Lajme Online Shqip » Bamir Topi

Mesazhi i Presidenti: Më shumë bashkëpunim për të arritur zhvillimin

Andi Bega — Fri, 18 Sep 2009 15:18:23 +0000

I pranishëm në konferencën e USAID-it ishte edhe Presidenti i Republikës, Bamir Topi, i cili gjeti rastin t‘u bënte thirrje të gjitha qeverisjeve vendore për më shumë bashkëpunim. “Kemi hasur dhe vazhdojmë të hasim probleme, të cilat mund të jenë të ngjashme për sa i përket funksionimit të institucionit të kryetarit të bashkisë, apo bashkëpunimit të tij me Këshillin Bashkiak”, evidentoi Presidenti. Sipas tij, ka raste kur për shkak të koniunkturave të ndryshme politike, sikurse kanë qenë edhe disa eksperienca të kohëve të fundit, në mjaft raste kemi një mungesë të funksionimit normal të këtyre institucioneve. “Si President i Republikës, unë do bëja thirrje që pavarësisht se si janë koniunkturat politike, të gjithë duhet të gjejnë vullnetin, duhet të gjejnë mirëkuptimin që të bashkëpunojnë midis tyre, sepse tek e fundit që të gjithë punojnë në funksion të qytetit tuaj, të komunave që ato mbulojnë dhe pse tek e fundit përfaqësojnë votën e qytetarëve, të cilët i kanë votuar në zgjedhjet e pushtetit vendor”, nënvizoi Bamir Topi.

Topi: Korrektesia, vendimtare per te ardhmen

Andi Bega — Sun, 28 Jun 2009 13:22:06 +0000

Presidenti i Republikes Bamir Topi deklaron se korrektesia ne keto zgjedhje eshte vendimtare per te ardhmen e vendit tone.

Pas nje takimi ne nje prej bareve te Tiranes, me ambasadorin John Withers dhe ate te OBSE-se, Robert Bosch, presidenti theksoi se partite politike duhet te japin mesazhe per pjesemarrje dhe per transparence.

“Une besoj se keto zgjedhje do te jene te lira dhe te korrekte dhe administrimi i rezultatit do te jete po ashtu korrekt”, u shpreh Topi.

Presidenti theksoi se sot shqiptaret duhet te tregojne se dijne te administrojne fatet e kombit.

“Njerezit duhet te votojne per ate qe deshirojne, te jene te qete, te lire dhe te marrin pjese ne votim me qetesi”, u shpreh Topi.

Kreu i shtetit kerkoi qe zgjedhjet e 28 qershorit, te bejne histori, duke rezultuar si te lira te pakontestueshme dhe te drejta.

Presidenti Topi niset nesër në Kroaci, takon Mesic

Mimoza A — Tue, 19 May 2009 11:50:22 +0000

TIRANE- Presidenti i Republikës, Prof. Dr. Bamir Topi së bashku me Zonjën e Parë, Teuta Topi, do të niset nesër për një vizitë zyrtare treditore në Kroaci, me ftesë të Presidentit të Kroacisë, Stjepan Mesiç.

Gjatë qëndrimit në Kroaci, Presidenti i Republikës do të pritet dhe do të zhvillojë bisedime me autoritetet më të larta kroate, Presidentin e Kroacisë, Stjepan Mesiç, Kryetarin e Parlamentit të Kroacisë, Luka Bebic, si dhe Kryeministrin e Kroacisë Dr. Ivo Sanader.

Takimet dypalëshe të Presidentit me këto autoritete të larta si dhe mes delegacioneve zyrtare respektive do të përqendrohen në zgjerimin dhe thellimin e marrëdhënieve dhe bashkëpunimit reciprok mes Shqipërisë dhe Kroacisë në kuadër të partneritetit si aleatë me të drejta të plota në NATO, të aspiratës integruese të dy vendeve tona për në Bashkimin Evropian, si dhe të frymës së miqësisë dhe bashkëpunimit të mëtejshëm konstruktiv rajonal.

Në programin e vizitës zyrtare të Kryetarit të Shtetit në Kroaci përfshihet gjithashtu vizita e Presidentit Topi në Dhomën Kroate të Tregtisë, ku do të përshëndesë dhe hapjen e Forumit Ekonomik. Po ashtu, Presidenti Topi dhe Zonja e Parë, Teuta Topi do të zhvillojnë një takim dhe me komunitetin shqiptar që punon dhe jeton në Kroaci.

TOPI-BUSHIT: ROLI I SHBA NË RAJONIN TONË I RËNDËSISHËM PËR SIGURINË DHE PAQEN

DashiC — Wed, 21 Jan 2009 17:29:35 +0000

Presidenti i Republikës, Bamir Topi, në një mesazh drejtuar të mërkurën ish-Presidentit të Shteteve të Bashkuara të Amerikës, Xhorxh W. Bush, vlerësonte rolin e SHBA në rajonin tonë për sigurinë dhe paqen.
“Vizita Juaj në vendin tonë ishte mesazhi më i qartë për Shqipërinë, Kosovën e Ballkanin Perëndimor se roli i Shteteve të Bashkuara të Amerikës në rajonin tonë mbetet sa i rëndësishëm për sigurinë dhe paqen e qëndrueshme, aq edhe i vlerësuar”, thuhet në mesazhin e Presidentit Topi.
Zyra e shtypit pranë Presidencës bënte të ditur se Kreu i shtetit shqiptar, në këtë mesazh shprehte mirënjohjen e sinqertë për rolin e rëndësishëm që ish-Presidenti Bush ka luajtur në zhvillimin e thellimin e vazhdueshëm të marrëdhënieve të shkëlqyera dhe bashkëpunimit të sinqertë midis dy vendeve tona, veçanërisht në mbështetjen e palëkundur për integrimin e Shqipërisë në strukturat euroatlantike si dhe në inkurajimin në reformat e thella për demokraci, drejtësi e liri në Shqipëri.

PRESIDENTI DEKORON ME ‘MEDALJEN E MIRËNJOHJES’ GRUPIN MEDIATIK EDISUD SH.A DHE GAZETARËT BOLINO DHE LESI

DashiC — Wed, 21 Jan 2009 17:07:41 +0000

Presidenti i Republikës Bamir Topi dekoroi të mërkurën me ‘’ Medaljen e Mirënjohjes’’ , Grupin Mediatik EDISUD, si dhe gazetarët z.Karlo Bolino dhe z.Nikollë Lesi , në prani edhe të shumë gazetarëve të njohur dhe figurave të shquara të kësaj fushe si dhe anëtarëve të kabinetit të Presidentit Zyra e Shtypit pranë Presidencës bëri të ditur se ‘’ Presidenti i Republikës i dorëzoi përfaqësuesit të EDISUD SH.A, zotit Xhuzepe Orsino ”Medaljen e Mirënjohjes” me motivacionin: “Për kontributin e dhënë në median shqiptare në informimin publik, si një faktor i rëndësishëm për zhvillimin dhe progresin e demokracisë në Shqipëri”; zotit Karlo Bolino “Medaljen e Mirënjohjes” me motivacionin: “Për kontribut në krijimin dhe zhvillimin e mediave në Shqipëri, si një faktor i rëndësishëm për zhvillimin dhe progresin e demokracisë” dhe zotit Nikollë Lesi “Medaljen e Mirënjohjes me motivacionin: “Themeluesit të gazetës së parë të pavarur në Shqipëri, “Koha Jonë”, nga dyert e së cilës dolën shumë gazetarë e drejtues të medias së sotme, duke u kthyer jo vetëm në tribunë të fjalës së lirë, por edhe në shkollë të medias së shkruar shqiptare’’
Pas marrjes së medaljes, përfaqësuesi i EDISUD SH.A, zoti Orsino u shpreh: “Dua të falënderoj Presidentin për dhënien e kësaj medaljeje. Prezenca jonë në Shqipëri, besoj që ka qenë gjithmonë shumë e kujdesshme për të ruajtur aktivitetet tona botuese ne lidhje me territorin. Gazeta Shqiptare, News 24, Radio Rash dhe Balkanweb dhe besoj se është dëshmimtarja e lidhjes me territorin. Ne jemi botues të pastër, kemi mbetur të pakët në Itali dhe nuk kemi interesa përtej asaj të botimeve dhe jemi në dispozicion të qeverisë shqiptare dhe të Presidentit për aq sa mund të bëjmë”.

Ndërsa zoti Karlo Bollino: “Unë dua ta falenderoj zotin President se kjo është një nder shumë i madh për mua që kam jetuar në Shqipëri për shumë vjet, por kam një eksperiencë shumë të gjatë që kam filluar, 18 vjet përpara, pra në moshën e demokracisë shqiptare.”
I dekoruari Nikollë Lesi theksoi: se “Së pari më lejoni të falënderoj Presidentin e Republikës, zotin Bamir Topi për nderin që më bëri! Së dyti, kjo dekoratë është jo vetëm e imja, por është e gjithë brezit të gazetarëve që punuan pas viteve ’90-të, ose në fillim të viteve ’90-të më saktë, qe punuan me pasion me idealizëm dhe me nje kurajo të jashtëzakonshme civile ”

PRESIDENTI TOPI: ZGJEDHJET E REJA TË ZHVILLOHEN NË KLIMË TË QETË

DashiC — Mon, 19 Jan 2009 14:10:07 +0000

Presidenti i Republikës, Bamir Topi shprehu të hënën, rëndësinë e madhe që ka për Shqipërinë dhe integrimin në strukturat euroatlantike, zhvillimi më 28 qershor të 2009-ës i zgjedhjeve politike të lira dhe demokratike.
Gjatë mbledhjes së Këshillit të Lartë të Drejtësisë, (KLD), ku do të organizohet shorti për përzgjedhjen e tetë Gjyqtarëve të Shkallës së Apelit për Kolegjin Zgjedhor, Presidenti Topi theksoi rëndësinë e proçesit të zgjedhjeve, për t’i dhënë fund njëherë e mirë tranzicionit, që ka qenë i mbushur me zgjedhje apo kontensitime, implikime të karakterit ligjor dhe Kolegjeve Zgjedhore, ku rezultati jo gjithmonë është pranuar nga strukturat administrative që përcakton ligji.
Presidenti Topi, duke e cilësuar si tepër të rëndësishëm Institucionin e Zgjedhjeve, prej nga derivojnë të gjitha Institucionet e tjera, tha se ”ka rëndësi që këto zgjedhje të zhvillohen në klimë të qetë dhe të jenë në funksion të qytetarit”.
Gjatë fjalës së tij, Presidenti Topi, njëherësh Kryetar i Këshillit të Lartë të Drejtësisë, vlerësoi punën e bërë nga KLD për vitin 2008, sidomos në rinovimin e Gjykatave me elementë të rinj, të cilët vijnë nga Shkolla e Magjistraturës.

Topi pret Zv Kryeministrin e Luksemburgut Aselborn

Mimoza A — Wed, 14 Jan 2009 14:19:35 +0000

Presidenti i Republikës, Prof. Dr. Bamir Topi priti sot në Pallatin e Brigadave, Zëvendëskryeministrin dhe Ministrin e Punëve të Jashtme të Luksemburgut, Zhan Aselborn dhe delegacionin që e shoqëron në kuadrin e vizitës së tij zyrtare në vendin tonë.

Zgjedhjet parlamentare me 28 qershor

Andi Bega — Wed, 14 Jan 2009 12:40:41 +0000

Presidenti Bamir Topi dekretoi daten 28 qershor per mbajtjen e zgjedhjeve te pergjithshme parlamentare. Dekretimi i kreut te shtetit erdhi tre jave pas miratimit perfundimtar te Kodit Zgjedhor.

Sipas Kodit, fushata elektorale per zgjedhjet parlamentare do te nise me 28 maj.

Topi: Zgjedhjet Parlamentare në Shqipëri më 28 qershor

Mimoza A — Wed, 14 Jan 2009 12:24:56 +0000

Të dielën e fundit të qershorit 2009, të gjithë shqiptarët me të drejtë vote do t’i drejtohen kutive të votimit për të zgjedhur 140 deputetët e rinj që do të ulen në karriget e Kuvendit shqiptar.

Në njoftimin e publikuar online në faqen zyrtare të presidencës thuhet se Presidenti dekretoi datën e zgjedhjeve për Kuvendin “ Në mbështetje të neneve 92, shkronja “gj” dhe 93 të Kushtetutës, dhe të nenit 184 të ligjit nr. 10 019, datë 29.12.2008 “Kodi Zgjedhor i Republikës së Shqipërisë” .
Gjithashtu në faqen zyrtare të Presidencës mësohet se dekreti me numër 6008 hyn në fuqi menjëherë.

Shpallja e datës së zgjedhjeve parlamentare në Shqipëri nga Presidenti Bamir Topi përkon me hyrjen në fuqi të ligjit për
Kodin e ri Zgjedhor i cili u botua më 31 dhjetor 2008 në fletoren zyrtare.

Më 30 dhjetor të 2008, Presidenti i Republikës së Shqipëri Bamir Topi firmosi dekretin per Kodin e ri Zgjedhor, me rregullimet e propozuara nga vetë ai.
Një ditë më parë, më 29 dhjetor Kodi, i cili ishte rikthyer nga kreu i shtetit për disa rregullime, u miratua me konsensusin e dy partive të mëdha PD dhe PS. LSI e PDK kundërshtuan Kodin pasi sipas tyre “Ky ligj nuk mbron interesat e partive të vogla por të mëdhatë fitojnë vota në kurriz të të vegjelve”.
Dekreti i kreut të shtetit për Kodin e ri Elektoral u rregullua me dispozitë kalimtare nga komisioni i posaçëm i Reformës zgjedhore në Kuvend, pas kthimit per shqyrtim ne Kuvend me datën 3 dhjetor.

Ligji elektoral përcakton rregullat për përgatitjen, zhvillimin, administrimin, mbikëqyrjen, si dhe shpalljen e rezultatit të zgjedhjeve për Kuvendin e Shqipërisë dhe për organet e qeverisjes vendore.

PRESIDENTI TOPI DEKRETON SHPALLJEN E DISA LIGJEVE

Andi Bega — Mon, 12 Jan 2009 20:47:48 +0000

Presidenti i Republikës, Bamir Topi dekretoi të hënën shpalljen e disa ligjeve të miratura nga Kuvendi në fund te sesionit parlamentar.
Sipas një njoftimi nga Presidenca, Presidenti i Republikës dekretoi shpalljen e ligjit “Kodi Ajror i Republikës së Shqipërisë”, të ligjit “Për ratifikimin e “Marrëveshjes së huasë ndërmjet Republikës së Shqipërisë dhe Fondit të OPEC-UT për Zhvillim Ndërkombëtar (OFID) për financimin e projektit të rrugëve dytësore dhe vendore”, të ligjit “Për aderimin e Republikës së Shqipërisë në konventën për taksimin e mjeteve rrugore në transportin ndërkombëtar të mallrave” etj.