Deputetët e opozitës janë larguar nga salla pas fjalës së kreut të grupit parlamentar të PS-së, Gramoz Ruçi.

“Situata politike në vend po përkeqësohet. Edhe në seancën e mëparshme hapat e rinj të mazhorancës si ndryshimi i njëanshëm i rregullores së parlamentit, apo ligji që do të votohet sot, janë veprime për të kontrolluar institucionet e shtetit. Grupi i PS-së vendos marrëdhënie të kushtëzuara me parlamentin duke mos votuar asnjë ligj, as me shumicë të thjeshtë dhe as të kushtëzuar pa u bërë transparenca e zgjedhjeve të 28 qershorit. Ky është vetëm hapi i parë”, është shprehur Ruçi.

Deklaratat e tij u bën pëpara nisjes së votimit të ligjit për faljen dhe atij për inspektimin financiar, të cilët u miratuan vetëm me votat e shumicës.

“Grupi diskutoi me shumë shqetësim hapat e fundit të qeverisë, si përsa i përket ndryshimit të rregullores se kuvendit, ashtu edhe për projektin që do të votohet nesër për inspektimin e financave publike”, u shpreh Ruci.

Sipas tij këto hapa po cojnë në një kontroll të plotë të qeverisë ndaj pushteteve të tjera.

“Mbi propozimin për kushtëzimin e vendimit për liberalizimin e vizave me Shqipërinë e Bosnjen që prezantova, patëm diskutime mjaft të mira dhe natyrisht që Këshilli do t’i kthehet kësaj cështjeje sapo ne t’i kemi dërguar grupet përfundimtare të ekspertëve e ta kemi përpiluar vlerësimin tonë pas verës”, ka deklaruar Cecilia Malmstrom, komisionere për Cështjet e Brendshme.

Ndërsa Alfredo Perez Rubalcaba, minister i Brendshëm i Spanjës, është shprehur: “Këtë mëngjes nuk dëgjova ndonjë rezervë politike, të gjithë ishin pro liberalizimit, megjithëse disa vende anëtare u shprehën se shpresonin që këto dy shtete kishin kohë mjaftueshëm për të përmbushur kushtet. Komisionerja na raportoi për situatën. Presidenca e Komisioni ndan të njëjtin mendim se Shqipëria e Bosnja kanë bërë përpjekje e kanë ende një copë rrugë për të bërë. Por ne shpresojmë se ata do t’i përmbushin të gjitha kushtet nga vjeshta, në mënyrë që të konkludohet kënaqshëm me liberalizimin e vizave në momentin e duhur”.

Ministrat e Brendshëm europianë duket se nuk kanë rënë dakort me propozimin e Sllovenisë, që vendimi për heqjen e vizave të kalojë në shtator në Këshillin e parë Europian që eshte ai i ministrave të Bujqësise si Pike A, që do të thotë pa diskutime të mëtejshme nga Këshilli i Ministrave të Brendshëm europianë.

“Të gjithë janë për liberalizimin e vizave, por disa vende anëtare janë më mosbesuese sepse dyshojnë që këto dy vende kanë kohë të mjaftueshme për t’i përmbushur objektivat që u kemi vënë në afatin e përcaktuar. Ne u kemi kërkuar atyre që të bëjnë përpjekje të mëdha për përmbushjen e kritereve në vjeshtë, e Komisioni dhe ne, këtë cështje do ta vëzhgojmë nga afër”, ka shtuar ministri Rubalcaba.

Një prej vendeve kryesore skeptike për liberalizimin e shpejtë të vizave më Shqipërinë e Bosnjen është Belgjika, vendi që përcakton axhenden e BE pas dates 1 korrik sepse merr presidencën e radhës për 6-mujorin e dytë të këtij viti.

Greva e urisë dhe protesta e opozitës ka mbërthyer në vetvete të gjithë komunikimin mediatik dhe politik. Ekipi drejtues i Partisë Socialiste ka qenë dje prezent përgjatë gjithë ditës në një komunikim mediatik të pandërprerë që ka nisur me deklarimet e forta të kryetarit të PS-së, Edi Rama, dhe ka vijuar me deputetë të tjerë si Namik Dokle, Arta Dade, Mimi Kodheli, Ditmir Bushati, por edhe përfaqësues të aleatëve si Spartak Ngjela. Arsenali i fjalorit politik ka pasur në vëmendje mbajtjen e temperaturës politike në nivelin e duhur në funksion të mbajtjes gjallë të ritmit protestues. “Të bëjmë ç’të mundemi për të rezistuar, për t’i dhënë kësaj kauze çdo energji pozitive në funksion të zgjedhjeve e të zgjidhjeve, për një Shqipëri ku rrënimi ekonomik duhet të ndalet”, u shpreh kryetari i PS, Edi Rama. Ai ka paralajmëruar përshkallëzim të mëtejshëm të protestës që duket se do të drejtohet edhe në qytetet e tjera të Shqipërisë. Lidhur me këtë skenar që mund të cilësohet edhe si faza e dytë e skenarit opozitar burime nga PS, bëjnë të ditur se angazhimi i strukturave të bazës, por edhe kapacitetet e së majtës të shpërndara sipas njësive të pushtetit vendor do të japin maksimumin. Kështu, mesi i javës pritet të shpërthejë një reaksion zinxhir protestash në kohezion me tubimin e Tiranës i cili nuk do të ndalet deri në gjetjen e një zgjidhjeje. Oferta socialiste në këtë drejtim mbetet e hapur dhe kjo gjë është konfirmuar edhe nga deputetja Mimi Kodheli, e cila ka deklaruar gatishmërinë e opozitës për të negociuar zgjidhjen. “…nuk do të ketë asnjë hap mbrapa, presim hapa konkretë nga qeveria. Qeveria e sotme duhet ta kuptojë që ne e kemi seriozisht, se populli e ka seriozisht, sepse nuk mund të durohet më deformimi i zgjedhjeve dhe mohimi i fjalës së lirë”, theksoi ajo. Ndërkaq, paralajmërimit të Policisë së Shtetit për të zbrazur bulevardin “Dëshmorët e Kombit”, opozita i është kundërpërgjigjur me zgjerimin e pjesëmarrjes në grevë. Kjo gjë u bë e ditur nga deputetja Vasilika Hysi, që gjatë pasdites, por në të vërtetë ka hyrë në axhendën e diskutimit të Grupit Parlamentar. Kjo thirrje e policisë ka vënë në lëvizje edhe qëndrime të reja politike, ku spikat deklarimi i Ramës sipas të cilit ndërhyrja e uniformave blu do të përbënte provokim. Ai ka vizituar ndërkaq çadrat e grevistëve ku janë mbyllur rreth 200 njerëz. Stacionimi para Kryeministrisë duket se i përmbahet skenarit të rrethimit me kordon njerëzor të selisë së qeverisë në një përpjekje për të lënë edhe drejtuesin e saj jashtë zyrës së vet. Nga ana tjetër duket se edhe përfaqësues të tjerë të opozitës si drejtuesi i G99, Erjon Veliaj, do të bëhen pjesë e saj në shenjë solidariteti me kolegët, por edhe si një dëshmi e kohezionit opozitar që është përforcuar sipas gjasave nga emri i Sali Berishës.

Por në një mesazh që u ka shpërndarë gjithë miqve të tij në rrjetin social Facebook, Malaj deklaron se debatet brenda PS-së fshehin krizë në Partisë Demokratike, duke u rikthyer në argumentet që përdornin mbështetësit e kryetrarit të PS-së, Edi Rama.

Pasi falënderon njerëzit që e kanë mbështetur për hyrjen ën grevë urie, Malaj jep dhe argumentet se përse ndërmori këtë nismë.

“Pas zvarritjes së zgjidhjes së ngërçit politikë, presioni negative mbi ekonominë po bëhet më i madh. Vonesa në mos gjetjen e një zgjidhje është kosto e rëndë për gjthë shqiptarët. Sensibilizimi akoma më i madh edhe me këtë grevë është i nevojshëm … për ta ndalur këtë përkeqësim”, shprehet Malaj.

Deputeti i PS-së u përgjigjet dhe akuzave që janë bërë në mediat ditët e fundit në lidhej me qëndrimin e tij. “Nuk shqetësohem nga shpifjet e disa gazetave të maxhorancës. I përmbahem plotësisht diskutimit në Parlament, përballe me kryeministrin ku kam theksuar se vendi kërkon zgjidhje, duke ritheksuar në Parlament se çdo debate dhe oponence brenda PS nuk është për të fshehur dështimet e PD-së, por për të parandaluar çdo fenomen në PS që cenon demokracinë e brendshme dhe efikasitetin politike të saj si në opozitë edhe në maxhorancë”, sqaron Malaj në komunikimin on-line.

Më tej ai shton se kohezioni i PS-së është i qartë në të gjitha qëndrimet dhe deklaratat publike pas zgjedhjeve të 28 Qershorit.

“Kolegët deputet të PD-së dhe media se saj duhet të angazhohen për të ofruar zgjidhjet dhe jo shpifjet, kjo e fundit është shenje e maxhorance në krizë”, përfundon Malaj.

“Hedhim poshtë me neveri shpifjen e ulët se në protestën tonë është djegur flamuri i NATO-s dhe akuzojmë drejtpërdrejtë televizionet e Sali Berishës për manipulim të qartë grafik me imazhe filmike që s’kanë asnjë lidhje me protestën që pa tërë bota në mbrëmjen e 30 prillit”, – deklaroi Zëdhënësja e PS, Armela Imeraj.

Duke theksuar se “ky është pushteti i gënjeshtrës”, – Imeraj nënvizoi se “ne jemi fuqia e vetëdijes qytetare se pa transparencë ka vetëm vjedhje e gënjeshtra në pushtet, të cilat populli shqiptar po i paguan me rrënimin e ekonomisë së tij”.

Kurse në fund ka ardhur edhe paralajmërimi: “S’na ndal asnjë gënjeshtër e presion. Beteja vazhdon”.

Erla Mëhilli në daljen e posaçme për mediat akuzoi se “para këtij akti të turpshëm e të dënueshëm që fakton se bijtë nuk i lënë gjë mangët etërve në ideologjinë e tyre, udhëheqja tjetër e Partisë Socialiste me verbëri dhe skllavëri të plotë hesht duke dëshmuar kështu se ka qenë porositëse dhe organizatore e tij”.

Në këtë pikë ka mbërritur dhe komenti i mazhorancës: “Urrejtja  e Edvin Kristaq Ramës, Gramoz Rucit, Ilir Xhelil Gjonit, Ilir Hamit Beqes, Enkelejda Hamdi Shamkut dhe e Dashnor Myslym Pezës ndaj flamurit të lirisë është gjenetike, por heshtja e drejtuesve të tjerë të PS ndaj këtij akti antikombëtar që dëshmon rikthimin e Partisë Socialiste në identitetin e saj të Partisë së Punës  së Shqipërisë është tejet i rëndë e shumë i turpshëm”.

“Sot jam para jush për tu deklaruar në emër të Partisë Demokratike pinjollëve të rinj të bllokut se kohërat e shqiptarëve janë kohërat e NATO-s, janë kohërat e lirisë, kurse ato të etërve të tyre kanë përfunduar në koshin e plehrave të historisë”, – përfundoi Mëhilli deklaratën në emër të PD.

Përmes deputetes Olta Xhaçka, kjo forcë politike ka kundërshtuar tërësisht deklaratat e Topallit se “kongresi i sotëm i Partisë Socialiste, mund të quhet i krahasueshëm vetëm me kongresin e radhës të Partisë së Punës së Shqipërisë”.

“Të paktën këtë ditë të dielë, zonja Topalli duhet t’ua kish kursyer shqiptarëve fytyrën e ndasisë, gjuhën e urrejtjes, figurën e shpifjes që i ka të mëshiruara në qenien e saj të pangopur me pushtet dhe të sunduar nga tiparet e persekutorëve të së shkuarës”, tha me një gjuhë të ashpër ndaj Topallit, deputetja socialiste Xhaçka.

Madje ajo ka shkuar edhe më tej me një dozë të tillë, duke deklaruar se “Jozefina Topalli dhe Sali Berisha janë fatkeqësia e Partisë Demokratike”.

Duke përfunduar se gjithsesi, “ky s’ është problemi i Partisë Socialiste”.

“Por ne jemi këtu që ata të mos jenë fatkeqësia e Shqipërisë që sot vuan rrënimin ekonomik për shkakun e tyre”, përfundoi deklaratën e saj deputetja socialiste.