanderbilt, deklaroi se një sfidë e madhe për Obamën, do të jetë sugjerimi i një mënyre që amerikanët të rifillojnë nga e para, por pa u treguar shumë i ashpër me presidentin në largim Bush, i cili do të jetë i pranishëm gjatë ceremonisë.
“Ai nuk duhet ta nisë me kritika tepër të ashpra kundrejt Bushit”, deklaroi Schwartz.
Kennedy i shte në gjendje të kritikonte presidentin të cilin zëvendësoi, Dwight Eisenhower, pa u dukur partizan, u shpreh Schwartz.
Shumë kohë dhe përpjekje janë investuar në fjalim.
Këshilltarët kanë deklaruar se Obama zhvilloi takimin e parë për të diskutuar mbi temat e fjalimit të tij një javë para Festës së Falenderimeve në nëntor, ku bisedoi me ekspertin e hartimit të fjalimeve, Jon Favreau dhe këshilltarin e lartë, David Axelrod.
Projekti i parë i fjalimit u hratua në fillim të dhjetorit dhe puna vazhdoi për përmirësimin e tij në javët pasuese, ku Obama ka rregulluar hollësitë të ndryshme edhe gjatë fundjavës së tij të fundit, para marrjes zyrtarisht të detyrës së presidentit të 44-t të Shteteve të Bashkuara të Amerikës.

OBAMA DO TË URDHËROJË MBYLLJEN E BURGUT TË GUANTANAMOS

Andi Bega — Tue, 13 Jan 2009 11:54:38 +0000

Presidenti i zgjedhur amerikan Barack Obama do të nxjerrë një urdhër ekzekutiv, ndoshta brenda javës së tij të parë në pushtet, për të mbyllur burgun në bazën e flotës amerikane në Guantanamo të Kubës, bëri të ditur dje një këshilltar i Obamës.
Pavarësisht nga një urdhër i tillë, burgu nuk ka të ngjarë të mbyllet menjëherë derisa të gjendet zgjidhja se ku do të vendosen të burgosurit që ndodhen aty.

OBAMA: IRANI ËSHTË NJË KËRCËNIM I VËRTETË POR SHBA DUHET TË PËRDORË DIPLOMACINË

admin — Fri, 09 Jan 2009 21:21:35 +0000

Presidenti i zgjedhur amerikan, Barack Obama tha sot se e shihte Iranin si një “kërcënim të vërtetë”, por favorizon ende fillimin e një dialogu me republikën islamike.
Ai tha se “kishte thënë dhe në të kaluarën gjatë fushatës së tij zgjedhore se Irani është një kërcënim i vërtetë për interesat kombëtare amerikane”.
“Por unë kam thënë gjithashu se ne duhet të jemi të gatshëm të fillojnë diplomacinë si një mekanizëm për të arritur objektivat tona të sigurisë kombëtare dhe ekipi im i sigurimit kombëtar, mendoj unë, është pasqyrues i qëndrimit praktit dhe pragmatik të politikës së jashtme”, tha Obama, i cili e merr detyrën më 20 janar.

OBAMA PREMTON RESPEKTIMIN E KONVENTËS SË GJENEVËS

admin — Fri, 09 Jan 2009 21:19:59 +0000

residenti i zgjedhur amerikan, Barak Obama, u angazhua sot për respektimin e konventës së Gjenevës dhe premtoi se administrata e tij nuk do ta përdorte torturën gjatë marrjes në pyetje të të burgosurve.

Obama, më shumë ndihma të papunëve

admin — Mon, 05 Jan 2009 19:19:15 +0000

Presidenti i sapozgjedhur, Barak Obama, dhe kongresmenët demokratë po marrin në konsideratë më shumë ndihma qeveritare në formën e sigurimeve shëndetësore dhe përfitime prej statusit të të papunit, si pjesë e një programi dyvjeçar rimëkëmbjeje. Propozimet përfshijnë shtimin e kompensimeve të papunësisë për punonjësit me kohë të pjesshme, subvencione për të gjithë ata që kanë nevojë për vazhdimësinë e sigurimeve shëndetësore, ndërkohë që për momentin mbeten pa punë.