Tirane, situata e tensionuar per mitingun e PS
by Andi Bega on 25/06/09 at 11:01 pm
Ne bulevardin “Deshmoret e Kombit” ne kryeqytet, situata vazhdon te jete e bllokuar pas pengimit qe policia u beri aktivisteve te PS per instalimin e skelave te mitingut permbylles qe do te zhvillohet diten e neserme.
Gjithesesi, aktivistet vazhdojne te qendrojne atje, por nen monitorimin e rrepte te uniformave blu, mes te cileve ka edhe agjente civile.
Nga ana e saj, Policia e Shtetit permes drejtorit te policise se Tiranes, Tonin Voci ka deklaruar se leja Partise Socialiste i eshte dhene per diten e neserme.
Ndersa deputeti i PS, Fatmir Xhafa ka shpjeguar se policia po shkel ligjin, pasi PS ia kishte bere kerkesen asaj qe me date 17 qershor dhe ajo nuk i ka kthyer pergjigje, gje qe sipas tij lejon pergatitjen e skenes dhe mbajtjen e mitingut.
Ne nje prononcim per Top Channel, Xhafa ka theksuar se pas ketyre veprimeve ilegjitime te policise fshihet kryeministri Sali Berisha, i cili sipas tij po i trembet humbjes ne zgjedhje.
“Kjo ngjarje e bere nga Policia e Shtetit dhe nga Berisha ka nje dimension ligjor pasi njoftimi jone eshte ne perputhje me ligjin e vitit 2001, sipas te cilit ata qe duan te bejne tubime duhet vetem te njoftojne Policine e Shtetit. Ne e kemi njoftuar ate ne daten 17 dhe detyrimi i policise ishte qe brenda 24 oresh ajo duhet te kthente pergjigje nese ishte dakord me vendin apo diten. Por papritur ajo erdhi sot ketu duke shkelur ligjin e tubimit. Policia nuk mund te ndaloje zhvillimin e tubimeve te partive politike. Ne jemi ne respekt te ligjit dhe mitingu do te zhvillohet neser ne oren 19. Kjo gje tregon panikun e kryeministrit ne ikje”, ka pohuar Xhafa.
Leave a Comment