Maqedonia, pse deri me 2011 do kete krize ekonomike
by Andi Bega on 10/03/09 at 4:46 pm
Raportet e fundit te Fondit Monetar Nderkombetar dhe Institutit ekonomik te Vjenes vene ne pikepyetje projektimin ambicioz te Qeverise per rritje ekonomike prej 5.5 per qind. Perderisa Qeveria nuk ka koment rreth raporteve te ketyre institucioneve, ekspertet thone se raportet duhet te kuptohen seriozisht, pasi realizimi i planeve ne kushte te recesionit boteror eshte i pamundshem. Raportet e Fondit Monetar Nderkombetar dhe Institutit te Vjenes per ekonomi nuk pajtohen me projektet ambicioze te Qeverise per rritje ekonomike, madje ata parashikojne qe ne te ardhmen mund te kete edhe recesion. Ne raportin e fundit te Institutit te Vjenes parashikohet se vendet ballkanike, midis te cilave edhe Maqedonia, do te ballafaqohen me ngecje ne zhvillimin ekonomik deri ne vitin 2011. Eksperti i Institutit, Vlladimir Gligorov, konstaton se duke pasur parasysh keto parashikime, plani i Qeverise per te arritur rritje ekonomike prej 5.5 per qind gjate ketij viti, eshte ambicioz. “Ju mund te keni plane, por shtrohet pyetja se si do t’i financoni ato plane. Qeveria e Maqedonise ka filluar me disa projekte ambicioze fiskale. Nese llogariten parate e Bashkimit Evropian, qe ka Fond per mbeshtetje makroekonomike, duhet te dihet se edhe per terheqjen e atyre parave, kusht eshte qe te kete aranzhman nga Fondi Monetar Nderkombetar”, tha Gligorov. Ndersa, profesori i ekonomise ne Universitetin Shteteror te Tetoves, Hamit Aliu, thote se parashikimet e Institutit te Vjenes jane objektive, pasi asnje parameter nuk eshte ne favor te realizimit te projektimit te Qeverise per rritje ekonomike. “Nje eshte fushata zgjedhore, tjeter eshte sikur kesmeti te na pyeste neve, e tjeter eshte realiteti ekonomik. Nga ky kendveshtrim, asnje parameter dhe asnje baze shkencore teorike dhe praktike nuk e verifikon projektimin qeveritar. Parashikimi i Qeverise se Maqedonise, sidomos ne kohen e recesionit ekonomik, nuk e di se si mund te realizohet”, tha Aliu. Ndryshe, raporti i fundit i Institutit te Vjenes i ka lene pa koment shume institucione te vendit. Ministria e Financave te Maqedonise nuk ka koment, ndersa gjate disa diteve te ardhshme organizatat sindikale do t’i analizojne efektet e parashikimeve nderkombetare ndaj punetoreve.
Leave a Comment