Tiranë,rriten çmimet e fruta perimeve në treg
by Mimoza A on 12/01/09 at 3:39 pm
Gjatë janarit janë rritur ndjeshëm çmimet e perimeve. Shitësit shprehen të pakënaqur për këtë fakt pasi vetë tregëtarët e shumicës i kanë rritur ato, sidomos te produktet e importit. Edhe shitjet kanë rënë thonë ata, veçanërisht pas festave të fundvitit, dita ditës blerjet pakësohen akoma më shumë. Edhe blerësit e pranojnë që ka ngritje të çmimeve por ata janë të detyruar që t’i blejnë produktet aq më tepër perimet të cilat janë të domosdoshme. Më tepër është rritur çmimi i patëllxhanit, bamjeve, kastravecit, domates, qepës dhe pateteve. Edhe Instituti i Statistikave Shqipëtare në bilancin e çmimeve të konsumit për muajin dhjetor ka pohuar një rritje të çmimeve të produkteve ushqimore dhe në veçanti atyre të importit. Me sa duket kjo rritje po vazhdon edhe gjatë muajit janar.
Leave a Comment