Numri 1 i Shtepise se Bardhe ka sqaruar gjithashtu se organizmi i ri do te veproje ne mbrojtje te konsumatoreve dhe do te kete kompetencen per te vendosur rregulla mbi kredite.

Me tej presidenti i ka kerkuar Kongresit qe t’i jape me shume fuqi Federal Reserve, per te kontrolluar nga afer tregjet dhe per te shmangur perseritjen e krizave.

Presidenti i ri i Shteteve të Bashkuara të Amerikës, Barak Obama, mund të vizitojë në muajin prill Shqipërinë ose Kroacinë. Lajmin e bën të ditur agjencia kroate e lajmeve “Javno” në faqen e saj të internetit. Informacioni u referohet burimeve konfidenciale që sqarojnë se vizita mund të vijë pas pjesëmarrjes së tij në samitin e G20 në Londër. Pas kësaj, në tre dhe katër prill, ai do të takojë liderët e Organizatës së Atlantikut të Veriut në samitin që do të shënojë edhe 60-vjetorin e organizatës. Siç raportohet në lajm, Obama, mund të vizitojë një prej shteteve të reja që pritet të bëhen anëtarë të NATO-s. Ndalesa e Obamës, nëse diçka e tillë konkretizohet, do të jetë vizitë për pak orë në Kroaci ose Shqipëri. Sipas lajmit të raportuar nga “Javno”, nëse nuk ndodh ndalesa e Obamës, nuk përjashtohet mundësia që presidentët dhe kryeministrat e dy vendeve të mund të marrin një ftesë të veçantë për të udhëtuar drejt Shtëpisë së Bardhë në një takim me Presidentin amerikan. Diçka e tillë siç raportohet mund të ndodhë në muajin maj të këtij viti, pas samitit të NATO-s. Agjencia vlerëson se takimi me Presidentin amerikan është diçka shumë e rëndësishme, sidomos për Ivo Sanader, i cili mund të diskutojë me Presidentin amerikan çështjen e hapur tanimë me Slloveninë. Një vit më parë, Shqipëria, Kroacia dhe Maqedonia aplikuan të merrnin ftesën për anëtarësim në Organizatën e Atlantikut të Veriut. Shtetet e Bashkuara të Amerikës ndikuan fuqishëm në afrimin e këtyre vendeve me aleancën, duke qenë garant të këtij uniteti. Në këtë linjë diplomacia amerikane mbështeti krijimin e “Kartës Adriatik 3″, e cila iu drejtua Samitit të Bukureshtit. Maqedonia u distancua nga Kroacia dhe Shqipëria për shkak të vetos greke, lidhur me konfliktin për emrin zyrtar të Republikës së Maqedonisë. Sakaq, Shqipëria dhe Kroacia arritën të marrin ftesën për anëtarësim në NATO dhe premtimin se pas një viti do mund të shqyrtohej dhënia e statusit të vendit anëtar me të drejta të plota. Vetëm një vit më parë, ambasadori i Shteteve të Bashkuara të Amerikës në Tiranë, Xhon Uidhers, vlerësoi në një intervistë për “Zërin e Amerikës” se “një prej përfitimeve të mëdha të Samitit të NATO-s në prill është që do t‘i japë mundësi Presidentit të fokusohet në mënyrë specifike te vendet e reja kandidate, Kroacia dhe Shqipëria; do t‘u japë udhëheqësve mundësinë për t‘u takuar, për të diskutuar mbi çështjet që kanë në plan dhe kjo është një mundësi e jashtëzakonshme”. Sipas tij, ky moment vjen në një kohë “shumë të mirë për ne amerikanët dhe për ju shqiptarët, sepse në ato takime, ne mund të fokusohemi te çështjet specifike”. Në rastin e Shqipërisë, vizita e Presidentit Barak Obama do të merrte një vlerë të jashtëzakonshme. Vetëm pak kohë më parë, shqiptarët patën rastin të presin për vizitë Presidentin amerikan, Xhorxh W.Bush. Nisur nga simbolika politike dhe marrëdhënia mes dy vendeve, pritja e një Presidenti amerikan në një interval kaq të shkurtër me kohën kur paraardhësi i tij ishte në Shqipëri, përbën në vetvete një mesazh të dukshëm pozitiv. Diçka e tillë do të kurorëzonte më së miri procesin e anëtarësimit të Shqipërisë në Organizatën e Atlantikut të Veriut.

Me doren e mbeshtetur mbi bibel, Barak Obama betohet se do te punoje per te miren e kombit dhe se do te ruaje Kushtetuten amerikane.

“Une betohem se do te ekzekutoj detyren e presidentit me ndershmeri dhe do te mbroj Kushtetuten e SHBA. Me ndihmo, Zot!”, u shpreh Obama.

Tashme Obama, kreu i pare afro-amerikan ne histori, merr zyrtarisht drejtimin e Shtepise se Bardhe, duke u bere keshtu presidenti i 44-t i SHBA-ve.

Ne nje ceremoni gjigante, qe kaloi cdo parashikim, perpara kombit te tij po dhe gjithe botes, Obama premtoi se do ta kryeje me pergjegjshmeri te plote dhe me devotshmeri detyren si president i Shteteve te Bashkuara.

Obama-botes myslimane: Respekt reciprok

“Duke nisur qe sot, duhet te vihemi ne levizje per te ribere Ameriken”.

Keshtu deklaroi ne fjalimin e pare si president i Shteteve te Bashkuara te Amerikes, Barak Obama.

Kreu i Shtepise se Bardhe ka premtuar se bashke me stafin e tij do te punoje fort per ta nxjerre vendin nga kriza ekonomike.

“Kemi vendosur t’i themi ndal premtimeve false. Amerika eshte nje komb ku cdo burre, grua, femije kerkon mundesi te barabarta”, u shpreh Obama.

Presidenti i 44-ert paralajmeroi se udhetimi qe vendi po nis sot eshte i veshtire, me rrisqe, po ka si synim permbushjen e te gjitha ambicieve.

“Kriza ekonomike ne te cilen ndodhemi ka nevoje per veprimet e duhura. Ne duhet te ndertojme rruge, ura, te veme ne vend shkencen, te rrisim cilesine e kujdesit shendetesor, do te shfrytezojme ujin, detin, eren dhe do te perballemi me kerkesat e kesaj epoke te re”, theksoi Obama.

Duke iu drejtuar botes myslimane, presidenti kerkoi qe te ecet perpara bazuar ne respektin reciprok.

“Ju lidere, qe tentoni t’ia hidhni fajin perendimit, dijeni se popujt tuaj do t’ju gjykojne per ate cfare po beni!”, theksoi Obama.

Njeriu me i fuqishem i rruzullit premtoi ndihme dhe perkushtim per popujt e varfer qe jetojne ne bote.

“Nuk mund te shohim me kete varferi. Bota ka ndryshuar dhe ne do te ndryshojme bashke me te!”, vleresoi Obama.

Po ashtu presidenti Obama i premtoi kombit te vet siguri dhe fitore ndaj cdo force qe kerkon dhune e shkaterrim.

Zyra e shtypit e Kuvendit bën të ditur se “ceremonia, që do të mbahet në mesditë në Capitol,  pritet të ndiqet drejtpërsëdrejti nga afro 4 milionë njerëz”.

Presidenti Barack Obama do të kryejë betimin prej 36 fjalësh dhe më pas, do të mbajë fjalimin e inagurimit, duke i folur kombit amerikan dhe botës për herë të parë, si president i SHBA.

Ngjarjet e inaugurimit të Presidentit Obama, kanë filluar më 17 janar me udhëtim me tren, që u nis nga Filadelfia, për të mbërritur në Washington D.C.

“Pranvera e ngrohtë dhe ditë më të mira do të vijnë për SHBA”, deklaroi Presidenti i zgjedhur Obama, pasi mbërriti me tren, në Washington.

Presidenti i zgjedhur i SHBA-së, Barack Obama tha se kur ta marrë pushtetin do të veprojë shpejt për t’u ballafaquar me Iranin, duke u zotuar se do të ndërmarrë qasje të re të fokusuar në dialog, por e paralajmëroi Iranin se ekzistojnë limitet të cilat s’mund t’i kalojë.
Duke folur pak ditë para se ta marrë postin, Obama tha se Irani do të jetë një nga sfidat më të mëdha, me të cilën do të përballet administrata e tij. Ai tha se, “eksportimi nga Irani i terrorizmit përmes Hamasit dhe Hezbollahut” dhe aktivitetet e tij për armë atomike, mund të nxisin një garë për armë nukleare në Lindjen e Mesme.
Një nga vendimet e para të Obamës dhe ekipit të tij për politikë të jashtme, që udhëhiqet nga Hillary Clinton, do të jetë të vendosin nëse duhet të vazhdohet programi i mbuluar i operacioneve në Iran, që kishte filluar vitin e kaluar nga administrata Bush. Misioni është disenjuar që të bllokojë çdo përpjekje të Iranit për të ndërtuar armë nukleare, duke ia prerë zinxhirët e furnizimeve me pjesët esenciale nga jashtë dhe duke përdorur teknika eksperimentale për të prishur kompjuterët dhe sistemet elektrike. Detaje të këtyre operacioneve ishin zbuluar nga New York Times në fund të javës së kaluar.
Gazta njoftoi se Obamës do t’i duhet që të llogarisë vlerat e programit si një vijë e mbrojtjes kundër ndonjë bombe të mundshme iraniane, ndërsa e konsideron dëmin që mund të shkaktohet nga përpjekjet për t’u angazhuar diplomatikisht me Teheranin.
Premtimi i Obamës se ai dhe administrata e tij do të angazhohen për qasje më shumë diplomatike ndaj Iranit, ka gjetur përkrahje në mesin e diplomatëve evropianë, të cilët besojnë se politika perëndimore për Iranin, gjatë gjashtë viteve të fundit, ka dështuar, dhe zgjedhja e Obamës për president ka hapur derën për një drejtim të ri. Politika ekzistuese e shkopit dhe e karotës, në formën e sanksioneve financiare nga OKB-ja dhe BE-ja dhe e premtimeve për ta ndihmuar në ndërtimin e një industrie nukleare, deri tani nuk e kanë ndaluar Teheranin nga zgjerimi i programit të tij për pasurimin e uraniumit.
“Tani duhet që të sajojmë diçka të re, pasi po vjen Obama,” tha një diplomat i lartë evropian. Ai shtoi se “tabuja” amerikane për bisedimet direkte me Iranin duhet të thyhet, në mënyrë që të ketë ndonjë mundësi për ta ndaluar ndërtimin e bombës nukleare nga Irani, gjë të cilën, vlerësoi ai, Irani do ta arrijë brenda më pak se dy viteve.
Obama pritet që të bëjë një veprim efektiv, të tillë si kthimi i diplomatëve amerikanë në Teheran, për herë të parë nga kriza e viteve 1979-1981. Diplomatët evropianë kanë thënë se nuk janë të sigurt nëse administrata Obama do ta hapë menjëherë sektorin e interesave të SHBA-së në Teheran, apo do të presë deri pas zgjedhjeve presidenciale të Iranit, që do të mbahen në qershor, nga frika se do të ndihmohet fushata për rizgjedhjen e Mahmoud Ahmadinejadit.